Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ Գեղարքունիքի մարզպետ Կարեն Սարգսյանի շնորհավորական ուղերձը բուժաշխատողի օրվա առթիվ 21.06.2022
Սիրելի բուժաշխատողներ, շնորհավորում եմ ձեզ՝ մասնագիտական տոնի կապակցությամբ: Սա եւս մեկ առիթ է՝ անդրադառնալու ձեր դժվարին եւ պատասխանատու աշխատանքին, արժեւորելու այն ջանքն ու եռանդը, որ բժիշկը ներդնում է յուրաքանչյուր հիվանդի ապաքինման գործում: Այն ժամանակը, որը դուք տրամադրում եք կարիքավորներին ձեր բարությամբ, գթասրտությամբ, անսահման ուշադրությամբ՝ անգնահատելի է: Բոլորին մաղթում եմ ամուր առողջություն, ընտանեկան երջանկություն եւ հաջողություններ պատասխանատու, նվիրական գործում: Առանձնահատուկ կցանկանայի շնորհավորել այն բուժաշխատողներին, որոնք այս տոնական օրը վիրասրահներում են, շտապօգնության մեքենաներում, հիվանդի մահճակալի կողքին։ Կայուն եւ դինամիկ զարգացող առողջապահական համակարգը մեր հայրենիքի ընդհանուր զարգացման հիմնական եւ կարեւոր ուղղություններից է:
Տեղի ունեցավ սեմինար-քննարկում ՝ կենսաբազմազանության պահպանություն թեմայի վերաբերյալ 21.06.2022
Հունիսի 21-ին Գեղարքունիքի մարզպետարանում տեղի ունեցավ սեմինար-քննարկում ՝ կենսաբազմազանության պահպանություն թեմայի շրջանակներում։ Այն կազմակերպվել էր Շրջակա միջավայրի նախարարության, Չեխիայի Հանրապետության Բնության պահպանության գործակալության և Ֆինլանդիայի բնապահպանության ինստիտուտի (SYKE) կողմից, որը ԵՄ Թվինինգ ծրագրի աջակցությամբ Հայաստանում իրականացվող՝ կենսաբազմազանության հզորացմանն ուղղված ծրագրի մաս է կազմում։ Սեմինարին մասնակցում էին Գեղարքունիքի մարզպետարանի բնապահպանության և գյուղատնտեսության վարչության աշխատակիցներ, անտառապահներ, «Սևան» ազգային պարկի, մարզի համայնքապետարանների համապատասխան ոլորտի և հասարակական կազմակերպությունների ներկայացուցիչներ։ Սեմինարի ներածական մասում ներկայացվեց Շրջակա միջավայրի նախարարության գործունեությանն առնչվող նորություններ և ընդհանուր տեղեկություններ։․․․
Զորակոչի հերթական արարողությունը կատարվեց Սևան և Վարդենիս համայնքներում 20.06.2022
Գեղարքունիքի մարզում հերթական զորակոչն անցկացվեց Սևան և Վարդենիս համայնքներում։ Սևանում նորակոչիկներին Հայոց բանակ ճանապարհելու արարողությանը մասնակցեցին Գեղարքունիքի մարզպետի տեղակալներ Ռուբիկ Նավոյանը և Վահան Զարոյանը, Սևանի համայնքապետարանի ներկայացուցիչներ, նորակոչիկների ծնողներ և հարազատներ։ Մարզպետի տեղակալները շնորհավորեցին նորակոչիկներին Հայոց բանակ մեկնելու կապակցությամբ, մաղթելով նրանց բարի և խաղաղ ծառայություն։ Ավանդույթի համաձայն նորակոչիկները Սևանի համայնքապետարանի կողմից ստացան նվերներ՝ առաջին անհրաժեշտության հիգենիկ պարագաների տեսքով։ Սևան քաղաքի Սրբոց Հրեշտակապետաց եկեղեցում կատարվեց Սևանի և Վարդենիսի նորակոչիկների օրհնության կարգ, որից հետո տղաները շարժվեցին դեպի կենտրոնական հավաքակայան։
Ասֆալտապատվել է Գավառ համայնքի Կարմիրգյուղ բնակավայրի Ազատության եւ Գայի փողոցները 20.06.2022
Գավառ խոշորացված համայնքի Կարմիրգյուղ բնակավայրում ՀՀ կառավարության կողմից իրականացվող սուբվենցիոն ծրագրերի շրջանակներում արդեն ավարտվել են ասֆալտապատման աշխատանքները Գայի եւ Ազատության փողոցներում։ Ինչպես տեղեկացրին Գեղարքունիքի մարզպետարանի քաղաքաշինության վարչությունից, Կարմիրգյուղի ասֆալտապատման ծրագիրը հաստատվել էր ՀՀ կառավարության 2021 թվականի սուբվենցիոն ծրագրերի շրջանակներում, որի մեկնարկը տրվել էր նույն տարում։ Ծրագրի շրջանակներում 2021 թվականին ասֆալտապատվել են Կարեն Դեմիրճյան եւ Զոհրաբ Շհոյան փողոցները: Ծրագիրը շարունակվել է 2022 թվականին։ Այս տարի ասֆալտապատման աշխատանքները սկսվել եւ ավարտի են հասցվել Ազատության եւ Գայի փողոցներում: Կարմիրգյուղի 4 փողոցների ասֆալտապատման ծրագրի․․․
Երգի պետական թատրոնի «Ուրախ նոտաներ» մանկական մյուզիքլը Գեղարքունիքի մարզում էր 19.06.2022
Գեղարքունիքի մարզպետ Կարեն Սարգսյանի աջակցությամբ հունիսի 19-ին ՀՀ Երգի պետական թատրոնի Արթուր Գրիգորյանի լեգենդար «Ուրախ նոտաներ» մանկական մյուզիքլը՝ 15 արտիստներով հյուրընկալվեց Գեղարքունիքի մարզում։ Գավառի Լևոն Քալանթարի անվան դրամատիկական թատրոնի դահլիճում երաժշտական ներկայացումը դիտելու հնարավորություն ունեցան Գեղարքունիքի մարզի բոլոր տարածաշրջաններից դպրոցական և նախադպրոցական տարիքի շուրջ 1000 երեխաներ։ Ներկայացումը ամբողջությամբ կենդանի հնչողությամբ երաժշտություն էր, կրթական և ինտերակտիվ հատվածներով։ Գավառի թատրոնի դահլիճում, նույն օրը մյուզիքլը հաջորդաբար ներկայացվեց 2 անգամ, անվճար, լեփ֊լեցուն դահլիճում։ Մարզի դպրոցականները միջոցառման ընթացքում ցուցաբերեցին ակտիվ մասնակցություն և ստացան վառ տպավորություններ։
Գեղարքունիքի մարզպետ Կարեն Սարգսյանի նախաձեռնությամբ մարզում կազմակերպվում են միջոցառումներ, որոնք ուղղված են բանակ-հասարակություն կապի ամրապնդմանը։ Հերթական միջոցառումը տեղի ունեցավ հունիսի 18-ին Գավառ քաղաքում։ Գեղարքունիքի մարզպետի և ՀՀ ՊՆ 2-րդ բանակային կորպուսի հրամանատարության հետ ունեցած պայմանավորվածության արդյունքում՝ կորպուսի զինվորները և սպայական կազմը հյուրընկալվեց Գեղարքունիքի մարզի Լևոն Քալանթարի անվան դրամատիկական թատրոնում։ Հանդիպմանը ներկա էր Գեղարքունիքի մարզպետ Կարեն Սարգսյանը։ Գեղարքունիքի մարզպետարանի կրթության, մշակույթի և սպորտի վարչության և Գավառի Լևոն Քալանթարի անվան դրամատիկական թատրոնի աշխատակազմի համատեղ...
