Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ կառավարության ծրագրերը հզոր հայրենիքի երաշխիք 02.09.2022
ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում Գեղարքունիքի մարզի Սեւան համայնքի Գեղամավան գյուղում արդեն մեկնարկել են մի քանի փողոցների նորոգման շինարարական աշխատանքները։ Ճանապարհաշինական ծրագրի պայմանագրային արժեքը կազմում է 72 միլիոն 980 հազար դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Սեւանի համայնքապետարանը։ Ծրագրով նախատեսվում է Գեղամավանի առաջին փողոցի առաջին փակուղու, 3-րդ փողոցի առաջին նրբանցքի, 2-րդ փողոցի 2-րդ նրբանցքի, 3-րդ փողոցի 2-րդ նրբանցքի, 3-րդ փողոցի առաջին փակուղու ասֆալտապատում 4534 քառակուսի մետր ընդհանուր մակերեսով։ Կատարվում է հիմնային նորոգում, նոր եզրաքարերի տեղադրում։
Կարեն Սարգսյան / Karen Sargsyan Հարգելի՛ ուսուցիչներ, դասախոսներ և ծնողներ, Սիրելի՛ աշակերտներ և ուսանողներ, Շնորհավորում եմ բոլորիդ սեպտեմբերի 1-ի՝ նոր ուսումնական տարվա մեկնարկի և Գիտելիքի օրվա առթիվ: Այս օրը հատկապես բացառիկ է նրանց համար, ովքեր առաջին քայլերն են անելու դեպի դպրոց և բացահայտելու են գիտելիքների նոր ու զարմանահրաշ աշխարհներ, քանզի գիտելիքը աշխարհի ամենահզոր զենքն ու գործիքն է յուրաքանչյուր անհատի և հասարակության համար։ Գեղեցիկ ու հիշարժան այս օրը, խորհրդանշելով գրի ու գրականության, կրթության նկատմամբ մեր ժողովրդի ունեցած դարավոր պաշտամունքը, նաև պարտավորեցնում է որքան հնարավոր է շատ գիտելիքներ ձեռք բերել, հարստացնել ձեր ֆիզիկական ու մտավոր ունակությունները՝ մեր անկախ պետականության հետագա ամրապնդման, բարեկեցիկ հասարակության կառուցման գործի շարունակողները դառնալու, արդիական չափանիշներին համահունչ կրթություն ստացած,...
Գեղարքունիքի մարզում օգոստոս ամսին ծնվել է 171 երեխա 01.09.2022
2022 թվականի օգոստոս ամսին Գեղարքունիքի մարզում ծնվել է 171 երեխա, որից 109-ը տղա են, 62-ը՝ աղջիկ: 171 երեխաներից 42-ը ծնվել են Գավառի ԲԿ-ում, 27-ը՝ Սևանի ԲԿ-ում, 85-ը՝ Մարտունու ծննդատանը, 15-ը՝ Վարդենիսի հիվանդանոցում և 2-ը՝ Ճամբարակի ԱԿ-ում:
Նոր ուսումնական տարին մարզում մեկնարկեց գրին ու գիտությանը նվիրված միջոցառումների անցկացմամբ 01.09.2022
Սեպտեմբերի 1-ին Գեղարքունիքի մարզային ենթակայության 116 հանրակրթական ուսումնական հաստարություններում և ԿԳՄՍ նախարարության ենթակայությամբ գործող ուսումնական հաստատություններում մեկնարկել է նոր՝ 2022-2023 ուսումնական տարին։ Օրվա առթիվ դպրոցներում և նախարարության ենթակայությամբ գործող ուսումնական հաստատություններում ընթերցվել է ՀՀ Գեղարքունիքի մարզպետ Կարեն Սարգսյանի շնորհավորական ուղերձը։ Նոր ուսումնական տարվա մեկնարկը և Գիտելիքի օրը մարզի դպրոցներում նշանավորվել է հետաքրքիր և բովանդակալից դասընթացների և միջոցառումների անցկացմամբ, գերազանց առաջադիմություն ունեցող աշակերտներին շնորհվել են գովասանագրեր։ Մարզին հատկացված դասագրքերը արդեն իսկ բաժանվել են բոլոր դպրոցներին։ Գեղարքունիքի մարզպետ Կարեն Սարգսյանի հանձնարարությամբ ընթացքի մեջ է մարզի սոցիալապես անապահով ընտանիքներին ֆինանսական միջոցների
ՀՀ կառավարությունը միջոցներ է հատկացրել Գեղարքունիքի մարզում մի շարք ծրագրեր իրականացնելու համար 01.09.2022
ՀՀ կառավարության 2022 թվականի սեպտեմբերի 1-ի նիստում ՀՀ ԿԳՄՍ նախարարությանը հատկացված գումարից 400 հազար դրամ է հատկացվել Գեղարքունիքի Վ. Պետրոսյանի անվան մարզային գրադարանին՝ նյութատեխնիկական բազայի զարգացման համար, 870 հազար դրամ՝ Սևանի ջրային մարզաձևերի մանկապատանեկան մարզադպրոցին՝ գույքային և տենիկական ապահովվածության բարելավման, 40 միլիոն 925 հազար դրամ՝ Զոլաքար գյուղի Ա. Վարդանյանի անվան թիվ 2 միջնակարգ դպրոցի շենքային պայմանների բարելավման, 46 միլիոն 982 հազար դրամ՝ նույն դպրոցի գույքի և տեխնիկայի ձեռքբերման, 71 միլիոն 016 հազար դրամ՝ Վերին Գետաշենի թիվ 2 միջնակարգ դպրոցի մարզադահլիճի հիմնանորոգման համար։ Նույն նիստում ՀՀ ՏԿԵ նախարարությանը հատկացված գումարից 1 միլիոն 400 հազար դրամ է հատկացվել Սևանի տրանսպորտային հանգույցի հիմնանորոգման նախագծահետազոտական ծախսերի համար։
Տեղեկացում 31.08.2022
Հավաքագրվում են տվյալներ ՀՀ Գեղարքունիքի մարզում բնակվող, բարձրագույն կրթությամբ 1.մանկավարժների 2.հաշվապահների 3.սպայական կոչում ունեցող անձանց, ովքեր չեն աշխատում և իրենց կարողություններն ու ներուժը ցանկանում են ծառայեցնել մատաղ սերնդի կրթությանն ու դաստիարակությանը/դպրոցում/: Ինքնակենսագրականը և դիպլոմի պատճենն ուղարկել krtutyun-krtutyun@mail.ru հասցեին: ՀՀ Գեղարքունիքի մարզպետարանի ԿՄՍ վարչություն
