Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Փետրվարի 8-ին Գեղարքունիքի մարզպետ Կարեն Սարգսյանն ընդունեց Հայաստանում Ֆրանսիայի Հանրապետության արտակարգ և լիազոր դեսպան Օլիվիե Դըկոտինյիին։ Հանդիպման ընթացքում կողմերը քննարկեցին անվտանգային, տնտեսական, առողջապահական ու կրթամշակութային ոլորտներում ընթացող համագործակցության խորացմանն ու ամարպնդմանն ուղղված հարցեր։ Հանդիպման սկզբում Գեղարքունիքի մարզպետ Կարեն Սարգսյանը դեսպանին ներկայացրեց Գեղարքունիքի մարզի և Ֆրանսիայի Հանրապետության Իզերի դեպարտամենտի միջև հաստատված համագործակցության ծրագրերի շրջանակները, արդյունքները և առաջիկա անելիքները, շեշտելով, որ կրթության, մշակույթի, տուրիզմի, առողջապահության ոլորտներում երկար տարիներ կողմերի ջանքերով իրականացվել են բազմաթիվ ու բազմազան ծրագրեր, իսկ տևական համագործակցությունը վերածվել է ամուր բարեկամության։․․․
Գեղարքունիքի մարզպետի աշխատակազմում կատարվեց քաղաքացիների հերթական ընդունելությունը 07.02.2024
Փետրվարի 7-ին Գեղարքունիքի մարզպետի աշխատակազմում կատարվեց քաղաքացիների հերթական ընդունելությունը, որն անցկացրին Գեղարքունիքի մարզպետի աշխատակազմի գլխավոր քարտուղար Սևակ Խլղաթյանը, մարզպետի խորհրդական Ջանիկ Բազեյանը և մարզպետի աշխատակազմի առողջապահության և սոցիալական ոլորտի հարցերի վարչության պետ Լուսինե Վարդանյանը։ Քաղաքացիները դիմեցին բիզնես գաղափարների իրագործման հարցում աջակցություն ստանալու, բնակարանների տանիքների նորոգման, վիրահատության նպատակով ֆինանսական աջակցություն ստանալու, ենթակառուցվածքների բարելավմանն օժանդակելու, շինանյութի ձեռքբերման, աշխատանքի տեղավորման, ֆինանսական աջակցություն ստանալու, առողջական և անձնական բնույթի տարբեր խնդիրներով։ Բոլոր դիմումները վերցվեցին հաշվառման, որոնց պատասխանները կտրվեն օրենքով սահմանված կարգով և ժամկետներում։
Գեղարքունիքի մարզում իրականացվում են ճանապարհների անցանելիության աշխատանքներ 07.02.2024
Վերջին օրերին Գեղարքունիքի մարզում գրանցված ուժեղ քամիների և ձնաբքի հետևանքով մարզի ճանապարհներին սռկա են փակ և դժվարանցանելի հատվածներ։ Չնայած եղանակային վատ պայմաններին՝ մարզի ճանապարհ սպասարկող կազմակերպությունների կողմից իրականացվում են ավտոճանապարհների անցանելիության ապահովման աշխատանքներ։
Փետրվարի 7-ին Գեղարքունիքի մարզպետ Կարեն Սարգսյանը 2024 թվականի առաջին աշխատանքային խորհրդակցությունն անցկացրեց մարզային ենթակայության հանրակրթական դպրոցների տնօրենների հետ, քննարկելով մի շարք առաջնահերթ նշանակության հարցեր՝ ամփոփելով 2022-2023 թվականների ուստարվա արդյունքները։ Մարզային ենթակայության հանրակրթական 24 դպրոցներում «Քրոու ընդ Ասատրյանց» կազմակերպության կողմից 2023 թվականին անցկացված աուդիտի արդյունքները ներկայացրեց Գեղարքունիքի մարզպետի աշխատակազմի գլխավոր քարտուղար Սևակ Խլղաթյանը։ ,,Որոշ հաստատություններում արձանագրվել են նույն բնույթի խախտումները կամ թերացումները, որոնք արձանագրվել են ֆինանսական կամ աշխատանքային կարգապահության, «Գնումների մասին» ՀՀ օրենքի պահանջների, հակահրդեհային կանոնների պահպանման խախտումների, աշխատանքային հաճախումների հաշվառման մատյանների բացակայության, օրենքի այլ պահանջների չկատարման տեսքով։ ․․․
Գեղարքունիքի մարզում մեկնարկել է «Գեղարքունյաց ձմեռ–2024» մարզամշակութային միջոցառումը 06.02.2024
ՀՀ Գեղարքունիքի մարզպետի 2024 թվականի հունվարի 8-ի թիվ 16-Ա որոշմամբ փետրվարի 1-ից Գեղարքունիքի մարզի համայնքներում և հանրակրթական դպրոցներում կազմակերպվում և անցկացվում է «Լինենք առողջ» խորագրով «Գեղարքունյաց ձմեռ-2024» մազամշակութային միջոցառումը։ Այն անցկացվում է ամեն տարի՝ բնակչության առօրյայում առողջ ապրելակերպի արմատավորման, համայնքներում ձմեռային մարզաձևերի և ազգային խաղերի մասսայականացման նպատակով։ Գեղարքունիքի մարզի մի շարք դպրոցներում և բնակավայրերում արդեն իսկ անցկացվել են միջոցառումները՝ գեղեցիկ ու առողջ օր պարգևելով մասնակիցներին։ Ըստ կանոնակարգի՝ միջոցառման մեջ ընդգրկված է մասսայական դահուկավազքը, մրցումներ սահնակներով, կշռաքարի բարձրացումը, մարզական ցուցադրական ելույթները, սպորտլանդիայի անցկացումը, բարձունքի գրավումը, ձնագնդիով նշանակետին հարվածելը, մրցումներ ազգային խաղաձևերից, հրաձգություն․․․
ՀՀ կառավարության կողմից 2023 թվականին Գեղարքունիքի մարզում իրականացված սուբվենցիոն ծրագրերի ամփոփում 06.02.2024
Գեղարքունիքի մարզի Ճամբարակ համայնքի Թթուջուր բնակավայրում ՀՀ կառավարության կողմից 2023 թվականին իրականացվող սուբվենցիոն ծրագրերի շրջանակներում հիմանորոգվել է համայնքապետարանի վարչական շենքը։ Թթուջրի վարչական շենքի հիմնանորոգման ծրագրի պայմանագրային արժեքը կազմել է 43 միլիոն դրամ, որից 60 տոկոսը կամ 25 միլիոն 800 հազար դրամը հատկացրել է ՀՀ կառավարությունը, 40 տոկոսը կամ 17 միլիոն 200 հազար դրամը՝ Ճամբարակի համայնքապետարանը։ Շինարարական աշխատանքները մեկնարկել են 2023 թվականի հունիսին և 2024 թվականի փետրվարի սկզբի դրությամբ գտնվում են ավարտական փուլում։ Ծրագրի իրականացման արդյունքում հիմնանորոգվել են Թթուջրի վարչական շենքի տանիքը, հատակը, աստիճանները, տեղադրվել նոր դռներ և պատուհաններ, կատարվել է ներքին հարդարում։ Ծրագրի իրականացման արդյունքում բարելավվել է Թթուջրի վարչական շենքում գործող կազմակերպությունների՝ գրադարանի, բուժկետի, փոստի, անասնաբուժական ծառայության աշխատանքային պայմանները։
