Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Կառավարության որոշմամբ հաստատվել են 2023 թվականի երկրորդ կիսամյակի համար Սևանա լճում սիգ ձկնատեսակի արդյունագործական որսի չափաքանակները: Սիգի ձկնորսության թույլատրելի առավել քանակությունը սահմանված է 300 տոննա։ 2023 թվականի համար Սևանա լճում կարաս և խեցգետին կենդանատեսակների համար արդյունագործական որսի չափաքանակ չի սահմանվել։ «Սևանա լճում սիգի արդյունագործական փորձարարական ձկնորսության» կարգի համաձայն՝ ձկան քաշը պետք է լինի 400 գրամից ոչ պակաս, սիգի որսն իրականացվում է Սևանա լճի ամբողջ տարածքով, ափից առնվազն 500մ հեռավորության վրա` բացառելով «Սևան» ազգային պարկի արգելոցային գոտու ջրային տարածքները, սիգի արդյունագործական որսն իրականացվում է դնովի ցանցերով (ցանցավանդակի կառուցողական քայլի չափը 40 մմ և ավելի), արգելվում է որսն իրականացնել հանգուցային, արտադրված մեքենայական կամ ձեռքի միջոցով, սինթետիկ նեյլոնե կամ այլ պոլիամիդային մանրաթելերից...
ՏԵՂԵԿԱՏՎՈՒԹՅՈՒՆ ԼՂ-ԻՑ ՏԵՂԱՀԱՆՎԱԾ ԱՆՁԱՆՑ ԿՈՂՄԻՑ ՎԵՐՋԻՆ ՕՐԵՐԻՆ ՀԱՃԱԽ ՀՆՉՈՂ ՀԱՐՑԵՐԻ ՎԵՐԱԲԵՐՅԱԼ 06.10.2023
1․ Ինչպե՞ս հաշվառվել ՆԳՆ Միգրացիայի քաղաքացիության ծառայության տվյալների բազայում։ Հաշվառվելու համար անհրաժեշտ է անձը հաստատող փաստաթղթով մոտենալ Հայաստանի համայնքներում ստեղծված տարածքային հումանիտար կենտրոններ (հասցեները հրապարակված է https://irazekum.am/ հարթակում) կամ Փարաքարի Միասնական սոցիալական ծառայության կայան (հասցե՝ Նաիրի 40): 2․ Արդյոք քաղաքացին համարվու՞մ է հաշվառված, եթե իր տվյալները ներբեռնել է Առաջնային կարիքի գրանցման հարթակում։ Ո՛չ, քանի որ այդ դեպքում համարվում է, որ հաշվառվել են քաղաքացու կարիքները, իսկ գրանցվել անհրաժեշտ է ՆԳՆ Միգրացիայի և քաղաքացիության ծառայության տվյալների բազայում։ 3․ Ու՞ր դիմել, եթե ԼՂ-ից բռնի տեղահանված անձն ունի սննդի, հագուստի և առաջնային այլ պարագաների կարիք։ ԼՂ-ից տեղահանված քաղաքացիներին հրատապ աջակցություն ցուցաբերելու նպատակով լրացվում է առաջնային կարիքի գրանցման հարթակը՝ https://e-soc.am/, եթե ունեք կարիքներ ու դեռ չեն բավարարվել դրանք, կարող եք մոտենալ...
ՀՀ Գեղարքունիքի մարզպետ Կարեն Սարգսյանի շնորհավորական ուղերձը՝ ուսուցչի օրվա առթիվ 05.10.2023
Սիրելի ուսուցիչներ, շնորհավորում եմ ձեզ մասնագիտական տոնի՝ Ուսուցչի օրվա առթիվ: Շարունակելով կրթության ոլորտում ազգային լավագույն ավանդույթները` ամենօրյա ազնիվ ու տքնաջան աշխատանքով դուք ձեր արժանի ավանդն եք ներդնում մեր պետության ապագա քաղաքացիների ձևավորման գործում: Համոզված եմ, որ երիտասարդ սերնդի պատշաճ կրթության և դաստիարակության գործը հոգատար ու վստահելի ձեռքերում է: Կրթական ոլորտի խնդիրները մշտապես գտնվում են կառավարության ուշադրության կենտրոնում և ամեն տարի դրանց լուծմանն ուղղված քայլերը՝ կրթական համակարգի բարեփոխումից, դպրոցների հիմնանորոգումից, ուսուցչի մասնագիտության նկատմամբ համընդհանուր ուշադրության և հոգածության մթնոլորտի ձևավորումից մինչև համակարգի աշխատողների աշխատավարձերի բարձրացում, կարծում եմ, նկատելի են և այսուհետ էլ հետևողականորեն շարունակվելու են: Կրկին շնորհավորելով ձեզ այս գեղեցիկ տոնի առթիվ, առողջություն և հաջողություններ եմ մաղթում ձեզ` ձեր շնորհակալ և հայրենանվեր աշխատանքում:
ՈՒՇԱԴՐՈՒԹՅՈՒՆ 04.10.2023
ԼՂ-ից բռնի տեղահանված անձինք ևս կարող են օգտվել Աշխատանքի և սոցիալական հարցերի նախարարության ֆինանսավորմամբ՝ հասարակական կազմակերպությունների միջոցով մատուցվող ծառայություններից, որոնք նախատեսված են կյանքի դժվարին իրավիճակում հայտնված երեխաների, հաշմանդամություն ունեցող անձանց, տարեցների, ինչպես նաև կանանց և աղջիկների համար։ Ըստ անհրաժեշտության, Միասնական սոցիալական ծառայությունը, գնահատված կարիքի հիման վրա, քաղաքացիներին ուղղորդում է տվյալ ծառայությունները մատուցող կազմակերպություններ։ Ըստ այդմ՝ Ցերեկային խնամքի ծառայություններ՝ կյանքի դժվարին իրավիճակում հայտնված երեխաներին Ծրագրի նպատակն է նպաստել երեխաների սոցիալ-հոգեբանական, կյանքի հիմնական հմտությունների զարգացմանը, երեխաներին և նրանց ընտանիքներին տրամադրել սոցիալ-վերականգնողական, հոգեբանական ու իրավաբանական խորհրդատվություն և աջակցություն՝ խթանելու երեխաների սոցիալ-վերականգնողական, ընտանիքում մեծանալու հիմնարար իրավունքների իրացումը, կանխելու նրանց մուտքը հաստատություններ և այլն։․․․
Գեղարքունիքի մարզպետն անցկացրեց քաղաքացիների հերթական ընդունելությունը 04.10.2023
Հոկտեմբերի 4-ին Գեղարքունիքի մարզպետ Կարեն Սարգսյանը մարզպետի աշխատակազմի վարչական շենքում կատարեց քաղաքացիների ընդունելություն։ Քաղաքացիները մարզպետին դիմեցին դրամական աջակցություն ստանալու, բնակարանի ձեռքբերման, տանիքի նորոգման, բուժօգության կազմակերպման, կառույցի ապամոնտաժման թույլտվություն տրամադրելու խնդրանքներով։ Դրամական աջակցության հարցերով դիմածների խնդրանքը բավարարվեց տեղում, իսկ մնացած դիմումները վերցվեցին հաշվառման, որոնց պատասխանը կտրվի օրենքով սահմանված կարգով և ժամկետներում։
Սեպտեմբեր ամսին Գեղարքունիքի մարզում ծնվել է 169 երեխա 04.10.2023
2023 թվականի սեպտեմբեր ամսին Գեղարքունիքի մարզում ծնվել է 169 երեխա, որից 95-ը տղա, 74-ը՝ աղջիկ: 169 երեխաներից 34-ը ծնվել են Գավառի բժշկական կենտրոնում, 33-ը՝ Սևանի բժշկական կենտրոնում, 84-ը՝ Մարտունու ծննդատանը, 18-ը՝ Վարդենիսի բժշկական կենտրոնում։ Ճամբարակի առողջության կենտրոնում ծնունդ չի գրանցվել։
