Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետ Կարեն Սարգսյանն աշխատանքային այցի շրջանակներում եղավ Մարտունի համայնքի Ծովինար գյուղի նորաստեղծ ագրոանտառում, որտեղ «EU4Sevan» ծրագրի համակարգող Վարազդատ Սարգսյանի, Մարտունի համայնքի ղեկավար Հովհաննես Հովեյանի, Ծովինարի վարչական ղեկավար Արայիկ Թարփոշյանի և գյուղի բնակիչների հետ քննարկեց ագրոանտառի ապագա կարգավիճակի և կառավարման հետ կապված հարցեր։ Ծովինար գյուղի հարավային բարձունքի վրա «EU4Sevan» ծրագրի տրամադրած միջոցների շնորհիվ 2022 թվականին հիմնվել է ագրոանտառ, որը զբաղեցնում է 3 հեկտար տարածք։ Այն տնկվել է դեգրադացված վարելահողերում։ Ծրագրի իրականացման ընդհանուր բյուջեն կազմում է մոտ 26 միլիոն դրամ։ Այն իրականացվելու է մինչև 2024 թվականը, որից հետո հանձնվելու է համայնքի կառավարմանը։ Այժմ ակտիվ քննարկումներ են կազմակերպվում համայնքի, դպրոցի, Գեղարքունիքի մարզպետի աշխատակազմի և բնակիչների հետ՝ ագրոանտառի կայուն կառավարման լավագույն մեխանիզմը ներդնելու համար: Այստեղ տնկվել են հիմնականում անտառային պտղատու ծառատեսակներ և թփեր՝․․․
ՀՀ Գեղարքունիքի մարզպետ Կարեն Սարգսյանի համապատասխան որոշմամբ 2023-2024 ուսումնական տարվա մեկնարկի առթիվ սոցիալական աջակցություն է տրամադրվել Գեղարքունիքի մարզի բազմազավակ խիստ անապահով ընտանիքների դպրոցահասակ երեխաներին։ Մարզի համայնքներից տրամադրած տվյալների համաձայն մարզում հաշվառվել են նման չափորոշիչներին համապատասխանող 136 ընտանիքներ, որտեղ հաշվառվել են 478 դպրոցահասակներ։ Գեղարքունիքի մարզպետի աշխատակազմի տնտեսագիտական դասակարգման «Այլ նպաստներ բյուջեից» հոդվածով նախատեսված միջոցներից հատկացվել է 7 միլիով 170 հազար դրամ, որի շրջանակներում յուրաքանչյուր դպրոցականի հաշվով տրամադրվել է 15 հազար դրամ։ Բաշխումը կատարվել է Գեղարքունիքի մարզպետի աշխատակազմի առողջապահության և սոցիալական ոլորտի հարցերի վարչության միջոցով։
Գեղարքունիքի մարզպետ Կարեն Սարգսյանը Մարտունի համայնքի ղեկավար Հովհաննես Հովեյանի հետ Աստղաձոր գյուղում դիտարկեց մանկապարտեզի և խմելու ջրատարի կառուցման աշխատանքների ընթացքը։ Մարզպետի կողմից անցկացվող մշտադիտարկման առաջին կանգառը Աստղաձորի մանկապարտեզի նորակառույց շենքի շինհրապարակում էր, որտեղ ՀՀ պետբյուջեի միջոցներով 2022 թվականի նոյեմբերից, ՀՀ քաղաքաշինության կոմիտեի պատվիրատվությամբ, մեկնարկել է 144 տեղանոց մսուր-մանկապարտեզի շենքի կառուցումը։ Ծրագրի իրականացման պայմանագրային արժեքը կազմում է շուրջ 1 միլիարդ դրամ։ Շինարարությունը նախատեսված է ավարտվել 2023 թվականի դեկտեմբերին։ Մշտադիտարկման հաջորդ կանգառն Աստղաձորի խմելու ջրատարի ներքին ցանցի կառուցման շինհրապարակում էր, որտեղ շինարարական աշխատանքներն ընթանում են ՀՀ կառավարության կողմից 2023 թվականին իրականացվող սուբվենցիոն ծրագրերի շրջանակներում։․․․ ․․․
Փրկարար ծառայության աշխատակիցները խրախուսվեցին Գեղարքունիքի մարզպետի շնորհակալագրով 08.09.2023
ՀՀ ՆԳՆ Փրկարար ծառայության աշխատակիցների օրվա առթիվ Գեղարքունիքի մարզպետ Կարեն Սարգսյանն ընդունեց, շնորհավորեց և արտակարգ իրավիճակներում ծառայողական պարտականությունները պատշաճ ու բարեխիղճ կատարելու համար ՀՀ ՆԳՆ փրկարար ծառայության Գեղարքունիքի մարզային վարչության 14 փրկարարների խրախուսեց ՀՀ Գեղարքունիքի մարզպետի շնորհակալագրով։ Գեղարքունիքի մարզպետը կարևորեց փրկարար ծառայության դերը հանրային կյանքում և իր երախտագիտությունը հայտնեց փրկարարներին՝ սահմանային միջադեպերի ընթացքում և արտակարգ իրավիճակների ժամանակ արագ արձագանքելու, ազգաբնակչությանն ամենօրյա ծառայություն մատուցելու համար։ Կարեն Սարգսյանը նշեց, որ մշտապես պատրաստակամ է լինել կառույցի կողքին և անհրաժեշտության դեպքում ցուցաբերել համապատասխան աջակցություն։ Փրկարար ծառայության Գեղարքունիքի մարզային վարչության պետ Գևորգ Գալստյանը փրկարարների անունից շնորհակալություն հայտնեց Գեղարքունիքի մարզպետ Կարեն Սարգսյանին՝ մշտապես իրենց կողքին լինելու և նման ուշադրության արժանացնելու համար։
ՀՀ կառավարության աջակցությամբ իրականացվող ծրագրերի իրազեկում 07.09.2023
Ի կատարումն ՀՀ կառավարության հանձնարարականի և ՀՀ Գեղարքունիքի մարզպետի որոշման՝ մարզպետի աշխատակազմում ստղծվել է աշխատանքային խումբ, որի անդամները 2023 թվականի սեպտեմբերի 5-ին Գավառ համայնքում հանդիպել են շահագրգիռ գյուղացիական և ֆերմերային տնտեսությունների առանձին գյուղացիների ու տնտեսավարողների հետ, ովքեր զբաղվում են անասնապահությամբ: Տնտեսվարողներին ներկայացվել է փոքր և միջին «խելացի» անասնաշենքերի կառուցման կամ վերակառուցման և դրանց տեխնոլոգիական ապահովման աջակցության ծրագրի իրագործման ձևերի ու հնարավորությունների մասին, ցուցաբերվել աջակցություն՝ այդ ծրագրից օգտվելու կարգի վերաբերյալ: Գավառ համայնքում հանդիպմանը մասնակցում են 45 տնտեսավարողներ․․․
Գեղարքունիքի մարզպետ Կարեն Սարգսյանը կատարեց քաղաքացիների ընդունելություն 06.09.2023
Սեպտեմբերի 6-ին Գեղարքունիքի մարզպետ Կարեն Սարգսյանը մարզպետի աշխատակազմի վարչական շենքում կատարեց քաղաքացիների ընդունելություն, որին ցուցակագրված քաղաքացիների զգալի մասը դիմեց ֆինանսական աջակցություն ստանալու նպատակով։ Որոշ քաղաքացիներ էլ դիմեցին աշխատանքի տեղավորման, առողջական խնդիրների կարգավորման, ուսանողի ուսման վարձավճարի մասնակի աջակցության, խնամակալ ճանաչվելու և սահմանված լիազորությունից օգտվելու, ինչպես նաև անձնական բնույթի խնդիրներով։ Գեղարքունիքի մարզպետը դիմումների հիմնական մասին տվեց բավարարող պատասխաններ։ Լրացուցիչ ուսումնասիրության ենթակա դիմումներին պատասխան կտրվի օրենքով սահմանված կարգով և ժամկետում։
