Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզում ճանապարհներն անցանելի վիճակում են 31.03.2023
Գեղարքունիքի մարզում 2023 թվականի մարտի 31-ի առավոտվանից շարունակվում են ձյան տեղումները։ Մարզի միջպետական, հանրապետական ու մարզային նշանակության ավտոճանապարհներին առայժմ ձնածածկույթ կամ մերկասառույց չի ձեւավորվել, ժամը 18-ի դրությամբ բոլոր ճանապարհները, այդ թվում եւ Վարդենյաց լեռնանցքը, բաց եւ երթեւեկելի են տրանսպորտային միջոցների համար։ Ձյան շերտը, 5-10 սանտիմետր հաստությամբ, առկա է ճանապարհների կողնակներում։ Ճանապարհաշինական կազմակերպությունները, ելնելով անհրաժեշտությունից, որոշակի հատվածներում իրականացնում են մաքրման եւ մշակման աշխատանքներ։
ՈՒՇԱԴՐՈՒԹՅՈՒՆ Հիդրոօդերևութաբանության և մոնիթորինգի կենտրոնը տեղեկացնում է 30.03.2023
Մարտի 30–ին, 31-ին Սկանդինավիայի շրջաններից արկտիկական ցուրտ օդային հոսանքների ներթափանցմամբ պայմանավորված՝ օդի ջերմաստիճանը հանրապետության տարածքում մարտի 29-ի համեմատ, 30-ի ցերեկը կնվազի 5-6, 31-ին և՛ գիշերը, և՛ ցերեկը՝ ևս 6-8, ապրիլի 1-ի գիշերը՝ ևս 3-6 աստիճանով։ Մարտի 30-ին առանձին շրջաններում, 31-ին և ապրիլի 1-ին շրջանների մեծ մասում սպասվում են տեղումներ։ Մարտի 31-ի երեկոյան և ապրիլի 1-ին ծովի մակերևույթից հաշված 1200մ և ավելի բարձրություններում՝ ձյան տեսքով։ Մարտի 30-ի ցերեկը, մարտի 31-ին, ապրիլի 1-ի գիշերը շրջանների զգալի մասում, ապրիլի 2-ի և 3-ի ցերեկն առանձին շրջաններում սպասվում են տեղումներ, մարտի 30-ին լեռնային, 31-ին լեռնային և նախալեռնային շրջաններում՝ ձյան տեսքով։ Ապրիլի 2-ի և 3-ի գիշերը, 4-ին սպասվում է առանց տեղումների եղանակ: Առանձին հատվածներում՝ մառախուղ։․․․
ՀՀ կրթության, գիտության, մշակույթի և սպորտի նախարարությունը տեղեկացնում է 29.03.2023
2023 թվականից սկսած՝ կամավոր ատեստավորումն անցկացվում է 1-12-րդ դասարաններում դասավանդող բոլոր ուսուցիչների համար Կամավոր ատեստավորմանը կարող են մասնակցել նաև՝ մինչև երեք տարեկան երեխայի խնամքի համար արձակուրդում գտնվող ուսուցիչը, նախնական (արհեստագործական) և միջին մասնագիտական կրթական ծրագրեր իրականացնող ուսումնական հաստատությունում հանրակրթական առարկաներ դասավանդող մասնագետները, ուսումնական հաստատություններում դասավանդող միջին մասնագիտական որակավորմամբ ուսուցիչները: Ատեստավորմանը մասնակցելու համար ուսուցիչները հայտերը ներկայացնում են Կրթության կառավարման տեղեկատվական համակարգի էլեկտրոնային մատյանում (matyan.emis.am) մինչև հուլիսի 15-ը՝ ժամը 18:00-ն, և ստանում հաղորդագրություն՝ հայտն ընդունված լինելու վերաբերյալ:․․․
Գեղարքունիքի մարզպետ Կարեն Սարգսյանը քաղաքացիների ընդունելություն անցկացրեց Ճամբարակ համայնքում 29.03.2023
Կարեն Սարգսյան / Karen Sargsyan Մարտի 29-ին քաղաքացիների ընդունելություն կատարեցի Ճամբարակ համայնքում։ Ընդունելության եկած 39 քաղաքացիներից 23-ը դիմեցին դրամական աջակցության, 7-ը՝ պետպատվերի շրջանակներում բուժում կամ համապատասխան դեղորայք ստանալու, 9-ը՝ բազմաբնակարան շենքի ծխատարների կարգավորման, վառելիքի ձեռքբերման, ուսման վարձի փոխհատուցման, բնակարանի տանիքի նորոգման, հողամասի սեփականաշնորհման, վագոն-տնակի նորոգման, բնակարանի գազաֆիկացման, բնակարանի ձեռքբերման, կացարանի տրամադրման հետ կապված խնդիրներով։ Դրամական աջակցության համար դիմած քաղաքացիների խնդրանքը բավարարվեց տեղում, իսկ մնացած դիմումները գրանցվեցին եւ վերցվեցին հաշվառման, որոնց պատասխանը կտրվի անհրաժեշտ ուսումնասիրությունից հետո, օրենքով սահմանված կարգով եւ ժամկետներում։
ՀՀ կառավարության կողմից 2022 թվականին Գեղարքունիքի մարզում իրականացված սուբվենցիոն ծրագրերի ամփոփում 28.03.2023
Գեղարքունիքի մարզի Ճամբարակ քաղաքում 2022 թվականին իրականացվել է սուբվենցիոն 10 ծրագիր, որոնց արդյունքում ասֆալտապատվել են բազմաբնակարան 10 շենքերի բակային տարածքները, հիմնանորոգվել Գարեգին Նժդեհ-21 եւ Տիգրան Մեծ-4 բազմաբնակարան շենքերի տանիքները, Բաբաջանյան փողոցում իրականացվել են ասֆալտապատման, սալարկման եւ ջրահեռացման աշխատանքներ, կառուցվել է Նարեկացի փողոցը վերին Ճամբարակ թաղամասին կապող հետիոտնային ճանապարհ, հիմնանորոգվել է թիվ 5 մանկապարտեզի առաջին հարկը, լուսավորության ցանց է կառուցվել Ճամբարակ քաղաքի 7 փողոցներում, վերակառուցվել է Վերին Ճամբարակ թաղամասի խմելու ջրատարների ներքին եւ արտաքին ցանցերը, կառուցվել է Արցախյան 44-օրյա պատերազմի զոհերին նվիրված հուշահամալիր, բարեկարգվել քաղաքային կենտրոնական զբոսայգին։․․․
ՀՀ Գեղարքունիքի մարզպետ Կարեն Սարգսյանի շնորհավորական ուղերձը՝ Թատրոնի միջազգային օրվա առթիվ 27.03.2023
Սիրելի հայրենակիցներ, Թատրոնն արվեստի կարեւորագույն եւ սիրված ճյուղերից է, որը մարդկությանն ուղեկցել է հազարամյակների ընթացքում եւ այսօր էլ մնում է մեր կյանքի պահանջված ու գնահատված արժեքներից մեկը՝ սերունդներին դաստիարակելով համամարդկային, համազգային ու գեղագիտական գաղափարներով, մերձեցնելով տարբեր ազգերի մշակույթները։ Հայաստանում թատերական արվեստի զարգացմանը ծառայել են ինչպես արքունի, այնպես էլ ժողովրդական շրջիկ թատրոնները։ Ընդ որում, Արտաշատի թատրոնի գոյության մասին հիշատակություն կա հին հռոմեական պատմագրության մեջ, ըստ որի՝ այն գործել է Արտավազդ Երկրորդ թագավորի պալատում։ Մեր մարզում թատերական ավանդները սկզբնավորվել են Գավառ քաղաքում, ավելի քան մեկ դար առաջ, որոնք այժմ սիրով ու հաջողությամբ շարունակում են Գավառի Լ․Քալանթարի անվան պետական դրամատիկական թատրոնի դերասանները՝ հանդիսատեսին ներկայանալով բազմաբովանդակ ներկայացումներով ու հետաքրքիր ծրագրերով։...
