Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Սեպտեմբերի 30-ից հոկտեմբերի 7-ն ընկած ժամանակահատվածում Գեղարքունիքի մարզում հաստատվել է կորոնավիրուսով վարակվածների 20 նոր դեպք: Փաստացի բուժում է ստանում 36 պացիենտ, որից 3-ը՝ հիվանդանոցային պայմաններում։ Բուժման արդյունքում գրանցվել է 460 առողջացած ։ Կորոնավիրուսային հիվանդության ախտորոշման նպատակով կատարվել է 77 թեստավորում: Օգոստոսի 1-ից հոկտեմբերի 7-ը ընկած ժամանակահատվածում Գեղարքունիքի մարզային ենթակայության առողջապահական հիմնարկների կողմից գրանցվել է 496 Covid-19-ի դրական դեպք:
Գեղարքունիքի մարզպետ Կարեն Սարգսյանի շնորհավորական ուղերձը գրադարանավարի օրվա առթիվ 07.10.2022
2004թ. ապրիլին ՀՀ կառավարության որոշմամբ հոկտեմբերի 7-ը հայտարարվեց գրադարանավարի օր: Արդեն 18-րդ տարին է, ինչ այդ օրը hանրապետության բոլոր գրադարանների դռները մինչ ուշ երեկո բաց են լինում ընթերցասեր հասարակության առաջ: Տոնի խուրհուրդը՝ գրքի արժևորումն է, նրա մեծ դերակատարությունն առողջ հասարակության ձևավորման գործում: Գրադարանային համակարգի հարգելի աշխատակիցներ, շնորհավորում եմ ձեզ մասնագիտական տոնի` Գրադարանավարի օրվա առթիվ: Բոլոր ժամանակներում գիրքն է եղել իմացության հիմնական աղբյուրը, մտքերի այն շտեմարանը, որն անփոխարինելի է մնում անգամ ժամանակակից տեխնոլոգիաների զարգացման պայմաններում։ Մեր ժողովուրդը հազարամյակների իր պատմության ընթացքում միշտ էլ ․․․
Հայաստանի Հանրապետության նախագահ Վահագն Խաչատուրյանն այցելեց Գեղարքունիքի մարզ 06.10.2022
Հոկտեմբերի 5-ին Հայաստանի Հանրապետության նախագահ Վահագն Խաչատուրյանն այցելեց Գեղարքունիքի մարզի Վարդենիս համայնք։ Նախագահին ուղեկցում էին Գեղարքունիքի մարզպետ Կարեն Սարգսյանը և Վարդենիս համայնքի ղեկավար Ահարոն Խաչատրյանը։ Վարդենիսի համայնքապետարանում նախագահը հանդիպում ունեցավ Վարդենիս համայնքի վարչական ղեկավարների հետ։ Հանդիպմանը ներկա էին նաև ուժային կառույցների ներկայացուցիչներ։ Հանդիպման ընթացքում Գեղարքունիքի մարզպետ Կարեն Սարգսյանը նախագահին ներկայացրեց 2022 թվականի սեպտեմբերի 13-ին Ադրբեջանի զինված ուժերի կողմից Հայաստանի տարածքային ամբողջականության և ինքնիշխանության դեմ ագրեսիայի ընթացքում Վարդենիս համայնքի մի շարք բնակավայրերում իրականացված հրետակոծության հետևանքները և դրանց վերացմանն ուղղված կառավարության և մարզային իշխանությունների կողմից իրականացվող միջոցառումները:․․․
ՀՀ կառավարությունը 168,554.6 հազար դրամ է հատկացրել Գեղարքունիքի մարզի սուբվենցիոն ծրագրերի համար 06.10.2022
Հայաստանի Հանրապե¬տու¬¬թյան պետական բյուջեով արդեն իսկ նախատեսված սուբվենցիաներից բացի այլ սուբվենցիաներ տրամադրելու նպատակով ՀՀ կառավարության 2022 թվականի հոկտեմբերի 6-ի նիստում որոշում է կայացվել 168,554.6 հազար դրամ հատկացնել Գեղարքունիքի մարզի մի շարք սուբվենցիոն ծրագրերի համար։ 10,944.2 հազար դրամ հատկացվել է Ճամբարակ համայնքի Իսահակյան, Վերին Ճամբարակ թաղամասերի, ինչպես նաև Այգուտ բնակավայրի ջրագծերի ներքին և/կամ արտաքին ցանցերի կառուցման աշխատանքների համար։ 22,244.1 հազար դրամ՝ Գավառ համայնքի Սուրբ Աստվածածին եկեղեցու հարակից տարածքի կապիտալ վերանորոգում և խաղահրապարակի կառուցման համար ։ 7,218.8 հազար դրամ՝ Լուսակունք համայնքի կենտրոնական թիվ 1 փողոցի մասնակի ասֆալտապատման համար։ 6,147.7 հազար դրամ՝ Մարտունի համայնքի Ծովինար բնակավայրի մշակույթի կենտրոնի վարչական շենքի կապիտալ վերանորոգման համար /3-րդ փուլ/։․․․
ՀՀ Գեղարքունիքի մարզպետ Կարեն Սարգսյանի շնորհավորական ուղերձը՝ Ուսուցչի օրվա առթիվ 05.10.2022
Սիրելի ուսուցիչնե՛ր Այսօր նշում ենք Ուսուցչի օրը՝ հղելով ձեզ ամենաջերմ շնորհավորանքներն ու բարեմաղթանքները։ Հազարամյակների խորքից եկող Հայոց դպրության ջահը վառ պահելու գործն ու պատիվը ձեզ է վերապահված այսօր, որը տարիներ շարունակ կրում ու տանում եք ամենայն սիրով ու նվիրումով։ Ձեր աշակերտներն են դարձել մեր հայրենիքի սերմնացանները, մաքառել ամեն մի թիզ հողի համար, դրսեւորել անձնազոհության բազմաթիվ օրինակներ, հերոսացել դարերի ու ժամանակների մեջ։ Նրանցից շատերն էլ այսօր հայրենիք են կերտում կրթության, առողջապահության, շինարարության, գյուղատնտեսության, պետականաշինության եւ այլ ոլորտներում՝ հիմքում ունենալով այն գիտելիքները, դաստիարակության այն արժեհամակարգը, որ ժամանակին ու անտրտունջ փոխանցել եք սերունդներին։․․․
Գեղարքունիքի մարզպետ Կարեն Սարգսյանը մարզպետարանում կատարեց քաղաքացիների ընդունելություն 05.10.2022
Հոկտեմբերի 5-ին Գեղարքունիքի մարզպետ Կարեն Սարգսյանը մարզպետարանում կատարեց քաղաքացիների ընդունելություն։ Գրանցված քաղաքացիները մարզպետին դիմեցին աշխատանքի տեղավորման, սոցիալական բնույթի խնդիրների կարգավորման նպատակով դրամական աջակցություն ստանալու, գրքի տպագրությանը աջակցելու խնդրանքով, անձնական բնույթի տարբեր հարցերով։ Դիմումատուների մի մասի խնդրանքը տեղում բավարարվեց, իսկ մնացած դիմումները վերցվեցին հաշվառման, որոնց պատասխանները կտրվեն ուսումնասիրություններից հետո, օրենքով սահմանված կարգով եւ ժամկետներում։
