Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ կառավարությունը 334 միլիոն դրամ է հատկացրել Գեղարքունիքի մարզի երեք սուբվենցիոն ծրագրերի համար 23.02.2023
ՀՀ կառավարության 2023 թվականի փետրվարի 23-ի հերթական նիստում որոշում է կայացվել 334 միլիոն դրամ հատկացնել Գեղարքունիքի մարզի Գավառ համայնքի Գավառ բնակավայրի կենտրոնական հրապարակում շատրվանային համակարգի տեղադրման, Զոլաքար բնակավայրի մանկապարտեզի շենքի կառուցման և տարածքի բարեկարգման և Ճամբարակ համայնքի Ճամբարակ բնակավայրի Սեպտեմբերի 21/2, Գարեգին Նժդեհի 103, Բաղրամյան 13, Տիգրան Մեծի 7,9,11,13,14,15 և 30 բազմաբնակարան շենքերի բակերի՝ ընդհանուր հաշվով 7 հազար քառակուսի մետր մակերեսով հատվածի ասֆալտապատման համար։
Գեղարքունիքի մարզի ճանապարհներին իրականացվում են մաքրման եւ մշակման աշխատանքներ 22.02.2023
Փետրվարի 22-ի գիշերային ժամերի ընթացքում Գեղարքունիքի մարզում գրանցվել են ուժեղ քամիներ, իսկ բարձրլեռնային գոտիներում՝ ձնաբքեր, ինչի հետեւանքով որոշ հատվածներում դժվարանցանելի վիճակ է առաջացել ճանապարհատրանսպորտային երթեւեկության համար։ Բքերի եւ ցածր տեսանելիության պատճառով դժվարանցանելի վիճակ է ստեղծվել Վարդենյաց լեռնանցքում, Շատվան-Նորաբակ, Վերին Գետաշեն-Մադինա ավտոճանապարհներին։ Սպասարկող կազմակերպությունների կողմից իրականացված աշխատանքների շնորհիվ հաջողվել է նշյալ ուղղություններում ապահովել ճանապարհների անցանելիությունը, որտեղ այժմ կատարվում են նաեւ լայնացման աշխատանքներ։․․․
Հայաստանի Հանրապետության Գեղարքունիքի մարզպետարանի և Ֆրանսիայի Հանրապետության Իզերի դեպարտամենտի միջև գործող ապակենտրոնացված համագործակցության շրջանակներում, մշակութային առանցքով, փետրվարի 21-ին ֆրանսիական Սաթէ – Աթղը թատերական միությունը Գեղարքունիքի մարզի Լևոն Քալանթարի անվան պետական դրամատիկական թատրոնում ներկայացրեց ժամանակակից ֆրանսիացի դրամատուրգ Ժոել Պոմրայի «Երկու Կորեաների վերամիավորումը» և «Այդ երեխան» պիեսների հիման վրա բեմադրված «Ուրիշները» ներկայացումը։ ․․․
Գեղարքունիքի մարզպետարանի կողմից Սևանի համայնքապետարանում կատարվեց քաղաքացիների ընդունելություն 22.02.2023
Համաձայն ՀՀ Գեղարքունիքի մարզպետի 2019 թվականի ապրիլի 8-ի թիվ 302-Ա որոշմամբ սահմանված կարգի՝ փետրվարի 22-ին Գեղարքունիքի մարզպետի տեղակալ Ռուբիկ Նավոյանը Սևանի համայնքապետարանում կատարեց քաղաքացիների ընդունելություն, որին մասնակցեցին 16 քաղաքացիներ: Ընդունելության մասնակիցների հիմնական մասը սոցիալ-տնտեսական տարբեր խնդիրների կարգավորման նպատակով դիմում ներկայացրեց՝ մարզպետարանից դրամական աջակցություն ստանալու նպատակով։ Երկու քաղաքացի դիմեցին ընտանեկան նպաստի համակարգից օգտվելու, երեք քաղաքացի՝ բուժման կամ վիրահատության մեկնելու, մեկ քաղաքացի՝ տնամերձ հողամասի ձեռքբերման, մեկ քաղաքացի՝ բնակարանի սեփականության իրավունքի ձեռքբերման և մեկ քաղաքացի՝ աշխատանքի տեղավորման խնդրանքով։
ՀՀ Պաշտպանության նախարարության շնորհակալագրով են պարգեւատրվել երեք բնակիչներ 21.02.2023
Փետրվարի 20-ին Գեղարքունիքի մարզպետի տեղակալ Վահան Զարոյանը քաղաքացիներ՝ Վահան Գրիգորյանին, Հովհաննես Ավետիսյանին եւ Ջոն Պողոսյանին հանձնեց ՀՀ պաշտպանության նախարարության շնորհակալագրերը՝ Հայոց բանակի նկատմամբ հոգածություն ցուցաբերելու համար։ «Շնորհակալ եմ Ձեզ ՀՀ Պաշտպանության նախարարության հետ համագործակցության եւ ընդհանրապես Հայոց բանակի նկատմամբ հոգածու ուշադրության համար։ Պատմական այս փուլում ոչ միայն Պաշտպանության նախարարի, կառույցների, այլ նաեւ տեղական ինքնակառավարման մարմինների, անհատների առաջին խնդիրը պիտի լինի առավել ուժեղ, պաշտպանված Հայաստանն ու Արցախը։․․․
Գեղարքունիքի մարզում փակ ճանապարհներ չկան 21.02.2023
Փետրվարի 20-ի լույս 21-ի գիշերը Գեղարքունիքի մարզի Սեւանի տարածաշրջանում տեղացած ձյան եւ ուղեկցվող ուժեղ բքի պատճառով ճանապարհատրանսպորտային երթեւեկության համար դժվարանցանելի իրավիճակ է ստեղծվել Սեւան-Ծաղկունք-Զովաբեր, Ծովագյուղ-Սեմյոնովկա ավտոճանապարհներին եւ Մ-14-Ծովագյուղ 1-2 կիլոմետր ճանապարհահատվածում: Գավառի եւ Ճամբարակի տարածաշրջաններում ձյան տեղումները սկսվել են փետրվարի 21-ի առավոտյան ժամերին, իսկ ճանապարհները հիմնականում գտնվում են անցանելի վիճակում: Մարտունի-Երանոս հատվածում տեղացած ձյան շերտը կազմել է 5 , Վարդենյաց լեռնանցքում՝ 15-20 սանտիմետր: Այստեղ տեղացաձ ձյունն ուղեկցվել է ուժեղ բքերով, գրանցվել է ցածր տեսանելիություն:․․․
