Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Սեպտեմբերի 20-ին Գեղարքունիքի մարզպետի տեղակալ Ռուբիկ Նավոյանն ընդունեց «Հակոբյաններ Համահայկական կենտրոնի» նախագահ Սմբատ Հակոբյանին՝ նրա հետ քննարկելով կենտրոնի կողմից Գեղարքունիքի մարզում նախատեսվող ծրագրերի իրականացման հնարավորությունները։ Հանդիպմանը մասնակցեցին Գեղարքունիքի մարզպետի աշխատակազմի ստորաբաժանումների ղեկավարներ, Մարտունի, Վարդենիս, Գավառ, Սեւան համայնքների ղեկավարների տեղակալներ։ «Հակոբյաններ Համահայկական կենտրոնի» նախագահ Սմբատ Հակոբյանը ներկայացրեց կենտրոնի կողմից Գեղարքունիքի մարզում նախատեսված ծրագրի երեք բաղադրիչների բովանդակությունը, նպատակները՝ կարեւորելով համագործակցության անհրաժեշտությունը։ Ըստ Սմբատ Հակոբյանի՝ ծրագիրը նախատեսվում է իրականացնել մարզի հանրակրթական ոլորտում, երեք տարբեր ուղղություններում։ «Հակոբյաններ Համահայկական կենտրոնի» միջոցները գոյանում են համահայկական նվիրատվությունների հաշվին։ Ծրագրի ներդրման դեպքում ընդհանուր գումարի 60-70 տոկոսը պետք է ներդրվի «Հակոբյաններ Համահայկական կենտրոնի», 30-40 տոկոսը՝ համայնքապետարանների կողմից։ ․․․
Հիմնանորոգվել է Գեղարքունիքի միջնակարգ դպրոցի գրադարանը 18.09.2023
Գեղարքունիքի մարզի Գավառ համայնքի Գեղարքունիք գյուղի աշակերտներն այսուհետ կօգտվեն հիմնանորոգված ու կահավորված գրադարանից։ Գրադարանի բացման հանդիսավոր արարողությանը մասնակցեցին ՀՀ ԿԳՄՍ նախարար Ժաննա Անդրաեասյանը, Գեղարքունիքի մարզպետ Կարեն Սարգսյանը, Հայաստանի Հանրային հեռուստաընկերության տնօրեն Հովհաննես Մովսիսյանը, Գավառ համայնքի ղեկավար Գուրգեն Մարտիրոսյանը, Գեղարքունիքի մարզպետի աշխատակազմի և Գավառի համայնքապետարանի պատասխանատու աշխատակիցներ, Գեղարքունիքի միջնակարգ դպրոցի տնօրեն Նելլի Հակոբյանը, մանկավարժները և աշակերտները, ծնողներ։ Միջոցառման պատվավոր հյուրն էր հոլանդացի հայագետ Աննա Մարիան, ով համագործակցում է Գեղարքունիքի միջնակարգ դպրոցի մանկավարժների ու գրադարանի պատասխանատուների հետ։ Գրադարանը հիմնանորոգվել է Հայաստանի հանրային հեռուստաընկերության կողմից տրամադրված 4 միլիոն 850 հազար դրամի հաշվին, ինչի արդյունքում նորացվել ու կահավորվել են ընթերցասրահը, գրադարանը և գրապահոցը։ ․․․
Զինված ուժերը պայմանագրային զինծառայողներով համալրելու, ինչպես նաև կանանց նորաստեղծ գումարտակում զինվորական ծառայության անցնելու վերաբերյալ բացատրական և քարոզչական աշխատանքներ իրականացնելու, զինծառայողներին տրվող սոցիալական երաշխիքները, արտոնությունները և ծառայությանն առնչվող բոլոր մանրամասները ներկայացնելու նպատակով՝ ՀՀ Պաշտպանության և ՀՀ տարածքային կառավարման և ենթակառուցվածքների նախարարությունների նախաձեռնությամբ և Գեղարքունիքի մարզպետի աշխատակազմի աջակցությամբ սեպտեմբերի 15-ին Գեղարքունքի մարզի Սևան և Ճամբարակ համայնքներում անցկացվել են հանդիպում-քննարկումներ պայմանագրային զինվորական ծառայություն անցնելու ցանկություն ունեցող մինչև 35 տարեկան կանանց, ինչպես նաև արական սեռի պահեստազորայինների հետ։ Հանդիպում-քննարկումներին մասնակցել են․․․
ՀՀ ԿԳՄՍ նախարարության պետական ֆինանսական աջակցությամբ Հայաստանի ազգային կինոկենտրոնը հայ կինոյի 100-ամյակին ընդառաջ իրականացնում է«Հայկական կինոդար» մարզային ծրագիրը, որի նպատակն է հայկական կինոժառանգության և ժամանակակից ֆիլմերի ցուցադրությունների կազմակերպումը Հայաստանի մարզերում։ Ցուցադրության համար ընտրվել են հայկական շուրջ հարյուր լիամետրաժ և կարճամետրաժ, դասական և ժամանակակից ֆիլմեր, այդ թվում՝ հայկական կինոժառանգության վերականգնված նմուշներ։ Գեղարքունիքի մարզում սեպտեմբերի 25-ին ցուցադրություն կկազմակերպվի Վարդենիսի Մ․ Մկրտչյանի անվան մշակույթի պալատի, սեպտեմբերի 26-ին Մարտունու մշակույթի պալատի, սեպտեմբերի 27-ին՝ Սևանի Ս․ Զաքարանի անվան մշակույթի պալատի և սեպտեմբերի 28-ին Գավառի՝ Լ․ Քալանթարի անվան պետական դրամատիկական թատրոնի դահլիճներում։ Բոլոր ցուցադրություններն անվճար են և մուտքն ազատ է բոլոր ցանկացողների համար։
ՀՀ կառավարությունը 112 միլիոն 813 հազար դրամ հատկացրեց Ակունքի մարզադահլիճի վերակառուցման համար 14.09.2023
ՀՀ կառավարության 2023 թվականի սեպտեմբերի 14-ի հերթական նիստում որոշում է կայացվել ՀՀ պետական բյուջեից 112 միլիոն 813 հազար դրամ հատկացնել Գեղարքունիքի մարզի «Ակունք գյուղի միջնակարգ դպրոց» ՊՈԱԿ-ի մարզադահլիճի վերակառուցման աշխատանքները մինչև տարեվերջ ավարտին հասցնելու համար։
Սևան քաղաքում անցկացվեց «Առողջ ապրելակերպը սովորություն է» կարգախոսով հանրային իրազեկման արշավ 14.09.2023
Երեխաների և մեծահասակների մոտ առողջ ապրելակերպին ուղղված իրազեկվածությունը բարձրացնելու նպատակով ՀՀ առողջապահության նախարարության նախաձեռնությամբ սեպտեմբերի 14-ին Գեղարքունիքի մարզի Սևան քաղաքում անցկացվեց «Առողջ ապրելակերպը սովորություն է» կարգախոսով հանրային իրազեկման արշավ։ Արշավին մասնակցեց ՀՀ առողջապահության նախարարի տեղակալ Արմեն Նազարյանը, Գեղարքունիքի մարզպետի տեղակալ Ռուբիկ Նավոյանը, մարզպետի աշխատակազմի առողջապահության և սոցիալական ոլորտի հարցերի վարչության պետ Լուսինե Վարդանյանը, մարզպետի աշխատակազմի կրթության, մշակույթի սպորտի վարչության գլխավոր մասնագետ Համբարձում Սաֆարյանը, առողջապահության նախարարության, Սևանի համայնքապետարանի, քաղաքացիական հասարակության, ԶԼՄ ներկայացուցիչներ,կրթամշակութային հաստատությունների աշխատակիցներ, անհատ քաղաքացիներ։ Արշավին թեմատիկ պաստառներով ․․․
