Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետ Կարեն Սարգսյանի շնորհավորական ուղերձը Գիտելիքի օրվա առթիվ 01.09.2024
Սիրելի ուսանողներ, դասախոսներ, աշակերտներ և ուսուցիչներ, սիրով շնորհավորում եմ Ձեզ սեպտեմբերի 1-ի` նոր ուսումնական տարվա մեկնարկի և Գիտելիքի օրվա կապակցությամբ: Առանձնակի ջերմությամբ շնորհավորում եմ մեր առաջին դասարանցիներին, ովքեր դեպի գիտելիքի աշխարհ իրենց առաջին քայլերն են կատարում: Համոզված եմ, որ պետության կողմից կրթական համակարգում կատարվող բարեփոխումների, ամենօրյա շահագրգիռ աշխատանքի, նվիրումով ու բարձր պատասխանատվությամբ իրենց կարևոր առաքելությունն իրականացնող մեր հարգարժան ուսուցիչների ու դասախոսների ջանքերի արդյունքում վաղվա հաջողություններն առավել քան իրական կլինեն: Մշտապես պետք է հիշել, որ գիտելիքներով հարուստ երիտասարդ սերունդ պատրաստելով` մենք հզորացնում ենք պետության հիմքերը, ամրապնդում մեր երկրի տեղն ու դերը ժամանակակից զարգացած երկրների շարքում: Մաղթում եմ հաջողություններով ու ձեռքբերումներով լի նոր ուսումնական տարի։
ՀՀ կառավարության 2024 թվականի օգոստոսի 29-ի հերթական նիստում որոշում է կայացվել ստեղծել «Բերդկունք ամրոց» և «Նորատուսի խաչքարեր» պատմամշակութային արգելոցներ։ Որոշման արդյունքում կբարեկարգվեն տարածքները, կտեղադրվի տոմսային տնտեսություն, կգործի պահակակետ, անվտանգության ապահովման համակարգ, կանցկացվի լուսավորություն, կգործեն էքսկուրսավարի, գիտաշխատողի ծառայություններ: Նշված տարածքների պահպանումն ու շահագործումն կիրականացվի «Պատմամշակութային արգելոց-թանգարանների և պատմական միջավայրի պահպանություն» ՊՈԱԿ-ի արտաբյուջետային միջոցների հաշվին: Արգելոցների ստեղծումից և տոմսային տնտեսության գործարկումից հետո հենց տոմսերի վաճառքից ստացված եկամուտներից էլ կիրականացվի դրանց հետագա պահպանությունն ու զարգացումը։ ՀՀ կառավարություն
Վարդենիս համայնքի Սոթք բնակավայրում տեղադրվել է մոդուլային բուժակմանկաբարձական կառույց 29.08.2024
Օգոստոսի 28-ին Վարդենիս կատարած աշխատանքային այցի շրջանակներում Գեղարքունիքի մարզպետ Կարեն Սարգսյանը համայնքի ղեկավար Ահարոն Խաչատրյանի ուղեկցությամբ այցելեց Սոթք բնակավայր, որտեղ տեղադրվել է նոր մոդուլային բուժակմանկաբարձական կառույց։ ԲՄԿ-ի մոդուլային կառույցը Սոթք բնակավայրին է տրամադրվել ՄԱԶԾ «Կայուն համայնքներ» ծրագրի կողմից՝ ՀՀ Գեղարքունիքի մարզպետի աշխատակազմի հետ ունեցած համագործակցության արդյունքում։ Մարզպետը ծանոթացավ նոր կառույցի առկա պայմաններին և առաջարկեց Վարդենիս համայնքի ղեկավարին՝ սեղմ ժամկետում ԲՄԿ նոր կառույցը ապահովել բոլոր տեսակի ենթակառուցվածքներով, սահմանված կարգով լուծել հասցեավորման և օրինական գործունեություն իրականացնելուն ուղղված այն անհրաժեշտ հարցերը, որոնց շնորհիվ հնարավոր կլինի այս աշնանը այն շահագործել։ Սոթքի մոդուլային ԲՄԿ-ի նոր կառույցն ունի 42 քմ տարածք, այն կսպասարկի 1475 քաղաքացու, որից 233-ը՝ 0-18 տարեկաններն են։
Քաղաքացիների ընդունելություն Վարդենիս համայնքում 28.08.2024
Օգոստոսի 28-ին Գեղարքունիքի մարզպետ Կարեն Սարգսյանը Վարդենիսի համայնքապետարանում կատարեց քաղաքացիների հերթական ընդունելություն, որին մասնակցում էին Վարդենիսի համայնքի ղեկավար Ահարոն Խաչատրյանը, մարզպետի աշխատակազմի առողջապահության և սոցիալական ոլորտի հարցերի վարչության պետ Լուսինե Վարդանյանը և մարզպետի աշխատակազմի տարածքային կառավարման և տեղական ինքնակառավարման հարցերի վարչության պետ Վանիկ Հարությունյանը։ Քաղաքացիները մարզպետին դիմեցին աշխատանքի տեղավորման, վնասված բնակարանի վիճակի գնահատման, բուժման մեկնելու նպատակով ֆինանսական աջակցություն կամ ուղեգիր ստանալու, անձնական բնույթի այլ հարցերով։ Բարձրացված մի շարք հարցերի տեղում մարզպետի կողմից տրվեցին պարզաբանումներ, իսկ մնացած դիմումները վերցվեցին հաշվառման, որոնց պատասխանները կտրվեն օրենքով սահմանված կարգով և ժամկետներում։
ՀՀ կառավարության 2024 թվականի օգոստոսի 22-ի հերթական նիստում որոշում է կայացվել ՀՀ պետական բյուջեից 33 միլիոն 169,6 հազար դրամ հատկացնել ՀՀ Գեղարքունիքի մարզի Ճամբարակ քաղաքի Տիգրան Մեծի փ. 18/5, Նադարյան փ. 3/4 շենքերի բակերում գտնվող տարածքներում «Վորքաութ» տեսակի մարզահրապարակներ կառուցելու համար։ Սույն ծրագրի իրականացումը նպատակ ունի խթանել առողջ ապրելակերպի զարգացումը։ ՀՀ կառավարություն
Գեղարքունիքի մարզպետ Կարեն Սարգսյանը մարզպետի տեղակալ Ջանիկ Բազեյանի և Գավառ համայնքի ղեկավար Գուրգեն Մարտիրոսյանի հետ մշտադիտարկում անցկացրեց Գավառ քաղաքի թիվ 7 մանկապարտեզի հիմնանորոգված մասնաշենքում։ Նրանց ուղեկցում էին Գավառ համայնքի ղեկավարի առաջին տեղակալ Գրիգոր Դաշտոյանը, Գավառ համայնքի ղեկավարի տեղակալ Գրիգոր Բոշյանը, Գեղարքունիքի մարզպետի և Գավառի համայնքապետարանի աշխատակազմերի քաղաքաշինության ոլորտի պատասխանատուներ։ Գեղարքունիքի մարզպետը և Գավառ համայնքի ղեկավարը շրջեցին մանկապարտեզի հիմնանորոգված մասնաշենքում, դիտարկեցին ավարտված աշխատանքները, համատեղ քննարկեցին մանկապարտեզի կահավորման, բացման ու շահագործման հետ կապված խնդիրները։ Գավառի թիվ 7 մանկապարտեզի մասնաշենքի հիմնանորոգման աշխատանքները սկսվել են 2022 թվականի աշնանից, ՀՀ կառավարության կողմից 2022 թվականին իրակակացվող սուբվենցիոն ծրագրերի շրջանակներում և ավարտվել 2023 թվականի վերջին։․․․
