Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հայկական Կարմիր Խաչը օգնություն է ցուցաբերել Կարճաղբյուրի տնտեսություններին 11.08.2016
ՀՀ Կառավարության բարեգործական ծրագրերի համակարգման հանձնաժողովի 2016 թվականի հուլիսի 29-ի որոշմամբ` Հայկական Կարմիր Խաչի ընկերության կողմից իրականացվում է ,,Սելավ Հայաստան,, ծրագիրը: Այդ ծրագրի շրջանակներում օգոստոսի 10-ին մարդասիրական օգնություն է տրամադրվել Գեղարքունիքի մարզի Կարճաղբյուր համայնքում 2016 թվականի հունիսի 24-ին ուժեղ անձրևի և կարկուտի հետևանքով տուժած 120 տնտեսություններին: Օգնությունը բաշխվել է Կարմիր Խաչի և Կարմիր Մահիկի ընկերությունների միջազգային ֆեդերացիայի Արտակարգ իրավիճակներին արձագանքման հիմնադրամի տրամադրած միջոցների հաշվին: Տուժած յուրաքանչյուր տնտեսության հատկացվել է օգնություն դրամի, սննդի և 1-2 ամսվա համար առաջին անհրաժեշտության հիգիենիկ պարագաների տեսքով: Կարճաղբյուր համայնքում հունիսի 24-ին աղետից տուժած մնացած 17 ընտանիքներին օգնություն կտրամադրվի Կարճաղբյուրի համայնքապետարանի կողմից, հավաստեց համայնքի ղեկավարը:
Քննարկվել է Մարտունու բժշկական կենտրոնի արդիականացման խնդիրը 08.08.2016
Մարտունու բժշկական կենտրոնի արդիականացման խնդրի կարգավորման նպատակով տեղում համատեղ ուումնասիրություն են կատարել ՀՀ Տարածքային կառավարման եւ զարգացման նախարար Դավիթ Լոքյանը, Գեղարքունիքի մարզպետ Ռաֆիկ Գրիգորյանը եւ ՀՀ առողջապահութան փոխնախարար Սերգեյ Խաչատրյանը: Աշխատանքային խումբի անդամները շրջայց են կատարել բժշկական կենտրոնի մասնաշենքերում, հիվանդասենյակներում, լսել են տնօրինության, բուժանձնակազմի, առանձին մասնագետների կարծիքները, ծանոթացել ընդհանուր իրավիճակին եւ կազմակերպել քննարկում, որի ընթացքում փոխնախարարը խոսել է բժշկական կենտրոնի շենքի արդիականացման ծրագրի երկու տարբերակների մասին, որոնց հանձնարարականը տրվել էր 2015 թվականի սեպտեմբերի 23-ին ՀՀ Նախագահ Սերժ Սարգսյանի մոտ կայացած խորհրդակցության ժամանակ: Քննարկման ընթացքում ՀՀ Տարածքային կառավարման և զարգացման նախարարի կողմից առաջարկվել է նաև Մարտունու...
Գեղարքունիքի մարզում անցկացվեց էպոսասացության փառատոնի հանրապետական փուլը 05.08.2016
,,Սասնա տուն,, հասարակական կազմակերպությունը ՀՀ Մշակույթի նախարարության աջակցությամբ իրականացնում է արդեն ավանդական դարձած ,,Սասնա ծռեր կամ Սասունցի Դավիթ,, հայկական էպոսին նվիրված փառատոն, որի եզրափակիչ` հանրապետական փուլը Գեղարքունիքի մարզպետարանի աջակցությամբ անցկացվեց օգոստոսի 5-ին, Գեղարքունիքի մարզի երկրագիտական թանգարանում: Այս տարի ,,Սասնա ծռեր,, էպոսին նվիրված հանրապետական փառատոնը ներառում էր էպոսասացության մրցույթ`,,Ձենով Օհան,, անվանակարգով: Փառատոնն անցկացվում է արդեն 6-րդ անգամ: Առաջին անգամ այն իրականացվել է 2011 թվականին` Արագածոտնի մարզի Ուջան համայնքում, հաջորդ տարիներին` Իրինդ, Ներքին Բազմաբերդ և Սասունիկ համայնքներում: ,,2016 թվականի...
Սեւան քաղաքում բացվեց ՙ100 դուռ՚ լուսանկարչական աշխատանքների ցուցահանդեսը 05.08.2016
Սեւան քաղաքի մշակույթի պալատում բացվեց ՙ100 դուռ՚ լուսանկարչական աշխատանքների ցուցահանդեսը, որտեղ ներկայացվեցին Հայաստանից, Արցախից, Ջավախքից եւ Արեւմտյան Հայաստանից ընտրված 100 վանքերի եւ եկեղեցիների դռների լուսանկարները: Ցուցահանդեսն օրհնեց Գեղարքունյաց թեմի Սեւանի տարածաշրջանի հոգեւոր հովիվ Տեր-Նշան քահանան: Ապա ներկաները տեսաֆիլմի միջոցով ծանոթացան ՙ100 դուռ՚ լուսանկարչական ցուցահանդեսի նախապատմությանը, գրանցած հաջողություններին ու աշխարհագրական տարածմանը, ձեռք բերած ազգապահպան նշանակությանը: Ինչպես ներկայացրեց ցուցահանդեսի նախաձեռնության հեղինակ Խաչիկ Եղոյանը, ընտրվել են հայոց վանքերի ու եկեղեցիների այնպիսի դռների լուսանկարներ, որոնցով դարեր շարունակ մարդիկ ներսուդուրս են արել, մոմ վառել ու աղոթք արել առ Աստված: ՙՄտահղացումն իմ մեջ առաջացավ Սուրբ Հռիփսիմե եկեղեցու բակում, երբ ես հասկացա, որ դա մի...
ՀՀ Վարչապետն այցելել է Գեղարքունիքի մարզ 04.08.2016
Վարչապետ Հովիկ Աբրահամյանն աշխատանքային այց է կատարել Գեղարքունիքի մարզ: Հովիկ Աբրահամյանին ուղեկցում էր Գեղարքունիքի մարզպետ Ռաֆիկ Գրիգորյանը: Վարչապետը նախ Կարճաղբյուր համայնքում ծանոթացել է Սևանա լճի իշխանի պաշարների վերականգնման և ձկնաբուծության համալիր զարգացման ծրագրի շրջանակում իրականացվող ձկնաբուծարանի հիմնման աշխատանքների ընթացքին: Մասնավորապես, կառավարության ղեկավարին են ներկայացրել Սևանա լճում տեղակայված մանրաձկան 5 ցանցերը, որտեղ արդեն իսկ բաց է թողնվել 32 տոննա մանրաձուկ: Առաջիկայում լճում տեղակայվելու է ևս 7 ցանց, որտեղ բաց կթողնվի լրացուցիչ քանակի Գեղարքունի տեսակի իշխանի և Ամառային իշխանի մանրաձուկ: Կարճաղբյուրում վարչապետն այցելել է նաև Սևանի իշխանի վերամշակման գործարան, ծանոթացել ներդրումային ծրագրի ընթացքին: Տեղեկացվել է, որ գործարանի կառուցման շինաշխատանքները մոտենում են ավարտին, իսկ վերամշակված...
Գեղարքունիքի մարզպետն ընդունեց ՄԱԿ-ի Պարենի համաշխարհային ծրագրի համակարգողներին 04.08.2016
ՄԱԿ-ի Պարենի համաշխարհային կազմակերպությունն իր մանդատի շրջանակներում իրականացնում է արտակարգ իրավիճակներում անհրաժեշտ մարդասիրական օգնության տրամադրման, արագ արձագանքման կարողությունների կատարելագործման, աղետների ռիսկերի նվազեցմանն ուղղված ծրագրեր և միջոցառումներ` համագործակցելով պետական կառավարման և տեղական ինքնակառավարման մարմինների, ՄԱԿ-ի համապատասխան գործակալությունների, հասարակական կազմակերպությունների և մասնավոր ընկերությունների հետ: Համագործակցության խորացման հեռանկարները քննարկելու նպատակով օգոստոսի 4-ին Գեղարքունիքի մարզպետ Ռաֆիկ Գրիգորյանն ընդունեց Պարենի համաշխարհային կազմակերպության ծրագրի համակարգող Արտակ Ոսկանյանին և օգնական Ալինա ...
