Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետն անցկացրեց աշխատանքային հերթական խորհրդակցությունը 01.08.2022
Կարեն Սարգսյան / Karen Sargsyan Օգոստոսի 1-ին մարզպետարանի ստորաբաժանումների ղեկավարների հետ անցկացրի հերթական աշխատանքային խորհրդակցությունը, որի ընթացքում քննարկվեցին նախորդ խորհրդակցության ժամանակ տրված հանձնարարականների կատարման արդյունքները եւ տրվեցին նոր հանձնարարականներ։ Քննարկվող հարցերի շրջանակն ընդգրկում էր ֆինանսական եւ սոցիալ-տնտեսական զարգացման, քաղաքաշինության, առողջապահության, գյուղատնտեսության, ընդերքօգտագործման, հողաշինարարության եւ հողօգտագործման, զարգացման ծրագրերի ոլորտները։ Շարունակվում է տեղական բյուջեների սեփական եկամուտների հավաքագրման գործընթացը, որտեղ նկատվում է դրական որոշակի տեղաշարժ։ Ստորաբաժանումների ղեկավարների կողմից ներկայացվեցին նաեւ միջպետական եւ հանրապետական նշանակության․․․
ՀՀ կառավարության ծրագրերը հզոր հայրենիքի երաշխիք 01.08.2022
Գեղարքունիքի մարզի Սեւան քաղաքում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում կկառուցվի գիշերային լուսավորության ցանց։ Ծրագրի նախնական ընդհանուր արժեքը կազմում է 168 միլիոն 767 հազար դրամ, որի 60 տոկոսը կամ 101 միլիոն 260 հազար դրամը հատկացնում է ՀՀ կառավարությունը, 40 տոկոսը կամ 67 միլիոն 506 հազար դրամը՝ Սեւանի համայնքապետարանը։ Ծրագրով նախատեսվում է ԼԵԴ համակարգով աշխատող լուսավորության ցանց կառուցել Սեւան քաղաքի Կարմիր բանակի, Օրբելի, Իսահակյան, Քրքորյան, Մաշտոցի, Այվազովսկու, Մանթաշովի, Մհեր Մկրտչյան, Ռուսական, Կարեն Դեմիրճյան, Ձկնորսների, Սայաթ-Նովա, Րաֆֆու, Շիրազի, Նավավարների, Ազատության, Փափազյան, Կոմիսարների, Նալբանդյան, Աբովյան փողոցներում՝ 6300 գծամետր ընդհանուր երկարությամբ։ Կտեղադրվի 180 լուսատու։ Ծրագրի իրականացումից հետո գիշերային լուսավորվածություն կունենան Սեւան քաղաքի քսան թաղամասերում բնակվող շուրջ 6000 բնակիչներ։ Ծրագրի շինարարական աշխատանքների կազմակերպման մրցույթը հայտարարված է։
Գեղարքունիքի մարզպետ Կարեն Սարգսյանն ընդունեց «Փարոս» հիմնադրամի ներկայացուցիչներին 29.07.2022
Հուլիսի 28-ին Գեղարքունիքի մարզպետ Կարեն Սարգսյանն ընդունեց ամերիկյան «Փարոս» հիմնադրամի գործադիր տնօրեն Պիտր Աբաջյանին և հիմնադրամի անդամների։ Ինչպես ներկայացրեց հիմնադրամի գործադիր տնօրենը՝ 2020 թվականի Արցախյան պատերազմից հետո իրենք Արցախում և Հայաստանի հատկապես սահմանամերձ բնակավայրերում նորոգում են տիրազուրկ բնակարաններ և հանձնում նոր տերերին։ 2021 թվականից «Փարոս» հիմնադրամը ամերիկացի բարեգործների ֆինանսական աջակցության շնորհիվ «Արցախցիների վերաբնակեցում» ծրագրի շրջանակներում աշխատանքներ է իրականացնում նաև Գեղարքունիքի մարզի Մեծ Մասրիկ գյուղում։ «Մեծ Մասրիկում մեր հիմնադրամի միջոցների հաշվին գնել ենք 10 տիրազուրկ բնակարաններ, որոնցից 7-ը վերանորոգել, կահավորել, հիմնադրամի համագործակից կազմակերպությունների աջակցությամբ կառուցել ենք անասնագոմ, տրամադրել անասուններ, որպեսզի սահմանամերձ այդ բնակավայրում...
Ճամբարակ համայնքում կատարվեց քաղաքացիների ընդունելություն 29.07.2022
Համաձայն ՀՀ Գեղարքունիքի մարզպետի 2019 թվականի ապրիլի 8-ի թիվ 302-Ա որոշմամբ սահմանված կարգի` 2022 թվականի հուլիսի 28-ին Գեղարքունիքի մարզպետ Կարեն Սարգսյանի հանձնարարությամբ Ճամբարակ համայնքում կատարեց քաղաքացիների ընդունելություն։ Ընդունելությանը մասնակցեց 38 քաղաքացի։ Նրանց հիմնական մասը դիմեցին սոցիալ-տնտեսական տարբեր խնդիրների կարգավորման հարցում մարզպետարանից ֆինանսական աջակցություն ստանալու համար, 1 քաղաքացի դիմեց պետպատվերի շրջանակներում բուժումը կազմակերպելու, 2 քաղաքացի բնակարանային պայմանների բարելավմանն ուղղված հարցերով։ Դիմումատուների որոշ մասի կողմից բարձրացված հարցերին տեղում տրվեց պարզաբանում կամ լուծում, իսկ մնացած դիմումները հաշվառվեցին մարզպետարանում և կպատասխանվեն օրենքով սահմանված կարգով և ժամկետներում՝ լրացուցիչ ուսումնասիրություն կատարելուց հետո: ․․․
Գեղարքունիքի մարզպետ Կարեն Սարգսյանը ՀՀ տարածքային կառավարման և ենթակառուցվածքների նախարար Գնել Սանոսյանի, Կոտայքի մարզպետ Ահարոն Սահակյանի, Հրազդան համայնքի ղեկավար Սեւակ Միքայելյանի հետ այցելել է Հրազդանում կառուցվող առաջին սանիտարական աղբավայրի տարածք եւ ծանոթացել շինարարության ընթացքին։ Հայաստանի Հանրապետության Վերակառուցման և զարգացման եվրոպական բանկի միջև ստորագրված, ՀՀ ԱԺ-ի կողմից վավերացված միջազգային համաձայնագրով իրականացման փուլում է գտնվում «Կոտայքի և Գեղարքունիքի մարզերի կոշտ կենցաղային թափոնների կառավարման ծրագիրը», որի շրջանակներում նախատեսվում է կառուցել ԵՄ չափանիշներին համապատասխան սանիտարական աղբավայր և երկու մարզերում ներդնել աղբահանության ինտեգրված արդյունավետ համակարգ: Ծրագրի ընդհանուր բյուջեն 11,0 մլն Եվրո է, որից 5,5 մլն. եվրոն հանդիսանում է վարկային միջոց, 5,5 մլն. եվրոն` դրամաշնորհ․․․
Հուլիսի 27-ին Գեղարքունիքի մարզպետարանում կայացավ անասնագլխաքանակի համարակալման պետական ծրագրի իրականացմանը նվիրված խորհրդակցություն, որը վարեց Գեղարքունիքի մարզպետի տեղակալ Վահան Զարոյանը։ Խորհրդակցությանը մասնակցեցին ՀՀ Էկոնոմիկայի նախարարության «Գյուղատնտեսական ծառայությունների կենտրոն» ՊՈԱԿ տնօրեն Գառնիկ Հովհաննիսյանը, ՀՀ Սննդի անվտանգության տեսչական մարմնի ներկայացուցիչ Հովհաննես Բատիկյանը, Գեղարքունիքի մարզպետարանի գյուղատնտեսության եւ բնապահպանության վարչության, մարզի համայնքապետարանների համապատասխան ոլորտի աշխատակիցներ, բնակավայրերի վարչական ղեկավարներ, ֆերմերներ եւ անասնաբույժներ։ Ինչպես ներկայացրեց ՀՀ Էկոնոմիկայի նախարարության «Գյուղատնտեսական ծառայությունների կենտրոն» ՊՈԱԿ տնօրեն Գառնիկ Հովհաննիսյանը, 2022 թվականի հոկտեմբերից ՀՀ կառավարության համապատասխան որոշմամբ․․․
