Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՄԱԶԾ «Կայուն համայնքներ» ծրագրերը կրկին մեկնարկում են 11.04.2023
+1000 փեթակ Հայաստանի համայնքներին․ «HONEY-MONEY» նախագիծն այս անգամ Գեղարքունիքի մարզի՝ Սոթք, Կութ, Ազատ և Նորաբակ բնակավայրերում մեկնարկում է «HONEY-MONEY» նախագիծը, որին կարող են մասնակցել վերընշված բնակավայրերի 18-50 տարեկան կանայք։ Նախագծի շրջանակներում կիրականացվի երկօրյա վերապատրաստման դասընթացներ, որի ավարտից հետո մասնակիցները կհանձնեն քննություն, և առավել բարձր միավոր հավաքած մասնակիցները կընտրվեն հաջորդ փուլ, որտեղ կիրականացվի կարիքների գնահատում, և համապատասխանելուց հետո սահմանված ժամանակացույցով կտրամադրվեն ժամանակակից դադան տեսակի պոլիուրեթանային փեթակներ։ Ծրագրին կարող են մասնակցել նաև 18-50 տարեկան Honey-Money նախագծի նախկին շահառու կանայք։ Մեղվափեթակները կտրամադրվեն հավասարապես, յուրաքանչյուրին՝ 2 մեղվափեթակ։․․․
Դասընթացի մասնակցության հրավեր 11.04.2023
ՀՀ Էկոնոմիկայի նախարարության Զբոսաշրջության կոմիտեի աջակցությամբ «Բի Էս Սի» Բիզնեսի Աջակցման Կենտրոնն իրականացնում է «Մարդկային ռեսուրսների զարգացմանն ուղղված դասընթացների կազմակերպում` ՀՀ մարզերում արկածային զբոսաշրջություն իրականացնողների համար» ծրագիրը՝ Գեղարքունիքի մարզի Սևան քաղաքում: Ծրագիրը պարունակում է տեսական և գործնական դասընթացներ, իսկ մասնակցությունն անվճար է: Ծրագրին կարող են դիմել այն անձինք, ովքեր ոլորտային գործունեություն են ծավալում կամ ցանկանում են ոլորտ մուտք գործել: Դասընթացի թեմաները ներառում են. ● արկածային զբոսաշրջության ոլորտի առանձնահատկությունները, ● ոլորտի միջազգային և հայաստանյան փորձառությունը, ● արկածային զբոսաշրջության տեսարժան վայրեր, ● երթուղիների և փաթեթների կազմում, ● խմբերի կառավարում: Մասնակիցները հնարավորություն կունենան. ● ձեռք բերելու ոլորտային գիտելիքներ և հմտություններ, ● ամրապնդելու գիտելիքները՝ պրակտիկ այցելությունների և աշխատանքների միջոցով, ● ստեղծելու նոր ծանոթություններ և կապեր, ● կիսելու իրենց փորձառությունը, ● կառուցելու ․․․
Հայրավանք և Բերդկունք գյուղերում մանկապարտեզի կառուցման սուբվենցիոն ծրագրի մրցույթը ավարտվել է 10.04.2023
Ապրիլի 10-ին Գեղարքունիքի մարզպետն անցկացրեց հերթական խորհրդակցությունը մարզպետի աշխատակազմի կառուցվածքային ստորաբաժանումների ղեկավարների հետ։ Հայրավանք և Բերդկունք գյուղերում մանկապարտեզի կառուցման սուբվենցիոն ծրագրի մրցույթը ավարտվել է, իսկ մնացած ծրագրերը դեռևս գտնվում են մրցութային փուլում: Ավարտվել է Գավառ համայնքի վարչական տարածքում ճանապարհային նշաններով կահավորելու և գծանշելու ենթակա համայնքային ավտոճանապարհների հատվածների գույքագրման գործընթացը: Մարզում ուժեղ քամիների հետևանքով վնասված Ծովագյուղի միջնակարգ դպրոցի տանիքի վերանորոգման աշխատանքների 80 %-ը ավարտվել Է: Ապրիլի 10-ին ՀՀ կառավարության կողմից ֆինանսական աջակցություն կստանան Ճամբարակի, իսկ մինչև շաբաթվա վերջ՝ Գավառի և Վարդենիսի այն շահառուները, որոնց ցանքատարածությունները մարզպետի աշխատակազմի և համայնքապետարանների կողմից ենթարկվել են մոնիտորինգի։...
«Հայաստան աշխարհի վրա թող սփռվի Հարության հրաշափառ լույսը» Կարեն Սարգսյան 08.04.2023
Ապրիլի 8-ին Գեղարքունյաց թեմի Գավառի Սուրբ Աստվածածին առաջնորդանիստ եկեղեցում, ձեռամբ Գեղարքունյաց թեմի առաջնորդական տեղապահ, Հոգեշնորհ Տ․ Պարթև վարդապետ Բարսեղյանի և աղոթակցությամբ Գեղարքունյաց թեմի հոգևոր դասի, մասնակցեցի մատուցված Ճրագալույցի Սուրբ և Անմահ Պատարագին, որով և սկսվեց զատկական տոնակատարությունը: Սիրելի՛ հայրենակիցներ Հայ Առաքելական եկեղեցին, համայն հայությունը նշում է Սուրբ Զատկի կամ Սուրբ Հարության տոնը, որը մեր եկեղեցու և ժողովրդի ամենամեծ և ամենասիրված տոներից մեկն է։ Սկզբնավորվելով հազարամյակների խորքից` այն հայ ժողովրդին համախմբել է հայրենի հավատի, ազգասիրական, մարդասիրական ու բնապաշտական գաղափարների շուրջ, դարձել հայ կյանքի, պատմության ու մշակույթի անբաժան մասը։...
Սիրելի՛ մայրեր, սրտանց շնորհավորում եմ ձեզ Մայրության և գեղեցկության տոնի կապակցությամբ: Հայ կնոջ համար ամենաբարձր կոչումը եղել ու մնում է մայրությունը, ուստի միայն մեր երկրում նշվող այս տոնը մեր մայրերին ու կանանց մեծարելու, մեր գնահատանքի ու երախտիքի խոսքերն ուղղելու ևս մեկ հրաշալի առիթ է: Հայերիս համար դարեր ի վեր կնոջ ամենաբարձր կոչումը եղել ու մնում է մայրությունը, որի հանդեպ խոնարհումը վերածվել է պաշտամունքի: Ու բնավ զարմանալի չէ, որ մայրության տոնը մենք նշում ենք Սբ. Մարիամ Աստվածածնի Ավետման օրը: Հազարամյակների մեր պատմության բոլոր վճռորոշ պահերին հայ կինն ապացուցել է, որ իր փխրուն ուսերին կարող է տանել բոլոր դժվարություններն ու ամենածանր պահերին սատար կանգնել ամուսնուն, հորը, եղբորն ու որդուն: Այսօր առանձնահատուկ շնորհավորում եմ այն մայրերին, որոնց որդիները հսկում և անառիկ են պահում մեր երկրի սահմանները, նաև գլուխ եմ խոնարհում այն մայրերի առջև, որոնց որդիներն անմահացան: Փորձության պահին մենք աներեր ենք և անպարտ` շնորհիվ մեր պաշտելի մայրերի․․․
Գեղարքունիքի մարզում արդեն երկրորդ օրն է՝ շարունակվում են Վազգեն Սարգսյանի անվան ռազմական համալսարանի պետ, գնդապետ Արթուր Երոյանի հանդիպումները մարզի ուսումնական հաստատությունների 12-րդ դասարանների աշակերտների հետ: Ապրիլի 7-ին հանդիպումները կայացան Մարտունիում, Գավառում և Սևանում։ Ըստ համայնքների՝ Մարտունուց հանդիպմանը մասնակցում էին շուրջ 500, Գավառից՝ շուրջ 350 և Սևանից՝ շուրջ 200 12-րդ դասարանի աշակերտներ, ինչպես նաև դպրոցների տնօրեններ և զինղեկներ։ Նշված հանդիպման նպատակը նույնն էր․ պատանիների մոտ խթանել հետաքրքրությունը ռազմական մասնագիտության նկատմամբ, բարձրացնել ռազմահայրենասիրական ոգին: Գնդապետ Երոյանը հանդիպումների մասնակիցներին ներկայացրեց համալսարանի ընդունելության նոր կարգը, ուսումնական ծրագրի բարեփոխումները, խոսվեց նաև այն առավելությունների մասին, որոնք նախատեսված են համալսարանի կուրսանտների և նրանց ընտանիքի անդամների համար:
