Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Կարեն Սարգսյան / Karen Sargsyan Մասնակցել եմ Գավառ համայնքում անցկացված «Հովվի փառատոն» միջոցառմանը Գավառ համայնքի ղեկավար Գուրգեն Մարտիրոսյանի, Գեղարքունյաց թեմի առաջնորդական տեղապահ Տեր Պարթև վարդապետ Բարսեղյանի, ՀՀ Էկոնոմիկայի նախարարության, Զբոսաշրջության կոմիտեի ներկայացուցիչների, տեղացի և արտասահմանցի զբոսաշրջիկների ու հյուրերի հետ մասնակցեցի Գավառ համայնքում ՀՀ Էկոնոմիկայի նախարարության Զբոսաշրջության կոմիտեի և Գավառի համայնքապետարանի աջակցությամբ կազմակերպված «Հովվի փառատոն» եռօրյա միջոցառմանը։ Միջոցառումը մեկնարկեց հուլիսի 7-ին, Գավառ քաղաքից: Զբոսաշրջիկները, կազմակերպիչներն ու կամավորները հուլիսի 7-ին եղան Գավառի տարածաշրջանի կիկլոպյան դարաշրջանի ամրոցներում, որտեղ դիտեցին իրական պատմական փաստերի վրա հիմնված թատերական ներկայացումներ: «Հովվի փառատոն»-ի երկրորդ օրն անցկացվեց Գավառ քաղաքից 10 կիլոմետր դեպի արևմուտք գտնվող Սուրբ Խաչ լեռան փեշերին:․․․
Գեղարքունիքի մարզպետի տեղակալ Ռուբիկ Նավոյանը կատարեց քաղաքացիների ընդունելություն 06.07.2023
Հուլիսի 6-ին ՀՀ Գեղարքունիքի մարզպետի տեղակալ Ռուբիկ Նավոյանը մարզպետի աշխատակազմի վարչական շենքում կատարեց քաղաքացիների ընդունելություն։ 6 քաղաքացի դիմեցին դրամական օգնության, 2 քաղաքացի՝ աշխատանքի տեղավորման, 1 քաղաքացի՝ տնամերձ հողամասի սահմանների ճշգրտման, 1 քաղաքացի՝ կարկտահարությունից ավերված բերքի դիմաց փոխհատուցում ստանալու խնդրանքով։ Բոլոր դիմումները վերցվեցին հաշվառման, որոնց պատասխանները կտրվեն անհրաժեշտ ուսումնասիրությունից հետո, օրենքով սահմանված կարգով եւ ժամկետներում։
«ՀՀ Գեղարքունիքի մարզպետի գավաթ» մինի ֆուտբոլի մրցաշարում հաղթեց «Մարտունի» թիմը 06.07.2023
Հուլիսի 4-ին Գեղարքունիքի մարզի Մարտունի համայնքի Արծվանիստ գյուղի միջնակարգ դպրոցի խաղադաշտում անցկացվեց «ՀՀ Գեղարքունիքի մարզպետի գավաթ» մինի ֆուտբոլի մրցաշարի եզրափակիչ փուլը, որին մասնակցեցին նախնական փուլի արգելքը հաղթահարած «Մարտունի», «Վարդենիս», «Նորատուս» եւ «Գավառ-1» թիմերը` պայքարից դուրս թողնելով «Ճամբարակ», «Արծվանիստ», «Գեղարքունիք» եւ «Գավառ-2» թիմերին։ Եզրափակիչ փուլի մրցումները դիտելու էին եկել Գեղարքունիքի մարզպետ Կարեն Սարգսյանը, Մարտունի համայնքի ղեկավար Հովհաննես Հովեյանը, Վարդենիս համայնքի ղեկավար Ահարոն Խաչատրյանը, Գավառ համայնքի ղեկավարի առաջին տեղակալ Գրիգոր Դաշտոյանը, Գեղարքունիքի մարզպետարանի եւ մարզի համայնքապետարանների պատասխանատու աշխատակիցներ։ Առաջինը խաղադաշտում երրորդ տեղի համար պայքարում ուժերը չափեցին «Վարդենիս» եւ «Նորատուս» թիմերը։ Չնայած տեղացած անձրեւին`ծավալվեց համառ ու անզիջում պայքար, որտեղ ավելի ուժեղ գտնվեց «Վարդենիս» թիմը` հաղթելով 2:0 հաշվով։․․․
Կարեն Սարգսյանի ուղերձը ՀՀ Սահմանադրության ընդունման 28-ամյակի կապակցությամբ 05.07.2023
Սիրելի՛ հայրենակիցներ, Սրտանց շնորհավորում եմ բոլորիս Սահմանադրության օրվա առթիվ: ՀՀ յուրաքանչյուր քաղաքացի պետք է գիտակցի և ընդունի Սահմանադրությունը ոչ միայն որպես իրավունք ու պարտականություն, այլ նաև արժեհամակարգ: Սահմանադրության հաստատնման շնորհիվ Հայաստանի Հանրապետությունը վերջնականապես հռչակվեց ժողովրդավարական, սոցիալական, իրավական պետություն` մարդու և քաղաքացու իրավունքները և ազատություններն ամրագրվեցին երկրի մայր օրենքով: Ժողովրդավարական երկրում Սահմանադրությունն է պետության ու պետականության առանցքը և երկրի անկախությունը երաշխավորող կարևորագույն ինստիտուտը: Մեր բոլորի ձգտումը պետք է լինի Մայր օրենքում ամրագրված արժեքներին հավատարիմ մնալն ու դրանց համընթաց քայլելով՝ ազգային նվիրական իղձերն ու նպատակները կյանքի կոչելը:․․․
Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը 04.07.2023
Հուլիսի 3-ին Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը, որին մասնակցեցին մարզպետի աշխատակազմի ստորաբաժանումների ղեկավարները։ 2023 թվականին Գեղարքունիքի մարզի 123 համայնքներում և բնակավայրերում 11 միլիարդ 155 միլիոն 118 հազար 759 դրամի շրջանակներում կիրականացվեն 23 սուբվենցիոն ծրագրեր՝ իրենց 147 ենթածրագրերով։ Նշված գումարի 6,7 միլիարդ դրամը կհատկացնի ՀՀ կառավարությունը, 4,5 միլիարդը՝ համայնքները և 88 միլիոն դրամը՝ այլ ներդրողներ։ 2023 թվականին մարզում իրականացվող սուբվենցիոն ծրագրերը չավարտվելու դեպքում հաջորդ տարի կտեղափոխվեն միայն պատշաճ հիմնավորում ներկայացնելու դեպքում։ Գեղարքունիքի մարզի համայնքներում, հունիսի 30-ի դրությամբ, սեփական եկամուտների հավաքագրման ցուցանիշը կազմում է 114,4 տոկոս, որը նախորդ տարվա նույն ժամանակահատվածի համեմատ ավել է 43,8 տոկոսով։․․․
Գեղարքունիքի մարզպետ Կարեն Սարգսյանն աշխատանքային այցով եղավ սահմանամերձ Վահան բնակավայրում 04.07.2023
Գեղարքունիքի մարզպետ Կարեն Սարգսյանը Ճամբարակ համայնքի ղեկավար Վազգեն Ադամյանի ուղեկցությամբ այցելեց Ճամբարակ համայնքի Վահան բնակավայր, որտեղ դիտարկեց 2023 թվականի ապրիլի 28-ից մեկնարկած Ճամբարակ-Վահան հանրապետական նշանակության ավտոճանապարհի 5,7 կիլոմետր հատվածի հիմնանորոգման աշխատանքների ընթացքը։ Ճանապարհի հիմնանորոգման ծրագրի պայմանագրային արժեքը կազմում է 898 միլիոն դրամ, որը հատկացվել է ՀՀ պետական բյուջեի միջոցներից։ Ընթանում են հողային հարթեցման, երկու կամուրջների հիմնանորոգման աշխատանքներ, կառուցվել են մայթերը, անցկացվել ջրահեռացման համակարգ։ Օրերս արդեն կմեկնարկեն ասֆալտապատման աշխատանքները։ Հիմնանորոգվող ճանապարհի շուրջ երկու կիլոմետրանոց հատվածն իրականացվելու է Վահան բնակավայրի ներսում։ ․․․
