Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետարանում կայացավ աշխատանքային հերթական խորհրդակցությունը 27.07.2022
Հուլիսի 26-ին Գեղարքունիքի մարզպետ Կարեն Սարգսյանը մարզպետարանի ստորաբաժանումների ղեկավարների հետ անցկացրեց աշխատանքային հերթական խորհրդակցությունը, որին մասնակցում էին նաև Գեղարքունիքի մարզպետի տեղակալներ Ռուբիկ Նավոյանը, Վահան Զարոյանը, մարզպետարանի գլխավոր քարտուղար Սևակ Խլղաթյանը, մարզպետի օգնական Ջանիկ Բազեյանը։ Խորհրդակցության ընթացքում ստորաբաժանումների ղեկավարները տեղեկատվություն ներկայացրին համայնքների և բնակավայրերի 2022 թվականի բյուջեների սեփական եկամուտների հավաքագրման արդյունքների, մարզով անցնող միջպետական և հանրապետական նշանակության ավտոճանապարհների պաշտպանական գոտիներում քաղաքաշինական գործունեության և ճանապարհաշինության բնագավառում տիրող իրավիճակի շուրջ մշտադիտարկման արդյունքների և ձեռնարկված միջոցառումների, ավտոճանապարհների եզրերին իրականացվող առևտուրն անվտանգ հեռավորության վրա տեղափոխելու նպատակով իրականացված շրջայցերի արդյունքների, մարզի տարածքի ավտոճանապարհների ․․․
Ճանապարհային դեպարտամենտ հիմնադրամը տեղեկացնում է 26.07.2022
Մ-10, Սևան-Մարտունի-Գետափ- /Մ-2/ միջպետական ավտոճանապարհի 66-ից մինչև 80-րդ կիլոմետր հատվածում մեկնարկել են հիմնանորոգման աշխատանքները։ 14կմ երկարությամբ հիմնանորոգվող ճանապարհահատվածը ձգվում է Գեղարքունիքի մարզով. սկսվում է Մարտունի քաղաքից, անցնում Գեղհովիտ բնակավայրով և ավարտվում Վարդենյաց լեռնանցքում։ ⚒⛓Շինաշխատանքներն իրականացնում է «Շանթ-Սեյրան» ՍՊԸ-ն, տեխնիկական հսկողությունը՝ «Ռ Քոնսալթ» ՍՊԸ-ն։ Հիմնանորոգման շրջանակներում կատարվում են հողային աշխատանքներ, նախատեսված է նաև ավտոճանապարհային ծածկի մշակում սառը վերօգտագործման եղանակով, կամրջային անցման նորոգում, հենապատի կառուցում, խողովակների կառուցում և տեղադրում, ջրահեռացման տարրերի իրականացում, մայթերի, իջատեղերի կառուցում և այլն։ Շինաշխատանքների ավարտը նախատեսված է 2023 թվականին։ Հիմնանորոգումը կատարվում է ՀՀ պետական բյուջեի միջոցներով։ Շինաշխատանքների պայմանագրային արժեքը՝ մոտ 3.3 միլիարդ դրամ։
Տեղադրվեց Արցախյան պատերազմներում հերոսացած ծովակցիների հուշարձան-խաչքարը 25.07.2022
Վարդենիս համայնքի Ծովակ գյուղի միջնակարգ դպրոցի բակում տեղադրվեց եւ բացվեց Արցախյան պատերազմներում հերոսացած ծովակցիների հիշատակն հավերժացնող հուշարձան-խաչքարը` բարերարությամբ ռուսաստանաբնակ ծովակցիներ Նվեր եւ Արթուր Մանուկյանների, նախագծմամբ Հունան Հարությունյանի եւ շինարարությամբ Կարեն Սարգսյանի։ Հուշարձան-խաչքարի բացման արարողությանը մասնակցեցին Գեղարքունիքի մարզպետի տեղակալ Վահան Զարոյանը, Վարդենիս համայնքի ղեկավար Ահարոն Խաչատրյանը, ՀՀ ԶՈւ բանակային երկրորդ կորպուսի սպաներ եւ զինվորներ, Գեղարքունյաց թեմի հոգեւոր դասի ներկայացուցիչներ, Արցախյան պատերազմներում զոհված հերոսների ծնողներ եւ հարազատներ, Ծովակի միջնակարգ դպրոցի մանկավարժներ եւ աշակերտներ։ Հուշարձան-խաչքարը բացման պատիվը վերապահվեց բարերարներ Նվեր եւ Արթուր Մանուկյաններին։ Օրհնության կարգ կատարեցին Գեղարքունյաց թեմի Վարդենիսի տարածքի հոգեւոր հովիվներ Տեր Տարոն եւ Տեր Հարություն քահանա Հունանյանները։․․․
ՀՀ կառավարության ծրագրերը հզոր հայրենիքի երաշխիք 22.07.2022
Գեղարքունիքի մարզի Սեւան համայնքում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում մեկնարկել են բազմաբնակարան շենքերի բակային տարածքների հիմնանորոգման աշխատանքները։ Ծրագրի պայմանագրային արժեքը կազմում է 539 միլիոն 298 հազար դրամ, որի 50 տոկոսը կամ 269 միլիոն 649 հազար դրամը հատկացնում է ՀՀ կառավարությունը, մնացած 50 տոկոսը՝ Սեւանի համայնքապետարանը։ Ծրագրով նախատեսվում է Սեւան քաղաքում եւ Գագարին գյուղում հիմնանորոգել թվով 37 բազմաբնակարան շենքերի շուրջ 47 հազար 415 քառակուսի մետր ընդհանուր մակերես ունեցող բակային հատվածներ, որից Սեւան քաղաքում կհիմնանորոգվի 32, Գագարին գյուղում՝ 5 բազմաբնակարան շենքերի բակային հատվածներ։
Կառավարության որոշմամբ՝ ՀՀ կրթության, գիտության, մշակույթի և սպորտի նախարարության 2022 թվականի բյուջեով նախատեսված կապիտալ ծրագրերում կատարվել են փոփոխություններ և լրացումներ: Ըստ այդմ` ՀՀ քաղաքաշինության կոմիտեի պատվիրատվությամբ իրականացվող փոքրաքանակ երեխաներով համալրված հանրակրթական ուսումնական հաստատությունների մոդուլային շենքերի կառուցման ծրագրով ՀՀ բոլոր մարզերում` 10 բնակավայրերում, դպրոցների և կրթահամալիրների մոդուլային շենքերի կառուցման նախագծանախահաշվային փաստաթղթերի մշակման և փորձաքննության համար 2022 թվականի պետական բյուջեով նախատեսված 50 մլն դրամ գումարը կբաշխվի՝ ըստ ներքոնշյալ բնակավայրերի. Մոդուլային կթահարմալիրներ • ՀՀ Արագածոտնի մարզի «Հացաշենի հիմնական դպրոց» ՊՈԱԿ • ՀՀ Գեղարքունիքի մարզի «Արփունք գյուղի միջնակարգ դպրոց» ՊՈԱԿ․․․
ՀՀ կառավարության 2022 թվականի հուլիսի 21-ի նիստում որոշում է կայացվել 54 351,5 դրամ հատկացնել ՀՀ Գեղարքունիքի մարզի Վարսեր, 167 339,1 դրամ՝ ՀՀ Գեղարքունիքի մարզի Ներքին Գետաշեն, 138 284,5 դրամ՝ ՀՀ Գեղարքունիքի մարզի Կարմիրգյուղ և Սարուխան, 42 264,9 ՀՀ Գեղարքունիքի մարզի Վահան բնակավայրերի ջրամատակարարման համակարգերի վերակառուցման համար։
