Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Իրականացվել է SEVAMOD2 հայ-գերմանական գիտահետազոտական ծրագիրը 04.08.2023
Գեղարքունիքի մարզպետ Կարեն Սարգսյանը Շրջակա միջավայրի նախարար Հակոբ Սիմիդյանի, նախարարի տեղակալ Արամ Մեյմարյանի, Գերմանիայի Դաշնային Հանրապետության դեսպան պարոն Վիկտոր Ռիխտերի հետ աշխատանքային այցով եղել է «Սևան» ազգային պարկում` «SEVAMOD2. Սևանա լճի համար գիտության վրա հիմնված կառավարման գործիքների ստեղծում. Հայաստան» ծրագրի ընթացիկ աշխատանքներին ծանոթանալու և լճից ջրի նմուշառման գործընթացին մասնակցելու նպատակով: Այցը մեկնարկել է Սևանա լճում նավով շրջայցով, որի ընթացքում «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը, տնօրենի տեղակալ Գայանե Շահնազարյանը, ՊՈԱԿ-ի Հիդրոլոգիայի ծառայության պետ Ամալյա Միսակյանը, ՀՀ ԳԱԱ Կենդանաբանության և հիդրոէկոլոգիայի գիտական կենտրոնի տնօրեն Սարգիս Աղայանը և կենտրոնի Կիրառական հիդրոէկոլոգիայի լաբորատորիայի վարիչ Գոռ Գևորգյանը զեկույցներ են ներկայացրել ծրագրի ընթացքի վերաբերյալ:...
ՀՀ Քաղաքաշինության կոմիտեի նախագահ Արմեն Ղուլարյանը և Գեղարքունիքի մարզպետ Կարեն Սարգսյանը համատեղ մշտադիտարկում անցկացրին Գագարինի, Ջիլի, Շատջրեքի, Ակունքի և Ներքին Գետաշենի միջնակարգ դպրոցների շինհրապարակներում։ Նրանց ուղեկցում էին ՀՀ Քաղաքաշինության կոմիտեի եւ Գեղարքունիքի մարզպետի աշխատակազմի քաղաքաշինության ոլորտի պատասխանատուներ, Վարդենիս համայնքի ղեկավար Ահարոն Խաչատրյանը, Մարտունի համայնքի ղեկավար Հովհաննես Հովեյանը, բնակավայրերի վարչական ղեկավարներ։ Մշտադիտարկումն անցկացվեց այն կառույցներում, որոնք իրականացվում են ՀՀ Քաղաքաշինության կոմիտեի պատվիրատվությամբ։ Շինարարական աշխատանքների դիտարկման առաջին կանգառը Սևան համայնքի Գագարին գյուղի միջնակարգ դպրոցի շինհրապարակում էր, որտեղ պետբյուջեի միջոցներով կառուցվում է մարզադահլիճ։ Ծրագրի պայմանագրային արժեքը կազմում է 250 միլիոն 200 հազար դրամ։․․․
Գեղարքունիքի մարզպետ Կարեն Սարգսյանը աշխատանքային այց կատարեց Սևան համայնքի մի շարք դպրոցներ 03.08.2023
Օգոստոսի 2-ին Գեղարքունիքի մարզպետ Կարեն Սարգսյանն աշխատանքային այց կատարեց Սևան համայնքի Լճաշեն, Վարսեր, Զովաբեր գյուղերի միջնակարգ, Սևան քաղաքի թիվ 2, 3, 4, 6 հիմնական դպրոցներ՝ տեղում գնահատելու նախօրոք բարձրացված ու գույքագրված հիմնախնդիրները, դպրոցների տնօրենների հետ քննարկելու դրանց լուծման արդյունավետ տարբերակները։ Մարզպետին ուղեկցում էին Գեղարքունիքի մարզպետի աշխատակազմի կրթության և քաղաքաշինության ոլորտների պատասխանատուներ։ Աշխատանքային այցը նախատեսված էր այն կրթական հաստատություններում, որոնք չունեն ջեռուցման կենտրոնացված համակարգ, արդի չափորոշիչներին համապատասխան մարզադահլիճներ, մարզագույք, ուսուցման բավարարար կազմակերպման համար այլ պայմաններ։ Կարեն Սարգսյանը դիտարկեց դասասենյակների, մարզադահլիճների, խաղադաշտերի, հանդիսությունների դահլիճների ընդհանուր վիճակը, ․․․
ՀՀ ԿԳՄՍ նախարարությունը հրապարակել է հանրակրթական հիմնական (ընդհանուր, մասնագիտացված և հատուկ) պետական ծրագրեր իրականացնող ուսումնական հաստատությունների 2-րդ, 5-րդ, 7-րդ դասարաններում 2023-2024 ուստարում ուսումնական գործընթացի կազմակերպման ուղեցույցը Վերոնշյալ դասարաններում ուսումնական գործընթացը կազմակերպվում է Հանրակրթության պետական չափորոշչի և առարկայական նոր չափորոշիչների ու ծրագրերի պահանջներին համապատասխան: Մանրամասները՝ https://escs.am/am/news/17603
ԿԳՄՍ նախարարությունը ևս մեկ անգամ հայտարարում է ուսուցիչների կամավոր ատեստավորման հայտերի ընդունելություն 2023 թվականի օգոստոսի 3-ից մինչև օգոստոսի 9-ը ներառյալ 2022 թվականին 0-59 տոկոս արդյունք ցուցաբերած ուսուցիչները 2023-ին ենթակա են պարտադիր ատեստավորման Ովքե՞ր կարող են դիմել և մասնակցել Ինչպե՞ս է անցկացվելու ատեստավորումը Ինչպե՞ս ներկայացնել հայտը, եթե ունեք էլեկտրոնային մատյան Ինչպե՞ս հայտավորվել, եթե էլեկտրոնային մատյան չունեք Մանրամասները՝
Գեղարքունիքի մարզի սահմանամերձ 11 բնակավայրերի տնտեսություններին բաժանվել են հավի ճտեր 02.08.2023
ՀՀ Աշխատանքի և սոցիալական հարցերի նախարարության և Գեղարքունիքի մարզպետի աշխատակազմի համագործակցությամբ օգոստոսի 1-ին Գեղարքունիքի մարզի Վարդենիս համայնքի սահմանամերձ Սոթք, Կութ, Ջաղացաձոր, Տրետուք, Այրք, Կախակն, Ախպրաձոր, Նորաբակ, Ներքին Շորժա, Ազատ, Կուտական բնակավայրերի շուրջ 2000 խիստ անապահով ընտանիքներին բաժանվեցին 40 հազար հավի ճտեր։ Միաժամանակ այդ տնտեսություններին տրամադրվել է որոշակի չափի հավի կեր։
