Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գանձակի թիվ 2 միջնակարգ դպրոցի ֆիզիկայի դասասենյակն արդեն կրում է հերոս Տարոն Սարգսյանի անունը 14.06.2023
Գեղարքունիքի մարզի Գավառ համայնքի Գանձակ գյուղի թիվ 2 միջնակարգ դպրոցի ֆիզիկայի դասասենյակն այսուհետ կրում է նույն դպրոցի նախկին աշակերտ, Հայոց բանակի կապիտան, Արցախյան 44-օրյա պատերազմում հերոսացած Տարոն Ահարոնի Սարգսյանի անունը։ Դասասենյակի անվանակոչության եւ բացման հանդիսավոր արարողությանը մասնակցեցին Գեղարքունիքի մարզպետի տեղակալ Վահան Զարոյանը, Գավառ համայնքի ղեկավարի առաջին տեղակալ Գրիգոր Դաշտոյանը, Գեղարքունիքի մարզպետի աշխատակազմի եւ Գավառի համայնքապետարանի աշխատակիցներ, Գանձակի թիվ 2 միջնակարգ դպրոցի ուսուցիչներ եւ աշակերտներ, հերոսի ծնողները եւ հարազատները։ Դասասենյակի բացման պատիվը տրվեց հերոսի ծնողներին՝ Ահարոն եւ Զինա Սարգսյաններին։ Այնուհետ Տարոն Սարգսյանի անվան ֆիզիկայի դասասենյակում կազմակերպվեց հիշատակի ցերեկույթ՝ նվիրված հերոսի անցած կյանքին ու մարտական ուղուն։ Տարոն Սարգսյանը ծնվել է 1994 թվականին, Գեղարքունիքի մարզի Գանձակ գյուղում, ավարտել Գանձակի թիվ 2 միջնակարգ դպրոցը, Մոնթե Մելքոնյանի անվան ․․․
2023 թվականի օգոստոսի 12-ին կանցկացվի «ՀՀ վարչապետի գավաթ» լողի սիրողական մրցաշար 13.06.2023
2023 թվականի օգոստոսի 12-ին ՀՀ Գեղարքունիքի մարզի Ճամբարակ համայնքի Շողակաթ բնակավայրի (նախկին Շորժա) Սևանա լճի լողափնյա տարածքում անցկացվելու է «Հայաստանի Հանրապետության Վարչապետի գավաթ» լողի սիրողական մրցաշար: Մրցաշարը կանցկացվի 2 տարիքային խմբերով՝ 1 փուլով. 1) 1-ին տարիքային խումբ՝ 18-40 տարեկան (1983-2005թթ. ծնված) կանայք և տղամարդիկ, 2) 2-րդ տարիքային խումբ՝ 41 և բարձր տարիքի (1982թ. ծնված) կանայք և տղամարդիկ: Կանայք կմրցեն 1000 (հազար) մետր, իսկ տղամարդիկ՝ 1500 (հազար հինգ հարյուր) մետր լողատարածություններում: Հայտ ներկայացնող անձը պետք է ֆեդերացիայի կողմից ընտրված լողավազանում հանձնի նախնական ստուգարք՝ մասնակցի լողալու ունակության մակարդակը որոշելու համար: Մրցաշարին մասնակցելու ցանկություն ունեցող անձինք կարող են դիմել «ՀՀ լողի ֆեդերացիա» ՀԿ-ին մինչև օգոստոսի 6-ը ներառյալ: Էլ. հասցե՝ swimmingrm@mail.ru: Հարցերի դեպքում զանգահարել հետևյալ հեռախոսահամարներով՝ (010)56-44-60, Մասնագիտական հարցերի դեպքում զանգահարել (077)84-40-41, (091)84-40-41, (055)84-40-41, երկուշաբթի-ուրբաթ օրերին՝ ժամը 09:00-18:00
ՀՀ կառավարության կողմից 2022 թվականին Գեղարքունիքի մարզում իրականացված սուբվենցիոն ծրագրերի ամփոփում 13.06.2023
Գեղարքունիքի մարզի Սեւան համայնքի Զովաբեր գյուղում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում ասֆալտապատվել է 7-րդ փողոցը, լուսավորության ցանց է կառուցվել 5 տարբեր փողոցներում։ Զովաբերի 7-րդ փողոցի ասֆալտապատման ծրագրի պայմանագրային արժեքը կազմել է 54 միլիոն 19 հազար դրամ, որի 50 տոկոսը հատկացրել է ՀՀ կառավարությունը, 50 տոկոսը՝ Սեւանի համայնքապետարանը։ Շինարարական աշխատանքները մեկնարկել են 2022 թվականի սեպտեմբերին եւ ավարտվել նույն տարվա նոյեմբեր ամսին։ Ծրագրի իրականացման արդյունքում Զովաբերի 7-րդ փողոցն ասֆալտապատվել է 750 գծամետր երկարությամբ եւ 3762 քառակուսի մետր մակերեսով։ Զովաբերի արտաքին լուսավորության ցանցի կառուցման ծրագրի պայմանագրային արժեքը կազմել է 7 միլիոն 967 հազար դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Սեւանի համայնքապետարանը։...
Հունիսի 13-ին Գեղարքունիքի մարզպետի աշխատակազմի վարչական շենքում քննարկվեց մարզի համայնքների եւ «Սևան Ազգային պարկ»-ի միջեւ առկա հիմնախնիրների կարգավորման հարցը։ Քննարկումը վարեցի ՀՀ Կադաստրի պետական կոմիտեի նախագահ Սուրեն Թովմասյանի հետ, որին մասնակցեցին ՄԱԶԾ EU4Sevan ծրագրի համակարգող Աստղիկ Դանիելյանը, Մարտունի համայնքի ղեկավար Հովհաննես Հովեյանը, Վարդենիս համայնքի ղեկավար Ահարոն Խաչատրյանը, Գավառ համայնքի ղեկավարի առաջին տեղակալ Գրիգոր Դաշտոյանը, «Սևան ազգային պարկի տնօրենի տեղակալ Արայիկ Հունանյանը, Ճամբարակի եւ Սեւանի համայնքապետարանների ստորաբաժանումների ղեկավարներ, ՀՀ Շրջակա միջավայրի նախարարաթյան Բնության հատուկ պահպանվող տարածքների և կենսաբազմազանության քաղաքականության վարչության գլխավոր մասնագետ Հակոբ Մաթևոսյանը, ՀՀ ԳԱԱ Բուսաբանության ինստիտուտի գիտաշխատող, կառավարման պլանավորման թիմի համակարգող Մաթեւոս Նալբանդյանը և այլ աշխատակիցներ։ Նշեմ, որ քննարկվող թեման չափազանց կարեւոր է համայնքների եւ «Սևան ազգային պարկ»-ի միջև առաջացած եւ տարիներ ի վեր․․․
Կայացավ մարզային զորակոչային հանձնաժողովի հերթական նիստը 12.06.2023
Հունիսի 12-ին Գեղարքունիքի մարզպետ, Գեղարքունիքի մարզի զորակոչային հանձնաժողովի նախագահ Կարեն Սարգսյանն անցկացրեց 2023 թվականի ամառային զորակոչի մարզային զորակոչային հանձնաժողովի առաջին նիստը, որին մասնակցում էին զորակոչային հանձնաժողովի բոլոր անդամները։ Նիստին մասնակցեցին ՀՀ ՆԳ նախարարության ոստիկանության Գեղարքունիքի մարզային վարչության պետ Արթուր Զոհրաբյանը, ՀՀ ՊՆ Զ և ԶՀԾ Գեղարքունիքի մարզային ստորաբաժանման պատասխանատու աշխատակիցներ։ Օրակարգում քննարկվեցին 2023 թվականի ամառային զորակոչի նախապատրաստական փուլերին, զորակոչին ներգրավված կազմակերպությունների հետ համագործակցություն ծավալելուն ուղղված հարցեր։ ՀՀ ՊՆ Զ և ԶՀԾ Գեղարքունիքի մարզային ստորաբաժանման կողմից ներկայացվեցին մարտական իրավիճակներում զոհվածների ընտանիքների՝ զորակոչի ենթակա անդամների տարկետմանը վերաբերող հարցեր, առաջարկություններ արվեցին վարժական հավաքների ընթացքում ի հայտ եկած խնդիրների լուծման ուղղությամբ։ Զորակոչային հանձնաժողովի նիստի ընթացքում քննարկված բոլոր հարցերի վերաբերյալ Գեղարքունիքի մարզպետի կողմից տրվեցին համապատասխան հանձնարարականներ։ 2023 թվականի ամառային զորակոչը կմեկնարկի հունիսի 26-ից։
Գեղարքունիքի մարզպետ Կարեն Սարգսյանն անցկացրեց աշխատանքային խորհրդակցություն 12.06.2023
Հունիսի 12-ին Գեղարքունիքի մարզպետ Կարեն Սարգսյանն աշխատանքային հերթական խորհրդակցությունն անցկացրեց մարզպետի աշխատակազմի կառուցվածքային ստորաբաժանումների ղեկավարների հետ։ Գեղարքունիքի մարզում այս պահի դրությամբ միջգերատեսչական հանձնաժողովի կողմից հաստատվել է 22 սուբվենցիոն ծրագիր` իր 135 ենթածրագրերով, իսկ 19 սուբվենցիոն ծրագրեր 108 ենթածրագրերով գտնվում են մրցութային փուլում։ Մարզում առկա 54 ԲՄԿ-ներից, հունիսի 9-ի դրությամբ, 36 ԲՄԿ-ների օգտագործվող տարածքների համար արդեն կնքվել են պայմանագրեր, իսկ 18 ԲՄԿ-ների ուղղությամբ աշխատանքներն ընթացքի մեջ են։ Արդեն ներկայացվել են նախագծեր՝ մարզային ենթակայության կրթական հաստատությունները վառարանային ջեռուցումից այլ տեսակի ջեռուցման անցնելու աշխատանքների ուղղությամբ։ Ընթացքի մեջ են մարզային ենթակայության թվով 7 ուսումնական հաստատությունների շենքերի պետական գրանցման և վկայականների ձեռքբերման աշխատանքները։ Մարզի համայնքներում ընթանում են փողոցների գծանշման և փոսային նորոգման աշխատանքներ։․․․
