Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ ՏԿԵՆ Ջրային կոմիտեի նախագահ Վահագն Գևորգյանը Գեղարքունիքի մարզում էր 04.07.2023
Սույն թվականի հունիսի 30-ին` Գեղարքունիքի մարզպետ Կարեն Սարգսյանի հրավերով մարզ էր այցելել ՀՀ ՏԿԵՆ Ջրային կոմիտեի նախագահ Վահագն Գևորգյանը: Մարզպետը, Ջրային կոմիտեի նախագահը, Մարտունի համայնքի ղեկավար Հովհաննես Հովեյանը և Գեղարքունիք ՋՕԸ-ի տնօրեն Արտաշ Սարդարյանը շրջեցին Մարտունի քաղաքում, դիտարկեցին սուբվենցիոն ծրագրով հիմնանորոգվող Կոմիտաս և Գարեգին Նժդեհ փողոցներում ասֆալտապատման աշխատանքների ժամանակ իհայտ եկած խնդիրները` կապված կոյուղու համակարգի տեխնիկական վիճակի հետ: Համապատասխան մասնագետների հետ ծավալվեց քննարկում` առկա թերությունները հնարավորինս սեղմ ժամկետներում շտկելու համար:
«Մշակութային կրթության աջակցության» հիմնադրամը ստեղծվել և գործում է 2007 թվականից ու ակտիվ գործունեություն է ծավալում ՀՀ մարզերի երաժշտական, արվեստի և գեղարվեստի դպրոցներում: Հիմնադրամի մեթոդիստները պարբերաբար այցելում են Գեղարքունիքի մարզ և մեթոդական աշխատանքներ իրականացնում մարզի արվեստի, երաժշտական և գեղարվեստի դպրոցների աշակերտներին և մանկավարժնեերին, ինչպես նաև վերապատրաստում են մանկավարժներին ու վարպետության դասեր անցկացնում նրանց համար: Հիմնադրամի կողմից դպրոցներին տրամադրվում է նաև անհրաժեշտ երաժշտական գրականություն: 2023 թվականի հունիսի 29-ին Առնո Բաբաջանյանի անվան համերգասրահում «Մշակութային կրթության աջակցության» հիմնադրամի կողմից կազմակերպվեց ՀՀ մարզերի երաժշտական և արվեստի դպրոցների տարեվերջյան հաշվետու համերգ, որին մասնակցում էին մարզերի երաժշտական, արվեստի և գեղարվեստի դպրոցների շնորհալի սաները:...
Գեղարքունիքի մարզպետ Կարեն Սարգսյանը մասնակցեց Մարտունի քաղաքի Մնաց Մելիք-Շահումյանի անվան թիվ 1 հիմնական դպրոցի բակում՝ Արցախյան 44-օրյա պատերազմում հերոսացածների հիշատակին կառուցված պուրակի բացման արարողությանը, որին ներկա էին նաև Մարտունու համայնքի ղեկավար Հովհաննես Հովեյանը, Մարտունի քաղաքի դպրոցների տնօրեններ, ուժային կառույցների ղեկավարներ, զինվորականներ, մանկավարժներ, Մարտունի քաղաքից՝ 44- օրյա պատերազմում զոհված հերոսների ծնողներ ու հարազատներ։ Պուրակի կառուցման նախաձեռնության հեղինակներն են Մարտունու թիվ 1 հիմնական դպրոցի տնօրեն Անժելա Պետրոսյանը և դպրոցի զինղեկ Կարեն Համբարձումյանը, իսկ կառուցմանը տարբեր կերպ աջակցել են մարտունեցի անհատ բարերարներ։ Նորաբաց պուրակում կանգնեցվել է Հայաստան–Արցախ միասնությունը պատկերող խորհրդանիշ, տեղադրվել Մարտունի քաղաքից 44-օրյայում զոհված ութ ժամկետային և պայմանագրային զինծառայողներ...
Հայրավանքում հավատավորները հաղորդվեցին Հիսուս Քրիստոսի Խաչափայտի մասունքին 03.07.2023
Հուլիսի 2-ին` Հոգեգալստյան տոնին հաջորդող 5-րդ կիրակին` Հայրավանքի ուխտի օրը, ընկալյալ կարգի համաձայն, այս տարի ևս Մայր Աթոռ Ս. Էջմիածնից` Վեհափառ Հայրապետի օրհնությամբ, Հայրավանք էր բերվել Տիրոջ Խաչափայտի Սրբազան մասունքը։ Հանդիսապետությամբ առաջնորդական տեղապահ հոգեշնորհ Տեր Պարթև վրդ. Բարսեղյանի, աղոթակցությամբ Հայրավանքի վանահայր հոգեշնորհ Տեր Բաբկեն վրդ. Սալբիյանի և թեմի քահանայից դասի մատուցվեց Սուրբ և Անմահ Պատարագ։ Սրբազան մասունքը Հայրավանք էր բերել Մայր Աթոռի ՔԴԿ տնօրեն հոգեշնորհ Տ. Զաքարիա ծ. վրդ. Բաղումյանը, ով քարոզեց ըստ օրվա խորհրդի` մաղթելով ներկաներին Կենարար Խաչի շնոհաբեր զորությամբ գոտեպնդվել և Տիրոջ օգնականությամբ ամրանալ ու զորանալ: Սրբազան մասունքով եկեղեցում կատարվեց նաև Գավառ համայնքի նորակոչիկների, ինչպես նաև` ներկա զինվորների օրհնության կարգ, որոնց իր հայրական օրհնությունը, հորդորն ու խրատը բերեց առաջնորդական տեղապահ Հոգեշնորհ Տ. Պարթև վրդ. Բարսեղյանը:․․․
ՀՀ կառավարության կողմից 2022 թվականին Գեղարքունիքի մարզում իրականացված սուբվենցիոն ծրագրերի ամփոփում 03.07.2023
Գեղարքունիքի մարզի Մարտունի քաղաքում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում հիմնանորոգվել է Մարտունու համայնքապետարանի շենքը, առանձին ծրագրով շենքի կարիքների համար ձեռք է բերվել գույք, գազատար է կառուցվել Նարեկացի եւ Իշխան Խաչատրյան փողոցներում, մայթերի կառուցման եւ սալարկման աշխատանքներ են իրականացվել Գետափնյա-2, Կոմիտաս, Գարեգին Նժդեհ, Կարապետյան եւ Վարդան Մամիկոնյան փողոցներում, իսկ Գարեգին Նժդեհ, Կոմիտաս եւ Գետափնյա-2 փողոցների հիմնանորոգման աշխատանքները տեղափոխվել են 2023 թվական եւ մեկնարկել այս տարվա մայիս ամսից։ Մարտունու համայնքապետարանի շենքի հիմնանորոգման ծրագրի իրականացման պայմանագրային արժեքը կազմել է 40 միլիոն դրամ, որի 50 տոկոսը հատկացրել է ՀՀ կառավարությունը, 50 տոկոսը՝ Մարտունու համայնքապետարանը։ Ծրագրի իրականացման արդյունքում հիմնանորոգվել է համայնքապետարանի 2-րդ եւ 4-րդ հարկերի 24 աշխատասենյակ եւ նիստերի դահլիճը։ ․․․
Վարդենիս քաղաքի զինվորական հոսպիտալի բակում օծվել է նորակառույց Սուրբ Աստվածածին մատուռը 03.07.2023
Հունիսի 30-ին Վարդենիսի զինվորական հոսպիտալի տարածքում կատարվել է նորակառույց Սուրբ Աստվածածին մատուռի օծման արարողությունը, որին մասնակցել են Գեղարքունիքի մարզպետի տեղակալ Վահան Զարոյանը, Վարդենիս համայնքի ղեկավար Ահարոն Խաչատրյանը, 2-րդ բանակային կորպուսի հրամանատար գնդապետ Գարեգին Պողոսյանը, այլ պաշտոնյաներ։ Մատուռն օծվել է ձեռամբ Մայր Աթոռի Հայեցակարգային գրասենյակի տնօրեն Գերաշնորհ Տ. Վազգեն արք. Միրզախանյանի, աղոթակցությամբ Գեղարքունյաց թեմի առաջնորդական տեղապահ Հոգեշնորհ Տ. Պարթև վրդ. Բարսեղյանի և Զինված ուժերի հոգևոր առաջնորդ Տ. Մովսես վրդ. Սարգսյանի։ Սուրբ Աստվածածին մատուռը կառուցվել է 2020 թվականին՝ Արցախյան 44-օրյա պատերազմից հետո՝ Դադիվանքից բերված և Վարդենիսի զինվորական հոսպիտալի տարածքում տեղադրված խաչքարի տեղում` զինվորական հոսպիտալի գլխավոր բժշկի և մի խումբ վարդենիսցիների նախաձեռնությամբ:․․․
