Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Խորհրդակցության օրակարգում ընդգրկված էր չորս հարց։ Առաջինը ներկայացվել է ընդհանուր օգտագործման պետական ավտոմոբիլային ճանապարհների պաշտպանական գոտիների, հողերի օտարման և կառուցապատման վերաբերյալ հարցը: ՏԿԵ նախարար Գնել Սանոսյանը հանձնարարել է մշտական հսկողության ներքո պահել միջպետական և հանրապետական նշանակության ավտոմոբիլային ճանապարհների պաշտպանական գոտիների, հողերի օտարման, դրանց հողային պաստառներում համայնքների ղեկավարների կողմից տրված շինթույլտվությունների օրինականության գործընթացը՝ բացառելով օրենքով չթույլատրված վայրերում հողերի օտարման և շինթույլտվությունների ապօրինի տրամադրման դեպքերը։ Երկրորդ հարցով ՏԿԵ ֆինանսական, հաշվապահական հաշվառման և համայնքային բյուջեների վարչության պետ Արտակ Ալբերտյանը ներկայացրել է 2023 թվականի հունիսի 15-ի դրությամբ կատարողականի վերլուծությանը։․․․
Ինչպե՞ս վճարել բժշկական ծառայությունների դիմաց անկանխիկ ՊՈՍ տերմինալի միջոցով` քարտը մտցնել տերմինալի մեջ և հավաքել PIN կոդը կամ կատարել անհպում վճարում` քարտը կամ հեռախոսը մոտեցնելով տերմինալին: Վճարային տերմինալի միջոցով` հաստատությունում կամ դրա մերձակայքում տեղադրված վճարային տերմինալով գումարը փոխանցել բժշկական հաստատության բանկային հաշվեհամարին: Բջջային հավելվածի միջոցով` բանկի բջջային հավելվածի համապատասխան բաժնում բժշկական հաստատության բանկային հաշվեհամարին կատարել փոխանցում, QR կոդի սքանավորման միջոցով, Էլեկտրոնային դրամապանակում առկա միջոցներով: Բանկային փոխանցման միջոցով` բժշկական կազմակերպության բանկային հաշվեհամարին բանկի որևէ մասնաճյուղից փոխանցել գումարը: «Անկանխիկ գործառնությունների մասին» ՀՀ օրենք https://www.arlis.am/DocumentView.aspx?docID=160074
ՀՀ կառավարության կողմից 2022 թվականին Գեղարքունիքի մարզում իրականացված սուբվենցիոն ծրագրերի ամփոփում 22.06.2023
Գեղարքունիքի մարզի Սեւան համայնքի Գեղամավան գյուղում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում ասֆալտապատվել է 4534 քառակուսի մետր ընդհանուր մակերեսով ներհամայնքային ճանապարհներ, կառուցվել 2700 գծամետր երկարության արտաքին լուսավորության ցանց։ Գեղամավանի ներհամայնքային ճանապարհների ասֆալտապատման պայմանագրային արժեքը կազմել է 72 միլիոն 980 հազար դրամ, որի 50 տոկոսը հատկացրել է ՀՀ կառավարությունը, 50 տոկոսը՝ Սեւանի համայնքապետարանը։ Ծրագրի իրականացման արդյունքում ասֆալտապատման աշխատանքներ են իրականացվել 1-ին փողոցի 1-ին, 3-րդ փողոցի 1-ին փակուղիներում, 2-րդ փողոցի 9-րդ, 3-րդ փողոցի 1-ին եւ 2-րդ նրբանցքներում։ Շինարարական աշխատանքները մեկնարկել են 2022 թվականի սեպտեմբերից եւ ավարտվել նույն տարվա նոյեմբերին։․․․
ՀՀ աշխատանքի և սոցիալական հարցերի նախարարությունը տեղեկացնում է 22.06.2023
ՀՀ կառավարությունը հունիսի 22-ի հերթական նիստում հավանություն է տվել անկանխիկ եղանակով վճարումներից կենսաթոշակառուներին հետվճար տրամադրելու պետություն-մասնավոր սոցիալական փոխգործակցության միջոցառման ժամկետը մինչև 2023 թ. դեկտեմբերի 31-ը երկարացնելու նախագծին։ Հիշեցնենք, որ 10% հետվճարի ծրագրի գործընկեր բանկերն են՝ ՎՏԲ Հայաստան բանկ, Արդշինբանկ, Հայբիզնեսբանկ, Ակբա բանկ։ Այս բանկերի քարտապանները ՀՀ տարածքում գործող առևտրի կետերում և ծառայություններ մատուցող կազմակերպություններում վճարային քարտերով ու վճարում ընդունող սարքերով գործարքներ կատարելու դեպքում հաջորդ ամիս կստանան հետվճար՝ կատարած գործարքների հանրագումարի 10 %-ի չափով, բայց ոչ ավելի քան 5,000 դրամը։ Հետվճարը գործում է նաև կոմունալ վճարումների դեպքում․ մեխանիզմը վերաբերում է ոչ միայն քարտը թողարկած բանկոմատների, այլև բանկի էլեկտրոնային (մոբայլ բանկինգ) հավելվածի միջոցով կատարված կոմունալ վճարումներին։
ՀՀ կառավարության կողմից 2022 թվականին Գեղարքունիքի մարզում իրականացված սուբվենցիոն ծրագրերի ամփոփում 22.06.2023
Գեղարքունիքի մարզի Ճամբարակ համայնքի Արտանիշ գյուղում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում կառուցվել է լուսավորության եւ խմելու ջրատարի արտաքին ցանցեր։ Արտանիշի լուսավորության ցանցը կառուցվել է «ՀՀ Գեղարքունիքի մարզի Շողակաթ համայնքի 6 բնակավայրերում փողոցների արտաքին լուսավորության ցանցի կառուցման աշխատանքներ» ծրագրի ընդհանուր փաթեթի շրջանակներում, 25 միլիոն դրամ պայմանագրային արժեքով, որի 70 տոկոսը հատկացրել է ՀՀ կառավարությունը, 30 տոկոսը՝ Շողակաթի համայնքապետարանը։ Շինարարական աշխատանքները սկսվել են 2022 թվականի սեպտեմբեր ամսին եւ ավարտվել 2023 թվականի ապրիլ ամսին։ Ծրագրի իրականացման արդյունքում Արտանիշի 5 փողոցներում կառուցվել է շուրջ 1 կիլոմետր երկարության լուսավորության ցանց։ Տեղադրվել է ԼԵԴ համակարգով աշխատող 35 լուսատու։․․․
Գեղարքունիքի մարզպետ Կարեն Սարգսյանի շնորհավորական ուղերձը՝ բուժաշխատողի օրվա առիթով 21.06.2023
Առողջապահության ոլորտի հարգելի աշխատակիցներ, սրտանց շնորհավորում եմ բոլորիդ ձեր մասնագիտական տոնի՝ Բուժաշխատողի օրվա առթիվ: Սա ևս մեկ առիթ է՝ անդրադառնալու ձեր դժվարին և պատասխանատու աշխատանքին, արժևորելու այն ջանքն ու եռանդը, որ բժիշկը ներդնում է յուրաքանչյուր հիվանդի ապաքինման գործում: Ձեր նվիրված աշխատանքի, մասնագիտական բարձր պատրաստվածության ու հոգատար վերաբերմունքի շնորհիվ ամեն օր հարյուրավոր մարդկանց վերադարձնում եք իրենց ամենամեծ հարստությունը՝ առողջությունը, հաճախ նաև կյանքը: Մենք ականատես ենք եղել բուժաշխատողների անձնուրացության բազմաթիվ դրվագների, երբ թե տարերային աղետների ժամանակ, թե ռազմական գործողությունների բովում վտանգելով սեփական կյանքը` դուք փրկում էիք հարյուրավոր մարդկային կյանքեր: Վստահ եղեք, որ մենք գնահատում ենք ձեր շնորհակալ աշխատանքն ու շարունակելու ենք, պետության հնարավորությունների մեծացմանը զուգահեռ, բարելավել թե ձեր աշխատանքի պայմանները, թե լուծել առողջապահության ոլորտի աշխատողների առաջ ծառացած խնդիրները:․․․
