Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ կառավարության կողմից 2022 թվականին Գեղարքունիքի մարզում իրականացված սուբվենցիոն ծրագրերի ամփոփում 03.07.2023
Գեղարքունիքի մարզի Մարտունի քաղաքում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում հիմնանորոգվել է Մարտունու համայնքապետարանի շենքը, առանձին ծրագրով շենքի կարիքների համար ձեռք է բերվել գույք, գազատար է կառուցվել Նարեկացի եւ Իշխան Խաչատրյան փողոցներում, մայթերի կառուցման եւ սալարկման աշխատանքներ են իրականացվել Գետափնյա-2, Կոմիտաս, Գարեգին Նժդեհ, Կարապետյան եւ Վարդան Մամիկոնյան փողոցներում, իսկ Գարեգին Նժդեհ, Կոմիտաս եւ Գետափնյա-2 փողոցների հիմնանորոգման աշխատանքները տեղափոխվել են 2023 թվական եւ մեկնարկել այս տարվա մայիս ամսից։ Մարտունու համայնքապետարանի շենքի հիմնանորոգման ծրագրի իրականացման պայմանագրային արժեքը կազմել է 40 միլիոն դրամ, որի 50 տոկոսը հատկացրել է ՀՀ կառավարությունը, 50 տոկոսը՝ Մարտունու համայնքապետարանը։ Ծրագրի իրականացման արդյունքում հիմնանորոգվել է համայնքապետարանի 2-րդ եւ 4-րդ հարկերի 24 աշխատասենյակ եւ նիստերի դահլիճը։ ․․․
Վարդենիս քաղաքի զինվորական հոսպիտալի բակում օծվել է նորակառույց Սուրբ Աստվածածին մատուռը 03.07.2023
Հունիսի 30-ին Վարդենիսի զինվորական հոսպիտալի տարածքում կատարվել է նորակառույց Սուրբ Աստվածածին մատուռի օծման արարողությունը, որին մասնակցել են Գեղարքունիքի մարզպետի տեղակալ Վահան Զարոյանը, Վարդենիս համայնքի ղեկավար Ահարոն Խաչատրյանը, 2-րդ բանակային կորպուսի հրամանատար գնդապետ Գարեգին Պողոսյանը, այլ պաշտոնյաներ։ Մատուռն օծվել է ձեռամբ Մայր Աթոռի Հայեցակարգային գրասենյակի տնօրեն Գերաշնորհ Տ. Վազգեն արք. Միրզախանյանի, աղոթակցությամբ Գեղարքունյաց թեմի առաջնորդական տեղապահ Հոգեշնորհ Տ. Պարթև վրդ. Բարսեղյանի և Զինված ուժերի հոգևոր առաջնորդ Տ. Մովսես վրդ. Սարգսյանի։ Սուրբ Աստվածածին մատուռը կառուցվել է 2020 թվականին՝ Արցախյան 44-օրյա պատերազմից հետո՝ Դադիվանքից բերված և Վարդենիսի զինվորական հոսպիտալի տարածքում տեղադրված խաչքարի տեղում` զինվորական հոսպիտալի գլխավոր բժշկի և մի խումբ վարդենիսցիների նախաձեռնությամբ:․․․
Գեղարքունիքի մարզում հունիս ամսին ծնվել է 76 երեխա 03.07.2023
2023 թվականի հունիս ամսին Գեղարքունիքի մարզում ծնվել է 76 երեխա, որից 39-ը տղա, 37-ը՝ աղջիկ: 76 երեխաներից 13-ը ծնվել են Գավառի բժշկական կենտրոնում, 23-ը՝ Սևանի բժշկական կենտրոնում, 29-ը՝ Մարտունու ծննդատանը, 8-ը՝ Վարդենիսի բժշկական կենտրոնում և 3-ը՝ Ճամբարակի առողջության կենտրոնում։
Գեղարքունիքի մարզպետ Կարեն Սարգսյանն աշխատանքային այցով եղավ Ճամբարակ քաղաքում, որտեղ, հերթական անգամ, դիտարկեց ՀՀ կառավարության կողմից 2021-2022 թվականներին սուբվենցիոն ծրագրերի շրջանակներում իրականացվող աշխատանքների ընթացքը։ Մարզպետին ուղեկցում էր Ճամբարակ համայնքի ղեկավար Վազգեն Ադամյանը, մարզպետի աշխատակազմի և Ճամբարակի համայնքապետարանի պատասխանատու աշխատակիցներ։ Մարզպետը նախ այցելեց Արցախյան 44-օրյա պատերազմում Ճամբարակցի 36 զոհերի հիշատակին կառուցվող հուշահամալիրի շինհրապարակ, ծանոթացավ կատարվող աշխատանքներին։ Հուշահամալիրի կառուցման եւ «Տոռնադո» պատկերով հուշարձան-քանդակի ձեռքբերման ծրագրի իրականացման պայմանագրային արժեքը կազմում է 88 միլիոն դրամ, որի 55 տոկոսը հատկացնում է ՀՀ կառավարությունը, 45 տոկոսը՝ Ճամբարակի համայնքապետարանը։ Ծրագիրը մեկնարկել է 2022 թվականի աշնանը և իրականացվել են ընդհանուր աշխատանքների ավելի քան 60 տոկոսը։․․․
Ճամբարակ կատարած աշխատանքային այցի ընթացքում Գեղարքունիքի մարզպետ Կարեն Սարգսյանը դիտարկեց 2021-2022 թվականի սուբվենցիոն ծրագրերի շրջանակներում Ճամբարակ քաղաքի Տիգրան Մեծի, Գարեգին Նժդեհի, Սեպտեմբերի 21-ի մի շարք բազմաբնակարան շենքերի բակային տարածքներում իրականացված ասֆալտապատման և բարեկարգման աշխատանքները։ Ծրագրի պայմանագրային արժեքը կազմում է 136 միլիոն դրամ, որի 55 տոկոսը հատկացնում է ՀՀ կառավարությունը, 45 տոկոսը Ճամբարակի համայնքապետարանը։ Ասֆալտապատվել է բազմաբնակարան 10 շենքերի բակային տարածքները՝ 11 հազար 316 քառակուսի մետր ընդհանուր մակերեսով, որից 9218 քառակուսի մետրը կազմում են բակային հատվածները, 2098 քառակուսի մետրը՝ մայթերը։ Ծրագրի իրականացման արդյունքում Ճամբարակ քաղաքի բազմաբնակարան 10 շենքերի շուրջ 320 ընտանիք արդեն օգտվում են ասֆալտապատ բակային տարածքներից և մայթերից։ Ճամբարակ քաղաքում Գեղարքունիքի մարզպետը ծանոթացավ նաև Նարեկացի փողոցը Վերին Ճամբարակ թաղամասին կապող հետիոտնային սալարկված ճանապարհի վիճակին։․․․
Զորակոչի հերթական արարողությունը տեղի ունեցավ Սևան համայնքում 29.06.2023
2023 թվականի ամառային զորակոչի հերթական փուլը Գեղարքունիքի մարզում անցկացվեց հունիսի 28-ին՝ ՀՀ ՊՆ զորակոչային եւ զորահավաքային համալրման ծառայության Գեղարքունիքի մարզային ստորաբաժանման Սևանի տարածքային բաժնում հաշվառված զորակոչիկների շրջանում։ Զորակոչը մեկնարկեց հանդիսավոր արարողություններով, ուղեկցվեց ողջույնի, շնորհավորանքի և բարեմաղթանքների խոսքերով։ Արարողությանը մասնակցեց ՀՀ Գեղարքունիքի մարզպետի տեղակալ Ռուբիկ Նավոյանը, ՀՀ ՊՆ զորակոչային եւ զորահավաքային համալրման ծառայության Գեղարքունիքի մարզային ստորաբաժանման Սևանի տարածքային բաժնի պատասխանատու աշխատակիցներ, մարզպետի աշխատակազմի, Սևանի համայնքապետարանի, տեղական ինքնակառավարման մարմինների ներկայացուցիչներ, ուժային կառույցների ղեկավարներ, նորակոչիկների ծնողներ և հարազատներ։
