Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հոկտեմբերի 14-ին Գեղարքունիքի մարզպետ Կարեն Սարգսյանն ընդունեց ՄԱԿ-ի պարենի և գյուղատնտեսության կազմակերպության Հայաստանի ներկայացուցիչ Ռայմունդ Յելեին, նրա օգնական Գայանե Նասոյանին, նույն կազմակերպության ծրագրերի համակարգողներ Զարուհի Բեգլարյանին և Վահան Ամիրխանյանին։ ՄԱԿ-ի պարենի և գյուղատնտեսության կազմակերպության Հայաստանյան գրասենյակի ներկայացուցիչը նախ խոսեց այն կարճաժամկետ ծրագրերի մասին, որոնք իրենց կազմակերպության կողմից իրականացվել են մարզում և փորձեց տեղեկանալ առավել ընդգրկուն խնդիրների մասին, որոնք կլինեն երկարաժամկետ ու դարձյալ կֆինանսավորվեն իրենց կազմակերպության կողմից։ «ՄԱԿ-ի պարենի և գյուղատնտեսության կազմակերպությունը մարդասիրական աջակցություն է տրամադրում Գեղարքունիքի մարզի խոցելի փոքր գյուղացիական տնտեսություններին...
Գեղարքունիքի մարզպետ Կարեն Սարգսյանն աշխատանքային այց կատարեց Սեւան քաղաքի ճանապարհաշինական տեղամաս 13.10.2022
Գեղարքունիքի մարզպետ Կարեն Սարգսյանը Սեւան քաղաքում դիտարկեց Սեւան-Մարտունի-Գետափ ավտոճանապարհի առաջին կիլոմետրի հիմնանորոգման աշխատանքները։ Շինարարական աշխատանքներն իրականացվում են պետբյուջեի միջոցներով եւ ՀՀ ՏԿԵ նախարարության պատվիրատվությամբ։ Ծրագրի իրականացման պայմանագրային արժեքը կազմում է 106 միլիոն 960 հազար դրամ։ Հիմնանորոգվող ճանապարհի երկարությունը 1 կիլոմետր է, մակերեսը՝ 17 հազար 849 քառակուսի մետր։ Աշխատանքներն ընթանում են Սեւան քաղաքի Շահումյան փողոցում, որոնք մեկնարկել են 2022 թվականի հոկտեմբերի սկզբից եւ կավարտվեն առաջիկա օրերի ընթացքում։ Աշխատանքներն ընթանում են սահմանված ժամկետների մեջ, որակի հետ կապված խնդիրներ այցի ընթացքում չնկատվեցին։ Սեւան-Մարտունի-Գետափ ավտոճանապարհի հիմնանորոգումը ՀՀ կառավարության ծրագրային առաջնահերթություններից է, որը գտնվում է մարզի ղեկավարության մշտական ուշադրության ներքո։
Կարեն Սարգսյան / Karen Sargsyan Աշխատանքային այց կատարեցի Գագարինի միջնակարգ դպրոց, որտեղ դիտարկեցի ՀՀ պետբյուջեի միջոցներով եւ ՀՀ քաղաքաշինության կոմիտեի պատվիրատվությամբ կառուցվող մարզադահլիճի շինարարական աշխատանքների ընթացքը։ Գագարինի միջնակարգ դպրոցի նախկին մարզադահլիճը չուներ անհրաժեշտ պայմաններ՝ ֆիզկուլտուրա առարկայի դասավանդումը պահանջված չափորոշիչներին համահունչ կազմակերպելու համար, այդ պատճառով էլ ընդունվեց եւ գործողության մեջ դրվեց ՀՀ կառավարության համապատասխան ծրագիրը, որի իրականացման արդյունքում Գագարինի դպրոցականները կունենան արդի չափորոշիչներին համապատասխան մարզադահլիճ։ Շինարարական աշխատանքների պայմանագրային արժեքը կազմում է 245 միլիոն դրամ։ Աշխատանքները մեկնարկել են 2022 թվականի գարնանից, իսկ ավարտի ժամկետ է սահմանված մինչեւ 2023 թվականի հուլիս ամիսը։ ...
Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը 10.10.2022
Հոկտեմբերի 10-ին Գեղարքունիքի մարզպետ Կարեն Սարգսյանը մարզպետարանի ստորաբաժանումների ղեկավարների հետ անցկացրեց աշխատանքային հերթական խորհրդակցությունը, որի ընթացքում ստորաբաժանումների ղեկավարները, ըստ ոլորտների, զեկուցեցին նախորդ խորհրդակցության ընթացքում տրված հանձնարարականների կատարման ընթացքի և արդյունքների մասին։ Նախ քննարկվեց ռմբակոծության հետևանքով տուժած Վարդենիսի Այրքի և Սոթքի միջնակարգ դպրոցներում նորոգման աշխատանքներ իրականացնելու համար կատարված ֆինանսական վերաբաշխումներին, Վարդենիս համայնքի բնակավայրերի տուժած բնակիչներին սոցիալական օգնություն տրամադրելու ընթացքին, նույն համայնքի տուժած բնակավայրերի վնասված բնակարանների նորոգման աշխատանքների մեկնարկին, Վարդենիս համայնքի բնակավայրերի հեռավար ուսուցման անցած 6 դպրոցների առկա ուսուցման անցնելու և հեռավար ուսուցման հետ կապված խնդիրներին, ․․․
Գեղարքունիքի մարզպետ Կարեն Սարգսյանը Տարեցների միջազգային օրվա առթիվ շնորհավորել և դրամով է պարգևատրել կյանքի մեկ դարը բոլորած և մարզի տարբեր բնակավայրերում ապրող ութ տարեցի։ Գեղարքունիքի մարզպետի շնորհավորանքին են արժանացել Գավառ համայնքի Հացառատ թաղամասի բնակիչ, 104 տարեկան Թագուշ Իսպիրյանը, Սարուխան գյուղի բնակիչ, 100 տարեկան Մեխակ Ավետիսյանը, Կարմիրգյուղի բնակիչ, 101 տարեկան Թամարա Մադոյանը, Մադինա գյուղի բնակիչ, 100 տարեկան Ռոզա Գասպարյանը, Աստղաձոր գյուղի բնակիչ, 100 տարեկան Սարիբեկ Արշակյանը, Երանոս գյուղի բնակիչ, 100 տարեկան Ֆենիկ Փաշոյանը, Սեւան համայնքի բնակիչ, 102 տարեկան Ինթիզար Մինասյանը եւ Շատվան գյուղի բնակիչ, 102 տարեկան Արաքսյա Սարդարյանը։ Մարզպետի շնորհավորանքները տարեցներին են փոխանցել Գեղարքունիքի մարզպետարանի առողջապահության և սոցիալական ապահովության վարչության և մարզպետարանի այլ պատասխանատու աշխատակիցներ՝ անձամբ այցելելով նրանց բնակարաններ։․․․
Գեղարքունիքի մարզպետի շնորհակալագրով խրախուսվեցին մի խումբ գրադարանավարներ 10.10.2022
Գեղարքունիքի մարզում, Գրադարանավարի օրվա կապակցությամբ, բազմաբովանդակ միջոցառումներ կազմակերպվեցին, որոնց մասնակից եղան նաև լավագույն ընթերցող աշակերտներ, ուսանողներ, մանկավարժներ, քաղաքացիներ: ՀՀ Գեղարքունիքի մարզպետի որոշմամբ գրադարանային գործում ունեցած ավանդի և Գրադարանավարի օրվա առթիվ մարզի 11 գրադարանավարներ խրախուսվեցին ՀՀ Գեղարքունիքի մարզպետի շնորհակալագրով։ Սուսաննա Մինասյան– Գանձակ գյուղի գրադարանի գրադարանավար Հասմիկ Ավետիսյան – Գավառի քաղաքային գրադարանի գրադարանավար Խանում Դավթյան – Վերին Գետաշեն գյուղի գրադարանի գրադարանավար Ռուզաննա Բեգլարյան - Մարտունու կենտրոնական գրադարանի տնօրեն Ռոմելյա Ավագյան - Ակունք գյուղի գրադարանի գրադարանավար Գյուլնարա Մելքումյան - Ճամբարակի կենտրոնական գրադարանի տնօրեն Ժուլետա Զազյան-Վարդգես Պետրոսյանի անվան Գեղարքունիքի մարզային գրադարանի սպասարկման բաժնի վարիչ Կարինե Քալաշյան- Վարդենիսի մանկական գրադարանի առաջատար գրադարանավար Սաթենիկ Նալբանդյան - Վարդենիսի քաղաքային գրադարանի սպասարկման բաժնի առաջատար գրադարանավար Ֆլորա Գրիգորյան - Սևանի գրադարանների կենտրոնացված համակարգի Դդմաշեն գյուղի գրադարանի վարիչ Մարգարիտ Սմբատյան- Սևանի գրադարանների կենտրոնացված համակարգի կենտրոնական գրադարանի համալրման բաժնի ավագ գրադարանավար։
