Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ կառավարության 2023 թվականի դեկտեմբերի 14-ի հերթական նիստում որոշում է կայացվել 75 միլիոն 095 հազար դրամ է հատկացրել Գեղարքունիքի մարզում առաջնահերթ լուծում պահանջող երեք ծրագրերի համար։ Այդ թվում 10 միլիոն 587,5 հազար դրամ հատկացվել է Վարդենիսի բժշկական կենտրոնի ջեռուցման համակարգի անցկացման համար։ 27 միլիոն 837,3 հազար դրամ՝ Սևան համայնքի Վարսեր բնակավայրի Ռ. Պետրոսյանի անվան միջնակարգ դպրոցի ջեռուցման համակարգի անցկացման համար։ 36 միլիոն 670,2 հազար դրամ՝ Գավառ քաղաքի 4 բազմաբնակարան շենքերի տանիքների վերանորոգման և 1 բազմաբնակարան շենքի ամբողջական կառուցման աշխատանքների համար։ Տանիքները վնասվել էին 2023 թվականի նոյեմբեր ամսին գրանցված ուժեղ քամիների հետևանքով։
Հիմնանորոգվել է Մ-10, Սևան-Մարտունի-Գետափ միջպետական նշանակության ավտոճանապարհի կմ1+000-կմ17+000 հատվածը (բացառությամբ կմ2+800-կմ5+300, կմ5+750-կմ5+886 և կմ6+850-կմ7+034 հատվածների)։ 13.18կմ երկարությամբ ճանապարհահատվածը սկսվում է Լճաշեն բնակավայրի մոտից և հասնում մինչև Ծովազարդ։ Ճանապարհն ունի երթեւեկության բավականին մեծ ինտենսիվություն‚ և կարևոր էր Սևանի ու Գավառի տարածաշրջանները միմյանց կապող այդ ճանապարհահատվածի բարեկարգումը։ Կապալառու կազմակերպությունը՝ «Լեոպոլդ և ընկեներ» ՍՊԸ-ն‚ հիմնանորոգման շրջանակում կատարել է հողային աշխատանքներ‚ տեղադրել է երկշերտ ասֆալտբետոնե ծածկ‚ ․․․
Գեղարքունիքի մարզում ծնվել է Լեռնային Ղարաբաղից յոթերորդ երեխան 13.12.2023
ՀՀ Գեղարքունիքի մարզի Մարտունու ծննդատանը դեկտեմբերի 12-ին լույս աշխարհ է եկել Լեռնային Ղարաբաղից յոթերորդ երեխան՝ Արմանը, 3320 գրամ քաշով և 51սմ հասակով։ Նորածնի ընտանիքը մարզ է տեղափոխվել Լեռնային Ղարաբաղի Ստեփանակերտ քաղաքից և վերաբնակություն է հաստատել Մարտունի քաղաքում։ Արմանը՝ Մհեր Աթաջանյանի և Քրիստինե Պետրոսյանի վեցերորդ երեխան է, ունի երկու եղբայր և երեք քույր։
Կայացել է «Մշակութային երկխոսություն» խորագրով միջմարզային հերթական միջոցառումը 12.12.2023
Դեկտեմբերի 11-ին Կոտայքի մարզի Չարենցավանի Գառզուի անվան արվեստի դպրոցում տեղի է ունեցել հերթական՝ «Մշակութային երկխոսություն» խորագրով միջմարզային միջոցառումը, որը կազմակերպվել է Գեղարքունիքի մարզպետի աշխատակազմի ԿՄՍ վարչության կողմից: Այն իրականացվել է հանրապետության մարզերում մշակութային միջոցառումների ծրագրի շրջանակներում՝ ՀՀ պետական բյուջեից տրամադրած միջոցների հաշվին։ Միջմարզային միջոցառումը նպատակն էր ամրապնդել Գեղարքունիքի և Կոտայքի մարզերի արվեստի և երաժշտական դպրոցների միջև կապը՝ փորձի փոխանակման, մարզերում մշակույթի համաչափ զարգացման, բարեկամական ուղիների ստեղծման ու ճանաչողության միջմարզային մշակութային առանձնահատկությունների երկկողմանի ծանոթության, մարզին բնորոշ արվեստը ներկայացնելու միջոցով: Միջոցառման ընթացքում հանդես են եկել Գեղարքունիքի մարզի արվեստի և երաժշտական դպրոցների շնորհալի երգիչ-երգչուհիները․․․
ՀՀ ՆԳ նախարարության կողմից Գավառ քաղաքում անցկացվեց իրազեկման արշավ 09.12.2023
ՀՀ Ներքին գործերի նախարարության կողմից կազմակերպվող «Եղի՛ր ուժ մեր երկրի համար» իրազեկման հերթական միջոցառումը անցկացվեց դեկտեմբերի 9-ին, Գեղարքունիքի մարզի Գավառ քաղաքում։ Այն նպատակ ուներ՝ տեղական ինքնակառավարման մարմինների հետ փոխգործակցության արդյունում բարձրացնել տեղի բնակչության իրազեկվածությունը՝ պարեկային ծառայությունում կանանց ներգրավվածության տեսանկյունից։ Միջոցառմանը մասնակցում էին ՀՀ Գեղարքունիքի մարզպետ Կարեն Սարգսյանը, ՀՀ ՆԳ նախարարի տեղակալ Արփինե Սարգսյանը, ՆԳ նախարարության ոստիկանության շտաբի պետ Արմեն Մկրտչյանը, ոստիկանության մարզային և պարեկային ծառայությունների ղեկավար կազմը, մարզպետի աշխատակազմի ղեկավար կազմը, աշխատակիցներ, կրթամշակութային հաստատությունների ներկայացուցիչներ, մարզի համայնքների ղեկավարներ, համայնքապետարանների աշխատակիցներ, դպրոցականներ, անհատ քաղաքացիներ։...
Վարչապետ Նիկոլ Փաշինյանն այսօր Սևանա լճի հարակից տարածքում ներկա է եղել Ջրային պարեկային ծառայության գործարկման միջոցառմանը: Միջոցառմանը ներկա էին նաև Ներքին գործերի նախարար Վահե Ղազարյանը, ՆԳՆ ղեկավար կազմը, Տարածքային կառավարման և ենթակառուցվածքների նախարար Գնել Սանոսյանը, ԱԺ պատգամավորներ և պաշտոնատար այլ անձինք: Վարչապետ Փաշինյանը հանդես է եկել ելույթով, որում, մասնավորապես, նշել է. «Կառավարության հարգելի՛ անդամներ, Ազգային ժողովի հարգելի՛ պատգամավորներ, Ներքին գործերի նախարարության հարգելի՛ գործընկերներ, Ոստիկանության հարգելի՛ ծառայողներ, Շնորհավորում եմ բոլորիս ևս մեկ ստորաբաժանման ծառայության մեկնարկի առիթով: Պարեկային ոստիկանության ջրային ծառայության մեկնարկն ենք այսօր տալիս, ինչը շատ կարևոր իրադարձություն է: Ըստ էության, մենք սրանով արձանագրում ենք,,...
