Նորություններ
![Գեղարքունիքի մարզպետն անցկացրեց աշխատանքային առաջին խորհրդակցությունը Գեղարքունիքի մարզպետն անցկացրեց աշխատանքային առաջին խորհրդակցությունը](http://gegharkunik.mtad.am/files/n_pics/29714_s.jpg)
Գեղարքունիքի մարզպետն անցկացրեց աշխատանքային առաջին խորհրդակցությունը 17.09.2021
Սեպտեմբերի 17-ին Գեղարքունիքի մարզպետ Կարեն Սարգսյանը մարզպետարանի ստորաբաժանումների ղեկավարների մասնակցությամբ անցկացրեց աշխատանքային առաջին խորհրդակցությունը: Խորհրդակցությանը մասնակցում էին Գեղարքունիքի մարզպետի տեղակալ Ռուբիկ Նավոյանը, մարզպետարանի գլխավոր քարտուղար Սևակ Խլղաթյանը, գլխավոր քարտուղարի տեղակալ Ալբերտ Աղեկյանը: Խորհրդակցության ընթացքում անդրադարձ եղավ մարզպետարանի ստորաբաժանումների կողմից իրականացված ընթացիկ աշխատանքներին, ապա մարզպետը խոսեց առաջիկա առաջնահերթ անելիքների մասին: Նա հանձնարարեց ստորաբաժանումների ղեկավարներին՝ աշխատանքներն իրականացնել թիմային սկզբունքով՝...
![Գեղարքունիքի մարզում ՀՀ Անկախության տարեդարձի առթիվ հանձնվեցին «Մարտական ծառայություն» մեդալներ Գեղարքունիքի մարզում ՀՀ Անկախության տարեդարձի առթիվ հանձնվեցին «Մարտական ծառայություն» մեդալներ](http://gegharkunik.mtad.am/files/n_pics/29719_s.jpg)
Գեղարքունիքի մարզում ՀՀ Անկախության տարեդարձի առթիվ հանձնվեցին «Մարտական ծառայություն» մեդալներ 17.09.2021
Հայաստանի Հանրապետության Անկախության 30-րդ տարեդարձին ընդառաջ Արցախի Հանրապետության նախագահի հրամանագրով պարգևատրվել են ՀՀ Գեղարքունիքի մարզից 2020 թվականի Արցախյան պատերազմում թշնամու դեմ մարտնչած և ծառայությունից վերադարձած մի խումբ զինծառայողներ: Արցախի Հանրապետության նախագահի հրամանագրով «Մարտական ծառայություն» մեդալներով հետմահու պարգևատրվել են նաև նույն պատերազմում հերոսաբար զոհված մի շարք հայորդիներ: Սեպտեմբերի 17-ին մեդալները զինծառայողներին և նրանց հարազատներին հանձնեցին Գեղարքունիքի մարզպետարանի, ՀՀ ՊՆ Զ և ԶՀԾ Գեղարքունիքի մարզային ստորաբաժանման և համայնքապետարանների պատասխանատու աշխատակիցներ: Գեղարքունիքի մարզպետարանի գլխավոր քարտուղար Սևակ Խլղաթյանը Ներքին Գետաշեն համայնքում պատերազմից վերադարձած Արմեն Արամի Աբգարյանին շնորհված հուշամեդալը, հասցեատիրոջ բացակայության պատճառով, հանձնեց նրա կրտսեր եղբորը՝ ապագա զինվոր Արտյոմին: Պարգևներ են հանձնվել նաև Սևանի տարածաշրջանի համայնքներից պատերազմին մասնակցած 10 զինծառայողների, որոնցից մեկին՝ հետմահու: Նույն օրը, 2020 թվականի Արցախյան պատերազմից վերադարձած զինծառայողներին պարգևատրումներ , ինչպես նաև հետմահու շնորհված մեդալներ հանձնվեցին նաև մարզի մյուս համայնքներում:
![Գեղարքունիքի մարզին մի շարք համայնքների տրամադրվել է ազդարարման 7 շչակ Գեղարքունիքի մարզին մի շարք համայնքների տրամադրվել է ազդարարման 7 շչակ](http://gegharkunik.mtad.am/files/n_pics/29698_s.jpg)
Գեղարքունիքի մարզին մի շարք համայնքների տրամադրվել է ազդարարման 7 շչակ 16.09.2021
Սեպտեմբերի 16-ին Գեղարքունիքի մարզպետի տեղակալ Ռուբիկ Նավոյանն ընդունեց «Լոկատոր» ՓԲԸ ազդարարման ծրագրերի ղեկավար Սմբատ Պետրոսյանին: Ինչպես նշվեց հանդիպման ընթացքում, «Լոկատոր» ՓԲ ընկերությունը ՄԱԿ-ի Հայաստանյան գրասենյակի միջոցով աջակցում է մարզի սահմանամերձ համայնքներին՝ ազդարարման շչակների ձեռքբերման և դրանց գործարկման հարցերում: Ծրագրի շրջանակներում արդեն իսկ մարզի մի շարք համայնքների տրամադրվել է ազդարաման 7 շչակ, որոնք կփորձարկվեն առաջիկա օրերի ընթացքում: Հանդիպման ընթացքում կողմերի միջև քննարկվեցին նաև հետագա համագործակցության ընդլայնմանը և մարզին ազդարարման շչակների քանակի ավելացմանը վերաբերող այլ հարցեր:
![Անցկացվեց «Բնակչության պաշտպանության միջոցառումների իրականացումը ջրհեղեղի ժամանակ» թեմայով ուսումնական վարժանք Անցկացվեց «Բնակչության պաշտպանության միջոցառումների իրականացումը ջրհեղեղի ժամանակ» թեմայով ուսումնական վարժանք](http://gegharkunik.mtad.am/files/n_pics/29702_s.jpg)
Ղեկավարվելով «Տարածքային կառավարման մասին» Հայաստանի Հանրապետության օրենքի 5-րդ հոդվածի 3-րդ մասի, 19-րդ հոդվածի դրույթներով և հիմք ընդունելով Հայաստանի Հանրապետության տարածքային կառավարման և արտակարգ իրավիճակների նախարարի 2015 թվականի հունվարի 23-ի N 30-Ա հրամանի պահանջները, ՀՀ Գեղարքունիքի մարզպետի որոշմամբ Գեղարքունիքի մարզպետարանում 2021 թվականի սեպտեմբերի 16-ին անցկացվեց հրամանատարաշտաբային ուսումնավարժություն «Բնակչության պաշտպանության միջոցառումների իրականացումը ջրհեղեղի ժամանակ» թեմայով, ղեկավարությամբ Գեղարքունիքի մարզպետ Կարեն Սարգսյանի: Ուսումնավարժանքին ընդգրկված էին...
![Հիշեցում Հիշեցում](http://gegharkunik.mtad.am/files/n_pics/29683_s.jpg)
Հիշեցում 15.09.2021
Ինչպես արդեն տեղեկացվել է՝ 2021 թվականի սեպտեմբերի 19-ին կայանալու է «ՀՀ Վարչապետի գավաթ» սիրողական խճուղային հեծանվավազքի մրցաշար»: Հիշեցվում է, որ սեպտեմբերի 19-ին ժամը 10:00-ին դադարեցվելու է Սևան-Ծովագյուղ ճանապարհահատվածի մեկ կողմի երթևեկությունը և ժամը 11:00-ին դադարեցվելու է Ծովագյուղ–Շորժա ճանապարհահատվածի երթևեկությունը ամբողջությամբ մինչև միջոցառման ավարտը: Երթևեկության դադարեցման մասին տեղեկացվում է նաև հյուրանոցային և ռեստորանային համալիրներին:
![«Մի′ գուշակիր, արի′ հետազոտվելու» հանրային միջոցառում «Մի′ գուշակիր, արի′ հետազոտվելու» հանրային միջոցառում](http://gegharkunik.mtad.am/files/n_pics/29686_s.jpg)
«Մի′ գուշակիր, արի′ հետազոտվելու» հանրային միջոցառում 15.09.2021
Հայաստանի Հանրապետության անկախության տոնի կապակցությամբ կազմակերպվում են հեպատիտ Ց-ի, հեպատիտ Բ-ի և ՄԻԱՎ-ի, սիֆիլիսի անվճար, անանուն և արագ հետազոտություններ, ինչպես նաև կտրամադրվի տեղեկատվություն հետազոտության կարևորության մասին: Հետազոտությունը կատարվելու է հարմարեցված և անհրաժեշտ բժշկական սարքավորումներով հագեցած «Գազոն» ավտոմեքենայում՝ «Ինֆեկցիոն հիվանդությունների ազգային կենտրոն» ՓԲԸ-ի լաբորատոր մասնագետների կողմից, որը ուղեկցվելու է նախաթեստային և հետթեստային խորհրդատվությամբ: Սեպտեմբերի 20, ք.Գավառ` ժամը 11:00-18:00, Գյուղատնտեսական շուկայի հարևանությամբ: Նշենք, որ հանրային միջոցառումը կազմակերպվում է ՀՀ ԱՆ «Ինֆեկցիոն հիվանդությունների ազգային կենտրոն» ՓԲԸ-ի կողմից՝ ՄԱԿ-ի ՄԻԱՎ/ՁԻԱՀ-ի միացյալ ծրագրի աջակցությամբ Ռուսաստանի Դաշնության օգնության ծրագրի շրջանակում: