Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
2023 թվականի մայիսի 12-19-ն ընկած ժամանակահատվածում Գեղարքունիքի մարզում գրանցվել է կորոնավիրուսով վարակվածների 1 նոր դեպք ։ Փաստացի արտահիվանդանոցային բուժում է ստանում 1 պացիենտ։ Բուժման արդյունքում գրանցվել է 649 առողջացած։ Կորոնավիրուսային հիվանդության ախտորոշման նպատակով կատարվել է 68 թեստավորում։ 2022թ․ օգոստոսի 1-ից - 2023թ․ մայիսի 19-ն ընկած ժամանակահատվածում Գեղարքունիքի մարզային ենթակայության առողջապահական հիմնարկների կողմից գրանցվել է 651 Covid-19-ի դրական դեպք (1 մահվան դեպք):
ՀՀ Պաշտպանության նախարարությունը հայտարարում է ընդունելություն 18.05.2023
ՀՀ Զինված Ուժերի հատուկ նշանակության զորքերի նոր կազմավորվող ստորաբաժանումները համալրելու նպատակով ՀՀ Պաշտպանության նախարարությունը հայտարարում է ընդունելություն: Պայմաններն են՝ Զինծառայողների և նրանց ընտանիքի անդամների համար օրենքով նախատեսված բոլոր արտոնություններից օգտվելու հնարավորություն: Զինծառայողների և նրանց ընտանիքի անդամների անվճար և որակյալ բուժսպասարկում: Ծառայության վայրին մոտ բնակարանի վարձակալության գումարի փոխհատուցում: Բարձր աշխատավարձ, ինչպես նաև ընթացիկ ատեստավորումների արդյունքում դրա կրկնակի բարձրացում: Ծառայությունը շաբաթական 5 օր, ժամը 09:00-15:30: Ծառայության հնարավորությունը ՀՀ տարբեր մարզերում՝ Սյունիք, Լոռի, Գեղարքունիք, ք. Երևան: Ներկայացվող պահանջներն են՝ Կարող են դիմել մինչև 40 տարեկան արական սեռի ՀՀ քաղաքացիները: Դիմորդները պետք է ունենան առողջական և ֆիզիկական լավ տվյալներ: Չունենան չմարված դատվածություն, չլինեն քրեական հետապնդման մեջ: Պայմանագրի կնքում 1-ից 5 տարի ժամկետով:․․․
«Քո արվեստը դպրոցում» ծրագիրը Գեղարքունիքի մարզում էր 18.05.2023
«Քո արվեստը դպրոցում» ծրագիրը նպատակ ունի իրականացնելու Հայաստանի անվանի մշակութային գործիչների, արվեստագետների կյանքի ու գործունեության ճանաչելիության բարձրացմանն ուղղված միջոցառումներ։ Հանդիպում-դասախոսությունների ընթացքում ներկայացվում են հայ արդի արվեստագետներն ու մշակութային գործիչները։ Ընտրված խորագրային թեմաների օգնությամբ բացահայտվում են արվեստի պատմությանը, նպատակներին ու խնդիրներին առնչվող ուշագրավ փաստեր ու տեղեկություններ։ «Քո արվեստը դպրոցում» ծրագիրը Գեղարքունիքի մարզում մեկնարկեց 2023 թվականի մայիսի 15-ին: Գավառի Լ. Քալանթարի անվան դրամատիկական թատրոնում տեղի ունեցավ հանդիպում Երևանի պետական տիկնիկային թատրոնի դերասանուհի Տաթևիկ Մելքոնյանի հետ, որին մասնակցեցին Գավառ համայնքի 23 հանրակրթական ուսումնական հաստատությունների շուրջ 300 աշակերտներ: Դերասանուհին աշակերտներին ներկայացրեց տիկնիկային թատրոնի, տիկնիկների հետ աշխատելու ․․․
Մայիսի 18-ը՝ Թանգարանների միջազգային օրն է 17.05.2023
2023 թվականի մայիսի 18-ին նշվելու է Թանգարանների միջազգային օրը, իսկ մայիսի 20-ին` «Թանգարանների գիշեր» համաեվրոպական միջոցառումը, որը մեկնարկել է դեռևս 2005 թվականից Ֆրանսիայի մշակույթի նախարարության նախաձեռնությամբ: Գեղարքունիքի մարզում գործող թանգարանները՝ Թանգարանների միջազգային օրվա առթիվ նախապատրաստել են հետևյալ միջոցառումները․ Գեղարքունիքի երկրագիտական թանգարան, Գավառ քաղաք Մայիսի 18 11:00- 16:00 - Բացօթյա ցուցադրություն, կցուցադրվեն ազգային-ազգագրական իրեր 14:00-Ցուցադրության բացում՝ «Գավառ քաղաքի շնորհալիները» խորագրով, կցուցադրվեն Գավառ քաղաքի արվեստանոցի սաների ձեռքի աշխատանքները Մայիսի 20 11:00- 18:00 - Բացօթյա ազգագրական ցուցադրություն՝ թանգարանի մուտքի մոտ 11:00- 24:00 - Հիﬓական ցուցադրություն Մարտունու պատկերասրահ ՀԱՊ-ի մասնաճյուղ Մայիսի 18 11:00- 18:00 -Հիﬓական ցուցադրություն Մայիսի 20 11:00- 24:00-Հիﬓական ցուցադրություն 13:00-Կրթական ծրագիր՝ Մարտունու գեղարվեստի դպրոցի սաների մասնակցությամբ 15:00-Հաﬔրգային ծրագիր՝ Մարտունու երաժշտական դպրոցի պատանի ստեղծագործողների մասնակցությամբ։
2023 թվականի մայիսի 15-ին ՀՀ տարածքային կառավարման և ենթակառուցվածքների նախարարության պատվերով հայտարարվել է մրցույթ՝ ՀՀ Արարատի մարզի Ուրցաձոր բնակավայրից դեպի Գեղարքունիքի մարզի Մարտունի քաղաք տանող ավտոճանապարհի կառուցման աշխատանքների նախագծերի պատրաստման և ծախսերի գնահատման ծառայությունների ձեռքբերման նպատակով: Ծառայությունների ձեռքբերման նախահաշվային արժեքը կազմում է 122 միլիոն դրամ: Մեկնարկվող նախագիծը ռազմավարական կարևոր նշանակություն ունի Գեղարքունիքի և Արարատի մարզերի տնտեսությունների համար: Կառուցվող ավտոճանապարհի շահագործման դեպքում Արարատյան դաշտավայրն ամենակարճ ճանապարհով կապվելու է Սևանա լճի ավազանին՝ գործող ճանապարհը կրճատելով ․․․
Սևանա լիճ բաց թողնվեց 130 հազար հատ մանրաձուկ 15.05.2023
Գեղարքունիքի մարզի Վարդենիս համայնքի Կարճաղբյուր գյուղի՝ «Սևանի իշխան» ՓԲԸ ձկնաբուծական գործարանից Սևանա լիճ բաց թողնվեց Սևանի իշխանի «Գեղարքունի» ենթատեսակի 11 գրամ քաշով 130 հազար հատ մանրաձուկ Միջոցառմանը մասնակցեցին Գեղարքունիքի մարզպետ Կարեն Սարգսյանը, ՀՀ Շրջակա միջավայրի նախարար Հակոբ Սիմիդյանը, փոխնախարար Արամ Մեյմարյանը, «Սևան Ազգային պարկ»-ի տնօրեն Կարեն Մնացականյանը, «Սևանի իշխան» ՓԲԸ տնօրեն Տիգրան Վարդանյանը, «Սևանի իշխանի պաշարների վերականգնման և ձկնաբուծության զարգացման հիմնադրամի» տնօրեն Դավիթ Շանոյանը։ Մանրաձուկը բաց թողնվեց Կարճաղբյուր գյուղի տարածքում: Ընկերությունն այս տարի ծրագրել է Սևանա լիճ բաց թողնել Սևանի իշխանի Գեղարքունի ենթատեսակի 230 հազար հատ մանրաձուկ, որից շուրջ 130 հազարը արդեն իսկ բաց թողնվեց, իսկ մնացած 100 հազարը բաց կթողնվի մինչև տարեվերջ։
