Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Սեպտեմբեր ամսին Գեղարքունիքի մարզում ծնվել է 203 երեխա 03.10.2022
2022 թվականի սեպտեմբեր ամսին Գեղարքունիքի մարզում ծնվել է 203 երեխա, որից 104-ը տղա, 99-ը՝ աղջիկ: 203 երեխաներից 40-ը ծնվել են Գավառի ԲԿ-ում, 23-ը՝ Սևանի ԲԿ-ում, 119-ը՝ Մարտունու ծննդատանը, 17-ը՝ Վարդենիսի հիվանդանոցում և 4-ը՝ Ճամբարակի ԱԿ-ում:
Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը 03.10.2022
Հոկտեմբեր 3-ին Գեղարքունիքի մարզպետ Կարեն Սարգսյանը մարզպետարանի ստորաբաժանումների ղեկավարների հետ անցկացրեց աշխատանքային հերթական խորհրդակցությունը, որի ընթացքում ստորաբաժանումների ղեկավարները զեկուցեցին նախորդ խորհրդակցության ընթացքում մարզպետի կողմից տրված հանձնարարականների կատարման ընթացքի մասին։ Առաջնահերթ խոսվեց 2022 թվականի սեպտեմբերի 13-ին հակառակորդի կողմից սանձազերծած հարձակման հետևանքով Վարդենիս համայնքում ստեղծված իրավիճակի շտկման ուղղությամբ իրականացված աշխատանքների մասին։ Ներկայացվեց տեղեկատվություն՝ ռմբակոծության հետևանքով Վարդենիս համայնքի բնակավայրերի բնակարաններին հասցված վնասների․․․
Կարեն Սարգսյան / Karen Sargsyan Հայաստանում դիվանագիտական կորպուսի ներկայացուցիչներին ուղեկցել եմ Վարդենիսի՝ հրետակոծությունից տուժած 12 բնակավայրերից 2-ը Սեպտեմբերի 29-ին Հայաստանում հավատարմագրված դիվանագիտական կորպուսի ներկայացուցիչներն այցելեցին Գեղարքունիքի մարզ, որտեղ ծանոթացան Ադրբեջանի կողմից սանձազերծած հարձակման հետևանքով Սոթք և Կութ բնակավայրերում քաղաքացիական ենթակառուցվածքներին հասցված վնասներին և տեղում տեղեկություններ ստացան օպերատիվ իրավիճակի վերաբերյալ։ Վարդենիս այցելած դիվանագետների թվում էին Հայաստանում ,․․․
Գեղարքունիքի մարզպետը Մարտունի համայնքում կատարեց քաղաքացիների ընդունելություն 28.09.2022
Սեպտեմբերի 28-ին Գեղարքունիքի մարզպետ Կարեն Սարգսյանը Մարտունի համայնքում կատարեց քաղաքացիների ընդունելություն, որին ներկա էր նաև Մարտունի համայնքի ղեկավար Հովհաննես Հովեյանը։ Նախապես գրանցված քաղաքացիները մարզպետին դիմեցին բնակարանի որոշ մասի կառուցման նպատակով աջակցություն, միանվագ դրամական օգնություն ստանալու, աշխատանքի վերականգնման, բազմաբնակարան շենքի որոշ բնակարանների վնասված հատվածների վերանորոգման, մեկնարկած շինարարական ծրագիրը ավարտին հասցնելու նպատակով աջակցություն կամ խորհրդատվություն ստանալու նպատակով։ Քաղաքացիների հիմնական մասի խնդրանքը տեղում բավարարվեց, իսկ մնացած դիմումները վերցվեցին հաշվառման, որոնց պատասխանները կտրվեն ուսումնասիրություններից հետո, օրենքով սահմանված կարգով եւ ժամկետներում։
Աղոթք և խնկարկում հերոս զինծառայողների հիշատակին 27.09.2022
Սեպտեմբերի 27-ին՝ Արցախյան 44-օրյա պատերազմի երկրորդ տարելիցի օրը, Գեղարքունիքի մարզպետ Կարեն Սարգսյանը, Գավառ համայնքի ղեկավար Գուրգեն Մարտիրոսյանը, մարզային և համայնքային իշխանությունների, մարզի ուժային կառույցների, կրթամշակութային հաստատությունների ներկայացուցիչներ և անհատ քաղաքացիներ, Գավառ քաղաքում, ծաղիկներ խոնարհեցին Արցախյան 44-օրյա պատերազմում հերոսացած հայորդիների հիշատակն հավերժացնող հուշաքարին։ Այնուհետև մատուցվեց հոգեհանգստի կարգ՝ Գեղարքունյաց թեմի հոգևոր դասի կողմից։ Արարողության մասնակիցներն աղոթք բարձրացրին առ Աստված՝ հերոս տղաների հոգիների խաղաղության համար։ Գավառի Սուրբ Աստվածածաին եկեղեցում կատարվեց նաեւ խնկարկություն և մոմավառություն։
Գեղարքունիքի մարզպետն անցկացրեց աշխատանքային հերթական խորհրդակցությունը 26.09.2022
Սեպտեմբերի 26-ին Գեղարքունիքի մարզպետ Կարեն Սարգսյանը մարզպետարանի ստորաբաժանումների ղեկավարների հետ անցկացրեց աշխատանքային հերթական խորհրդակցությունը։ Ներկաները մեկ րոպե լռությամբ հարգեցին 2022 թվականի սեպտեմբերի 13-ին ադրբեջանական ագրեսիայի հետևանքով զոհված զինծառայողների հիշատակը։ Աշխատանքային խորհրդակցության ընթացքում մարզպետ Կարեն Սարգսյանը հիմնականում անդրադարձավ ադրբեջանական ագրեսիայի արդյունքում Վարդենիս համայնքի հրետակոծված բնակավայրերում տիրող իրավիճակին, այդ տնտեսություններին հասցված վնասների վերականգնման նպատակով մարզպետարանի տարբեր ստորաբաժանումների կողմից իրականացվող աշխատանքներին։ Քննարկվեց հրետակոծված բնակավայրերում մարզային ենթակայության 12 հանրակրթական դպրոցներում դասընթացների հեռավար կազմակերպման, դպրոցականների ընդգրկվածության, տեխնիկական հագեցվածության հարցը։․․․
