Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Շարունակվում են Գավառ–Գանձակ–Սարուխան –Գեղարքունիք ավտոճանապարհի հիմնանորոգման աշխատանքները 11.09.2024
Հիմնանորոգվում է Տ-4-13, /Հ-39/ (Գավառ) – Գանձակ – Սարուխան – Գեղարքունիք ավտոճանապարհի կմ0+000-կմ12+900 հատվածը։ Ճանապարհը միմյանց է կապում Գավառ‚ Գանձակ‚ Հացառատ‚ Սարուխան‚ Լանջաղբյուր‚ Գեղարքունիք բնակավայրերը։ 12.9կմ երկարությամբ ճանապարհի շինարարության արժեքը մոտ 3 միլիարդ 250 միլիոն դրամ է, որը հատկացվել է ՀՀ պետական բյուջեի միջոցներից։ Շինաշխատանքները մեկնարկել են նախորդ տարվա աշնանը։ Տարբեր տեղամասերում տեղադրվել են ջրահեռացման վաքեր, բետոնե եզրաքարեր, կատարվել են ասֆալտապատման աշխատանքներ։ Այս պահին արդեն ասֆալտապատվել է մոտ 8կմ ճանապարհահատված, ճանապարհը վերջին անգամ հիմնանորոգվել էր 2006-2007 թվականներին և խիստ անբարեկարգ վիճակում էր։ Նորոգվում են նաև ճանապարհին առկա արհեստական կառուցվածքները։ Շինաշխատանքները կատարում է «Գավառի ՃՇՇ» ԲԲԸ-ն‚ տեխնիկական հսկողությունը՝ «Ճաննախագիծ ինստիտուտ» ՍՊԸ-ն։ Road Department Fund/Ճանապարհային դեպարտամենտ հիմնադրամ
ՀՀ ԿԳՄՍ նախարարությունը Գեղարքունիքի մարզի դպրոցներին հեծանիվներ նվիրեց 11.09.2024
ՀՀ կառավարության որոշմամբ ՀՀ կրթության, գիտության, մշակույթի և սպորտի նախարարության կողմից սեպտեմբերի 11-ին Գեղարքունիքի մարզային և ԿԳՄՍ նախարարության ենթակայության միջնակարգ դպրոցներին տրամադրվեց 2-ական հեծանիվ՝ տղաների և աղջիկների համար։ Նախաձեռնության նպատակն է դպրոցականների շրջանում մասսայականացնել հեծանվային սպորտը, բարձրացնել նրա դերը, բավարար քարոզել հեծանվային սպորտի պարապմունքներին դպրոցականների բավարար ներգրավվածության և առողջ ապրելակերպին միտված գաղափարը։ Մարզում հաշվառված 97 կրթական հաստատություններին տրամադրվեց 194 հեծանիվ և նույնքան սաղավարտ։ Դպրոցների 10-12-րդ դասարանների աշակերտներից ձևավորված թիմերը տրամադրված հեծանիվներով պետք է մեկշաբաթյա խտացված պարապմունքներ անցկացնեն, որպեսզի սույն թվականի սեպտեմբերի 20-25-ն ընկած ժամանակահատվածում մասնակցեն «Հայաստանի Հանրապետության Վարչապետի գավաթ» խճուղային հեծանվավազքի սիրողական մրցաշարի առաջին փուլին։․․․
Սեպտեմբերի 6-ին Գեղարքունիքի մարզպետ Կարեն Սարգսյանն ընդունեց ԿՄԽԿ Հայաստանյան պատվիրակության տարածքային ներկայացուցիչ Ավետիք Փաշայանին։ Հանդիպմանը մասնակցեցին նաև Գեղարքունիքի մարզպետի աշխատակազմի առողջապահության և սոցիալական հարցերի վարչության պետ Լուսինե Վարդանյանը և ՔՀ և ԵԿ զարգացման վարչության պետ Սասուն Սահակյանը։ Ավետիք Փաշայանը, համագործակցած աշխատանքի համար շնորհակալություն հայտնելով Գեղարքունիքի մարզպետ Կարեն Սարգսյանին, ներկայացրեց Գեղարքունիքի մարզում 2023 թվականի նոյեմբերի 23-ից մինչև 2024 թվականի օգոստոսն ընկած ժամանակահատվածում ԿՄԽԿ կողմից իրականացվող աջակցության և զարգացման ծրագրերի ընթացքը և 2025 թվականին նախատեսված առաջնահերթ անելիքները, այդ թվում քննարկվեց նաև նոր ԲՄԿ-ի կառուցման բնակավայրի ընտրության հարցը։ Ըստ ԿՄԽԿ ներկայացուցչի` զարգացման ծրագրերն իրականացվել կամ ընթացքի մեջ են գտնվում մարզի սահմանամերձ բնակավայրերում` ընդգրկելով գյուղատնտեսության, առողջապահության և արևային էներգիայի արտադրության ոլորտները։ ․․․
ՀՀ կրթության, գիտության, մշակույթի և սպորտի նախարարության և «Հիլլզ սպորտային համալիր» կենտրոնի միջև այսօր կնքվել է համագործակցության հուշագիր՝ մարզերում սպորտային համալիրների կառուցման և դրանց շահագործման վերաբերյալ: Հուշագիրը ստորագրել են ԿԳՄՍ նախարար Ժաննա Անդրեասյանն ու «Հիլլզ սպորտային համալիր» կենտրոնի ներկայացուցիչ Էլեն Հովեյանը: Կողմերը հայտնել են իրենց պատրաստակամությունը փոխշահավետության և համագործակցության սկզբունքների հիման վրա նպաստելու ՀՀ մարզերում նոր մարզահամալիրների նախագծմանը, կառուցմանը, կահավորմանը, ինչպես նաև դրանց շահագործմանը։ Մարզահամալիրները պետք է ներառեն լողավազան, ֆիթնես սրահներ և մարմնակրթության համար նախատեսված այլ սրահներ` ապահովված նորագույն մարզագույքով: «Հիլլզ սպորտային համալիր» կենտրոնի կողմից առաջիկայում նմանօրինակ մարզահամալիրներ պետք է կառուցվեն Եղեգնաձոր, Արարատ և Մարտունի համայնքներում:
Գեղարքունիքի մարզպետի աշխատակազմում անցկացվեց քաղաքացիների ընդունելություն 04.09.2024
Սեպտեմբերի 4-ին Գեղարքունիքի մարզպետի տեղակալ Վահան Զարոյանը մարզպետի աշատակազմի վարչական շենքում անցկացրեց քաղաքացիների հերթական ընդունելությունը, որին մասնակցում էր Գեղարքունիքի մարզպետի խորհրդական Սևակ Խլղաթյանը։ Քաղաքացիները դիմեցին աշխատանքային և առողջապահական բնույթի հարցերով, բազմաբնակարան շենքի բակում առկա խնդրի կարգավորման, սոցիալ-կենցաղային դժվարությունների կարգավորման նպատակով ֆինանսական աջակցություն ստանալու նպատակով։ Դիմումատուների մի մասի հարցումներին տեղում տրվեց բավարար պատասխան, մնացած դիմումները վերցվեցին հաշվառման, որոնց պատասխանները կտրվեն օրենքով սահմանված կարգով և ժամկետում։
ՀՀ Գեղարքունիքի մարզպետ Կարեն Սարգսյանի շնորհավորական ուղերձը Փրկարարի օրվա կապակցությամբ 04.09.2024
«ՆԳՆ փրկարար ծառայության սիրելի՛ աշխատակիցներ. գեներալնե՛ր, սպանե՛ր, տիկնա՛յք և պարոնա՛յք փրկարարներ, հարգարժա՛ն վետերաններ, Ի սրտե շնորհավորում եմ Ձեզ` մասնագիտական օրվա առթիվ: Սեպտեմբերի 4-ը մոլորակի, թերևս, ամենամարդասիրական ուժային կառույցի աշխատակցի տոնն է: Ամենամարդասիրական, քանզի չնայած համազգեստ կրելուն և զինվորական կարգով ծառայությանը՝ փրկարարը իրականացնում է բացառապես հումանիտար գործառույթներ՝ վտանգելով սեփական կյանքն ու առողջությունը, կյանքեր է փրկում: Փրկարարը կոչում է, որի մեջ ամփոփված է ուժն ու բարությունը, փրկարարի սերն ու հոգատարությունը մեր ժողովրդի ու պետության նկատմամբ: Ձեզանից յուրաքանչյուրը բարձր է պահում և՛ ՆԳՆ համակարգի, և՛ փրկարարի պատիվն ու արժանապատվությունը, ինչը, անշուշտ, գնահատվում է մեր ժողովրդի կողմից: Փրկարար լինելն առաքելություն է, և մեկ անգամ չէ, որ մեր փրկարարները ապացուցել են դա իրենց անձնուրաց աշխատանքով՝ հաճախ նաև իրենց առողջության ու կյանքի գնով փրկելով հազարավոր կյանքեր։ Տարիներ շարունակ մեր փրկարարները․․․
