Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հարգանքի տուրք՝ Սպիտակի ավերիչ երկրաշարժի զոհերի հիշատակին 07.12.2023
Դեկտեմբերի 7-ին Գեղարքունիքի մարզպետի աշխատակազմի ղեկավար կազմը, ստորաբաժանումների աշխատակիցները, մարզպետի աշխատակազմի ենթակայությամբ գործող կրթական և մշակութային հաստատությունների աշխատակիցները և անհատ քաղաքացիներ ծաղիկներ խոնարհեցինք Գավառի Սուրբ Աստվածածին եկեղեցու բակում տեղադրված՝ 1988 թվականի դեկտեմբերի 7-ի Սպիտակի ավերիչ երկրաշարժի զոհերի հիշատակը հավերժացնող հուշաքարին։ Այնուհետև ներկաները Գավառի Սուրբ Աստվածածին եկեղեցում իրենց հարգանքի տուրքը մատուցեցին մոմավառությամբ։
ՀՀ Գեղարքունիքի մարզպետ Կարեն Սարգսյանի խոսքը՝ Սպիտակի երկրաշարժի 35- րդ տարելիցի առթիվ 07.12.2023
Այսօր լրանում է Սպիտակի աղետալի երկրաշարժի 35- րդ տարելիցը։ 1988թ. դեկտեմբերի 7-ին` տեղական ժամանակով ժամը 11:41 րոպեին, Հայաստանը ցնցվեց Սպիտակի ավերիչ երկրաշարժից: Սպիտակի երկրաշարժը 20-րդ դարավերջին մեր ժողովրդի ապրած մեծագույն փորձություններից էր: Ինչպես ժողովուրդն է ասում ՝ «երկիրը քանդվեց», և այո՛, մի քանի վայրկյանում փոշիացավ տասնամյակների կառուցածն ու ստեղծածը՝ Գյումրին, Սպիտակը, Վանաձորը և բազմաթիվ այլ բնակավայրեր հողին հավասարվեցին: Զոհվեց ավելի քան 25 հազար մարդ, 19 հազարը հաշմանդամ դարձավ, անօթևան մնաց 530 հազար բնակիչ: 1988-ից ի վեր մեր աշխատասեր ժողովուրդը կառուցում և նորոգում է քանդվածը, ավերվածը, սակայն ցավոք, դեռևս այսօր, երկրաշարժից 35 տարի անց, մենք շարունակում ենք առերեսվել երկրաշարժի հետևանքով մարդկանց տխուր ճակատագրերին։ Այսօր մեր երկրի, մեր ժողովրդի համար կրկին դժվարին ժամանակներ են, սակայն մենք շարունակում ենք ապրել և ապրեցնել, կրկին արարել ու ստեղծել, ինչպես դա միասնաբար արեցինք 1988-ին և դրանից հետո:․․․
Գեղարքունիքի մարզպետ Կարեն Սարգսյանն անցկացրեց քաղաքացիների հերթական ընդունելությունը 06.12.2023
Դեկտեմբերի 6-ին մարզպետ Կարեն Սարգսյանը մարզպետի աշխատակազմի վարչական շենքում կատարեց քաղաքացիների ընդունելություն, որին մասնակցեց Գեղարքունիքի մարզպետի աշխատակազմի գլխավոր քարտուղար Սևակ Խլղաթյանը, Գեղարքունիքի մարզպետի օգնական Մանանա Գալստյանը, մարզպետի աշխատակազմի առողջապահության և սոցիալական ոլորտի հարցերով վարչության պետ Լուսինե Վարդանյանը։ Ընդունելության ներկայացած քաղաքացիները մարզպետին դիմեցին դրամական օգնության, աշխատանքի տեղավորման, ժամանակավոր կացարանի վերանորոգման, գյուղատնտեսության պետական աջակցության ծրագրերից օգտվելու, «Փարոս» համակարգում վերականգնվելու, արտադրամասի շահագործման թույլտվության նպատակով անհրաժեշտ փաստաթղթի ձեռքբերման և անձնական բնույթի այլ հարցերով։ Բոլոր դիմումները վերցվեցին հաշվառման, որոնց պատասխանները կտրվեն օրենքով սահմանված կարգով և ժամկետներում։
Գեղարքունիքի մարզպետ Կարեն Սարգսյանն ընդունեց ՄԱԿ-ի Պարենի համաշխարհային ծրագրի հայաստանյան գրասենյակի ղեկավար Նաննա Սկաուին, «Հումանիտար ականազերծման և փորձագիտական կենտրոն» ՊՈԱԿ-ի տնօրեն Վաղինակ Սարգսյանին, ծրագրի և կենտրոնի այլ պատասխանատու աշխատակիցների։ ՄԱԿ-ի ՊՀԾ-ի հայաստանյան գրասենյակի ղեկավարը և Հումանիտար ականազերծման և փորձագիտական կենտրոնի տնօրենը խոսեցին իրենց համագործակցությամբ մարզում իրականացվող այն աշխատանքների մասին, որոնք ուղղված են 2022 թվականին Ադրբեջանի ԶՈՒ կողմից սանձազերծված ագրեսիայի հետևանքով չպայթած զինամթերքով աղտոտված տարածքների մաքրմանը և դրա արդյունքում «Կանաչ պիտակ» հավաստագրի տրամադրմանը։ Ծրագրի շրջանակներում Հումանիտար ականազերծման և փորձագիտական կենտրոնի կողմից 2023 թվականի նախորդ ․․․
Գեղարքունիքի մարզպետ Կարեն Սարգսյանը Վարդենիս համայնքի ղեկավար Ահարոն Խաչատրյանի, Գեղարքունիքի մարզպետի աշխատակազմի և Վարդենիսի համայնքապետարանի քաղաքաշինության ոլորտի պատասախանատուների ուղեկցությամբ մշտադիտարկում անցկացրեց Վարդենիս համայնքի Ակունք գյուղի 13-րդ փողոցի շինհրապարակում, որտեղ արդեն ավարտին են մոտենում ասֆալտապատման, գերեզմանոց և Պանթեոն տանող ճանապարհների հենապատերի, մայթերի ու ջրահեռացման առուների կառուցման աշխատանքները` ՀՀ կառավարության կողմից 2023 թվականին իրականացվող սուբվենցիոն ծրագրերի շրջանակներում։ Ակունքի 13-րդ փողոցի ասֆալտապատման, գերեզմանոց ու Պանթեոն տանող ճանապարհների հենապատերի, մայթերի ու ջրահեռացման առուների կառուցման ծրագրի պայմանագրային արժեքը կազմում է 182,1 միլիոն դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Վարդենիսի համայնքապետարանը։․․․
Սոթքում մեկնարկել են թշնամու ագրեսիայի հետևանքով քանդված 4 բնակարանների կառուցման աշխատանքները 05.12.2023
Դեկտեմբերի 4-ին Գեղարքունիքի մարզպետ Կարեն Սարգսյանն աշխատանքային այց կատարեց Սոթք գյուղ՝ դիտարկելու ՀՀ Գեղարքունիքի մարզի Վարդենիս համայնքի Սոթք բնակավայրում կառուցվող թվով 4 անհատական բնակելի տների ծրագրով իրականացվող այն բնակարանների շինարարությունների ընթացքը, որոնք ադրբեջանական զինուժի 2022 թվականի սեպտեմբերյան ագրեսիայի հետևանքով հիմնովին վնասվել էին ու վերականգման ենթակա չէին։ ՀՀ կառավարության որոշմամբ հրետակոծությունից վնասված բնակարանների փոխարեն այժմ հիմքից կառուցվում է 4 նոր բնակարան։ Այցի ընթացքում Գեղարքունիքի մարզպետին ուղեկցում էին Վարդենիս համայնքի ղեկավար Ահարոն Խաչատրյանը, Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչության պետ Սասուն Սահակյանը, Գեղարքունիքի մարզպետի օգնական Ջանիկ Բազեյանը, Վարդենիսի համայնքապետարանի քաղաքաշինության պատասխանատուներ։․․․
