Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետ Կարեն Սարգսյանի ամփոփիչ խոսքը՝ շաբաթօրյակի աշխատանքների վերաբերյալ 29.04.2023
Իմ շնորհակայությունն եմ հայտնում ապրիլի 29-ին հայտարարված համապետական շաբաթօրյակին մասնակցած բոլոր կազմակերպություններին ու անձանց՝ ցուցաբերած պատասխանատվության, կազմակերպված ու արդյունավետ աշխատանքի համար։ Պետական կառավարման ու տեղական ինքնակառավարման մարմինների, կրթամշակութային ու առողջապահական հիմնարկների, մասնավոր ընկերությունների աշխատակիցների, դպրոցականների եւ ուսանողների ջանքերի եւ աշխատասիրության շնորհիվ աղբից մաքրվեցին բնակավայրերի փողոցները, միջպետական, հանրապետական ու մարզային նշանակության ճանապարհների եզրերը, անտառամերձ գոտիները, պատմական հուշարձանների տարածքները, պետական կամ մասնավոր հիմնարկների բակերը, իրականացվեցին աղբավայրերի ծածկման աշխատանքներ, ինչի արդյունքում մարզի բոլոր քաղաքային ու գյուղական բնակավայրերը միանգամայն մաքուր ու բարեկարգված տեսք ստացան։ Հուսամ, որ այսուհետ էլ մեր քաղաքացիները կհոգան իրենց շրջակա բակի, փողոցի, միջավայրի մաքրության պահպանման ու բարեկարգման հետ կապված խնդիրները։
Գեղարքունիքում ընթանում են մարզային նշանակության ճանապարհների ամառային պահպանության աշխատանքներ 28.04.2023
2023 թվականի ապրիլի առաջին օրերից Գեղարքունիքում մեկնարկել են մարզային նշանակության ճանապարհների ամառային պահպանության աշխատանքները։ Ապրիլ ամսի ընթացքում, ելնելով եղանակային պայմաններից, մարզային ճանապարհների սպասարկում իրականացնող կազմակերպությունների կողմից իրականացվել են ջրահեռացման վաքերի մաքրման, ասֆալտբետոնյա ծածկի վրա եւ կողնակներում առկա ավազի եւ աղբի մաքրման աշխատանքներ։ Մարտունու, Սեւանի եւ Ճամբարակի տարածաշրջաններում արդեն մեկնարկել են մարզային նշանակության ճանապարհների ասֆալտբետոնյա շերտի վնասված հատվածների փոսային նորոգման աշխատանքները, իսկ Գավառի եւ Վարդենիսի տարածաշրջաններում դրանք կսկսվեն մոտակա օրերի ընթացքում։
ՀՀ Գեղարքունիքի մարզում 2023 թվականի ապրիլի 29-ին կայանալիք շաբաթօրյակի աշխատանքները պատշաճ կազմակերպելու նպատակով ՀՀ Գեղարքունիքի մարզպետի 10․04․2023 թ թիվ 127 որոշմամբ ստեղծվել է մարզային շաբաթօրյակին աղբահանության և սանիտարական մաքրման աշխատանքները կազմակերպող մարզային հանձնաժողով, որի ղեկավարն է Գեղարքունիքի մարզպետի տեղակալ Ռուբիկ Նավոյանը։ Հեռախոս՝ 060 65 02 00։ Կից ներկայացվում է նաև Գեղարքունիքի մարզի համայնքների շաբաթօրյակի սխեմաները և համայնքներից շաբաթօրյակի անցկացման համար պատասխանատու անձանց կոնտակտային տվյալները․․․
ՀՀ կառավարության կողմից 2022 թվականին Գեղարքունիքի մարզում իրականացված սուբվենցիոն ծրագրերի ամփոփում 28.04.2023
Գեղարքունիքի մարզի Ճամբարակ համայնքի Դրախտիկ գյուղում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում կառուցվել է օրվա կարգավորիչ ջրամբարը եւ վերանորոգվել ջրընդունիչ հորը։ Դրախտիկի խմելու ջրատարի ցանցի կառուցման, օրվա կարգավորիչ ջրամբարի եւ ջրընդունիչ հորի վերանորոգման աշխատանքներն իրականացվել են «ՀՀ Գեղարքունիքի մարզի Շողակաթ համայնքի Դրախտիկ, Ջիլ եւ Արտանիշ բնակավայրերում խմելու ջրագծի ներքին եւ արտաքին ցանցի կառուցման աշխատանքներ» ծրագրի ընդհանուր փաթեթում՝ 34 միլիոն 749 հազար դրամ պայմանագրային արժեքով․․․
Մեկնարկել է «ՀՀ Վարչապետի գավաթ» սիրողական խճուղային հեծանվավազքի մրցաշարի հայտերի ընդունումը 27.04.2023
Հանրապետությունում հեծանվային սպորտի և առողջ ապրելակերպի մասսայականացման, բնակչության շրջանում ֆիզկուլտուրայի և սպորտի քարոզչության ապահովման նպատակով մայիսի 28-ին երրորդ տարին անընդմեջ կանցկացվի «ՀՀ Վարչապետի գավաթ» սիրողական խճուղային հեծանվավազքի մրցաշարը: Տեղեկացնում ենք՝ արդեն մեկնարկել է մրցաշարի հայտադիմումների ընդունման գործընթացը: Հայտերը կարող եք լրացնել մինչև մայիսի 25-ը ներառյալ` հետևյալ հղմամբ: Նշենք՝ մրցաշարը կանցկացվի Հայաստանի Հանրապետության Գեղարքունիքի մարզում՝ (Շորժա-Սևանա լճի թերակղզի ճանապարհահատված): Մեկնարկը նախատեսված է ժամը 14:00-ին է: Մրցաշարը կանցկացվի կանանց և տղամարդկանց 2 տարիքային խմբերով` 1-ին տարիքային խումբ՝ 18-ից 40 տարեկան (1983-2005 թթ. ծնված) կանայք և տղամարդիկ, 2-րդ տարիքային խումբ՝ 41 և բարձր տարիքի (1982 թ. ծնված) կանայք և տղամարդիկ:Մրցաշարին չեն կարող մասնակցել այն մարզիկները, ովքեր վերջին 5 տարիների ընթացքում մասնակցել են հեծանվային սպորտի Հայաստանի Հանրապետության և միջազգային առաջնություններին: Մասնակիցները պետք է մրցավայր ներկայանան իրենց անձնական հեծանիվներով՝ 1.95 և ավելի չափի անիվներով ու պարտադիր՝ սաղավարտով: Ցանկացած տիպի խճուղային, էլեկտրական և մոտորային շարժիչներով հեծանիվներն արգելվում են
ՀՀ կառավարության կողմից 2022 թվականին Գեղարքունիքի մարզում իրականացված սուբվենցիոն ծրագրերի ամփոփում 27.04.2023
Գեղարքունիքի մարզի Սեւան համայնքի Չկալովկա բնակավայրում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում առաջին անգամ լուսավորության ցանց է կառուցվել 2-րդ փողոցի առաջին նրբանցքի առաջին փակուղում, 3-րդ եւ 4-րդ փողոցների առաջին նրբանցքներում, ասֆալտապատվել է երկրորդ փողոցի առաջին նրբանցքը։ Չկալովկայի փողոցային լուսավորության ցանցի կառուցման ծրագրի պայմանագրային արժեքը կազմել է 3 միլիոն 109 հազար դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Սեւանի համայնքապետարանը։ Ծրագրի իրականացման արդյունքում տեղադրվել է ԼԵԴ համակարգով աշխատող 21 լուսատու ՝ 540 մետր ընդհանուր երկարությամբ։ Չկալովկայի երկրորդ փողոցի առաջին նրբանցքի եւ երրորդ փողոցի ասֆալտապատման ծրագրի պայմանագրային արժեքը կազմել է 47 միլիոն 935 հազար դրամ, որի 50 տոկոսը հատկացրել է ՀՀ կառավարությունը, 50 տոկոսը՝ Սեւանի համայնքապետարանը։ Ծրագրի իրականացման արդյունքում ասֆալտապատվել է 512 մետր երկարության ճանապարհ՝ 2616 քառակուսի մետր մակերեսով։ Վերոնշյալ ծրագրերն ավարտվել են 2022 թվականի նոյեմբեր և դեկտեմբեր ամիսներին։
