Նորություններ
(EU4Sevan) ծրագրի աջակցությամբ ներկայացվեց Սևանա լճի պահպանության հարթակի ռազմավարությանը 12.05.2023
Մայիսի 12-ին Գավառ քաղաքում տեղի ունեցավ Եվրոպական միության և Գերմանիայի կառավարության համաֆինանսավորմամբ իրականացվող «Սևանա լճի շրջակա միջավայրի պաhպանություն» (EU4Sevan) ծրագրի աջակցությամբ ստեղծված Սևանա լճի պահպանության հարթակի ռազմավարության ներկայացումը: Սևանա լճի պահպանության հարթակը, որն արդեն վեց ամիս գործում է Գավառ համայնքում, նպատակ ունի ձևավորելու քաղաքացիների բնապահպանական պատասխանատու վարքագիծ և փոփոխելու շրջակա միջավայրի հանդեպ վերաբերմունքը, ինչպես նաև նվազեցնելու և հնարավորինս լուծելու Գավառագետ և Սևանա լիճ լցվող տնային տնտեսությունների արտադրական և հանրային նշանակության, գյուղատնտեսական ծագման կոյուղաջրերի մաքարման գործընթացի հարցը։ Հարթակի նպատակն է համախմբել հանրային և մասնավոր հատվածի, ինչպես նաև քաղաքացիական հասարակության ներկայացուցիչներին՝ համատեղ պատասխանատվություն ստանձնելով և համատեղ ջանքերով Սևանա լճի վրա ճնշումների նվազեցման համար:․․․
Մարտունու պետական բժշկական քոլեջում անցկացվեց ցուցադրական հատուկ տակտիկական ուսումնավարժության 12.05.2023
Մայիսի 12-ին Գեղարքունիքի մարզի Մարտունի քաղաքի պետական բժշկական քոլեջում անցկացվեց ցուցադրական հատուկ տակտիկական ուսումնավարժություն «Հրդեհաշիջման և որոնողափրկարարական աշխատանքների իրականացումն ուսումնական հաստաություններում» թեմայով։ Ուսումնավարժության նպատակն է կատարելագործել արձագանքող ուժերի փոխգործողությունները, գործնական հմտությունները` պայթունի հետևանքով առաջացած հրդեհի հրդեհաշիջման և փլատակներում որոնողափրկարարական աշխատանքներ կատարելիս։ Ուսումնավարժությանը ներգրավված էին Գեղարքունիքի մարզպետի աշխատակազմի, ՓԾ Գեղարքունիքի մարզային փրկարարական վարչության, ՓԾ Գեղարքունիքի ՄՓՎ Մարտունու հրշեջ փրկարարական ջոկատի, Մարտունու պետական բժշկական քոլեջի, ՆԳՆ Ոստիկանության Գեղարքունիքի մարզային վարչության Մարտունու բաժնից 1 խմբի, Մարտունու բժշկական կենտրոնի աղետների բժշկության 1 խմբի, «Գազպրոմ Արմենիա» ՓԲԸ Մարտունու տարածքային տեղամասի վթարավերականգնողական 1 խմբի, «Հայկական Էլեկտրական Ցանցեր» ՓԲԸ Մարտունու տեղամասի վթարավերականգնողական 1 խմբի ղեկավար և պատասխանատու աշխատակիցներ։․․․
ՈՒՇԱԴՐՈՒԹՅՈՒՆ 11.05.2023
Մայիսի 11-ին՝ ժամը 06:00-ից, Ադրբեջանի ԶՈՒ ստորաբաժանումները հրետանային և ականանետային միջոցներից կրակ են բացել Սոթքի ուղղությամբ տեղակայված հայկական դիրքերի ուղղությամբ: Այս պահի դրությամբ իրադրությունն առաջնագծում հարաբերականորեն կայուն է: Որոշ լրատվական կայքերում տարածվել է ապատեղեկատվություն, իբրև իրականացվել է քաղաքացիների տարհանում: Այս տեղեկությունը չի համապատասխանում իրականությանը։ Որևէ բնակավայրից տարհանում չի իրականացվել, այժմ էլ տարհանման անհրաժեշտություն չկա: Իրադրությունը հայ-ադրբեջանական սահմանին հարաբերականորեն կայուն է և գտնվում է ՀՀ ԶՈՒ լիարժեք վերահսկողության ներքո։ Հետևեք պաշտոնական լրահոսին և մի տարածեք խուճապ առաջացնող ապատեղեկատվություն: Իրադրության ցանկացած փոփոխության դեպքում պաշտպանության նախարարությունը հանդես կգա հաղորդագրությամբ:
Քաղաքացիների ընդունելություն Գեղարքունիքի մարզպետի աշխատակազմում 10.05.2023
Մայիսի 10-ին Գեղարքունիքի մարզպետի տեղակալ Ռուբիկ Նավոյանը, մարզպետի աշխատակազմի գլխավոր քարտուղար Սևակ Խլղաթյանը, մարզպետի օգնական Ջանիկ Բազեյանը և մարզպետի աշխատակազմի առողջապահության և սոցիալական ապահովության վարչության պետ Լուսինե Վարդանյանը մարզպետի աշխատակազմի վարչական շենքում կատարեցին քաղաքացիների ընդունելություն։ Քաղաքացիները դիմում ներկայացրին պետպատվերի շրջանակներում բուժման մեկնելու, դեղորայքի ձեռքբերման, աշխատանքի տեղավորման, բնակարանի վերանորոգման, բնակարանի սահմանային հատվածների ճանաչման, սեփականության իրավունքի ձեռքբերման, ժամանակավոր բնակության տրամադրած տարածքի վարձավճարի փոխհատուցման և դրամական օգնության խնդիրներով։ Քաղաքացիների մի մասի խնդրանքը տեղում բավարարվեց, իսկ մնացած դիմումները վերցվեցին հաշվառման, որոնց պատասխանը կտրվի օրենքով սահմանված կարգով և ժամկետներում։
Գեղարքունիքի մարզից Մեծ Հայրենականի չորս վետերանները խրախուսվեցին Գեղարքունիքի մարզպետի կողմից 10.05.2023
Հայրենական Մեծ պատերազմում ֆաշիզմի դեմ տարած հաղթանակի 78-րդ տարեդարձի առթիվ Գեղարքունիքի մարզի Սարուխան, Ծովազարդ, Լիճք և Գեղհովիտ բնակավայրերից պատերազմի վետերաններ Մեխակ Ավետիսյանը, Արամայիս Կատվալյանը, Հրաչիկ Պապեյանը և Վոլոդյա Մուսիկյանը Գեղարքունիքի մարզպետ Կարեն Սարգսյանի կողմից արժանացան դրամական խրախուսանքի։ Դրանք, մարզպետի շնորհավորանքների հետ, վետերաններին փոխանցեցին Գեղարքունիքի մարզպետի աշխատակազմի ներկայացուցիչները։ Մեծ Հայրենականի վետերաններն իրենց երախտագիտությունը հայտնեցին մարզպետ Կարեն Սարգսյանին՝ ցուցաբերած ուշադրության և հարգալից վերաբերմունքի համար։
Հաղթանակների տոնի արարողությանը մասնակցեցին Գեղարքունիքի մարզպետ Կարեն Սարգսյանը, Հայրենական մեծ պատերազմի վետերան՝ Սարուխան գյուղի բնակիչ, 101 ամյա Մեխակ Ավետիսյանը, Գեղարքունիքի մարզպետի աշխատակազմի, Գավառի համայնքապետարանի, ուժային կառույցների, կրթամշակութային հաստատությունների ներկայացուցիչները: Ներկաները ծաղիկներ խոնարհեցին Անհայտ զինվորի հուշարձանին, ապա Գավառի Սուրբ Աստվածածին առաջնորդանիստ եկեղեցում կատարվեց հոգեհանգստյան կարգ՝ ձեռամբ Գավառի Սուրբ Աստվածածին եկեղեցու հոգևոր հովիվ արժանապատիվ Տեր Շահան քահանա Մովսիսյանի: Տոնի առթիվ շնորհավորական ուղերձ է հղել մարզպետ Կարեն Սարգսյանը. <<Սիրելի՛ հայրենակիցներ Հայրենական մեծ պատերազմի և Արցախյան ազատամարտի վետերաններին և բոլորիս շնորհավորում եմ 1945 թվականի հաղթանակի և Շուշիի ազատագրման օրվա՝ Մայիսի 9-ի՝ Հաղթանակի և խաղաղության տոնի կապակցությամբ: Մեծ հայրենականում մեր հայրենակիցների սխրանքներն էին և չարիքի, ազգայնականության դեմ պայքարը, որ դաստիարակեցին մեր հետագա սերունդներին,․․․
