Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ Գեղարքունիքի մարզպետ Կարեն Սարգսյանի շնորհավորական ուղերձը Հարկ վճարողի օրվա առթիվ 19.04.2023
Հարգելի հայրենակիցներ 1992 թվականի ապրիլի 19-ին առաջին անգամ ընդունվել է «Հայաստանի Հանրապետությունում հարկերի մասին» ՀՀ օրենքը, որով մեր երկրում ձևավորվել են հարկային համակարգը, դրա սկզբունքները, հարկային պետական մարմին - հարկ վճարող հարաբերությունները: Իսկ 2021 թվականին որոշում է ընդունվել՝ ապրիլի 19-ը որպես Հարկ վճարողի օր սահմանելու մասին: Դժվար է պատկերացնել պետության գործունեությունը առանց հարկային քաղաքականության հայեցակարգի ներդրման և իրականացման, առանց հարկատուների քաղաքացիական պարտքի հստակ ու անթերի գիտակցման և կատարման։ Հայաստանի Հանրապետությունում 1992 թվականից ի վեր զարգացել և կատարելագործվել է ինչպես հարկային օրենսդրությունը, այնպես էլ՝ հարկային համակարգը և հարկային մարմին-հարկատու փոխհարաբերությունները, որոնք և նպատակաուղղվել են մեր երկրի կենսագործունեության ապահովմանը և․․․
Գանձակի թիվ 2 դպրոցում ինտենսիվ պտղատու այգի է հիմնվում 19.04.2023
Գեղարքունիքի մարզի Գավառ համայնքի Գանձակ գյուղի թիվ 2 միջնակարգ դպրոցի տարածքում, 2 հազար քառակուսի մետր մակերեսի վրա, ՄԱԿ-ի Պարենի համաշխարհային ծրագրի կողմից, Գեղարքունիքի մարզպետարանի հետ համագործակցությամբ, հիմնվում է ինտնեսիվ այգի՝ հակակարկտային ցանցերի, ոռոգման համակարգի տեղադրմամբ և 600 պտղատու ծառերի տնկմամբ։ Ինտենսիվ այգու հիմնմանը նվիրված միջոցառմանը և ծառատունկին մասնակցեցին Գեղարքունիքի մարզպետ Կարեն Սարգսյանը, մարզպետի աշխատակազմի անդամներ, ինչպես նաև ՄԱԿ-ի Պարենի համաշխարհային ծրագրի հայաստանյան գրասենյակի աշխատակիցները՝ գրասենյակի տնօրեն Նաննա Սկաուի ղեկավարությամբ: Միջոցառմանը մասնակցում էին նաև դպրոցի ողջ անձնակազմը և աշակերտները: Գանձակի թիվ 2 դպրոցում հիմնվող ինտենսիվ այգում տնկվելու են խնձորի, տանձի, սև սալորի և անփուշ մոշի ծառեր: Առաջին բերքը նախատեսվում է այս աշնանը: Բերքի մի մասը կօգտագործվի > ծրագրով, իսկ մյուս մասը հնարավոր կլինի վաճառել՝ դպրոցի այլ կարիքները բավարարելու նպատակով:․․․
Գեղարքունիքի մարզպետ Կարեն Սարգսյանն անցկացրեց աշխատանքային հերթական խորհրդակցությունը 17.04.2023
Ապրիլի 17-ին Գեղարքունիքի մարզպետն անցկացրեց հերթական խորհրդակցությունը մարզպետի աշխատակազմի կառուցվածքային ստորաբաժանումների ղեկավարների հետ։ Ներկայացվեց վերլուծական տեղեկատվություն համայնքների ղեկավարների կողմից ապառքների գանձման աշխատանքների և սուբվենցիոն ծրագրերի շրջանակներում շինարարական օբյեկտներում հայտնաբերված թերությունները վերացնելու ուղղությամբ կատարվող աշխատանքների ընթացքի վերաբերյալ: Ներկայացվեց վերլուծություն 2023 թ. -ին հաստատված սուբվենցիոն ծրագրերի և դրանց համար հայտարարված մրցույթների թվերի մասին. Միջգերատեսչական հանձնաժողովի կողմից հաստատված 10 ծրագրերից 5-ի մրցույթները հայտարարված են, իսկ մնացած 5-ը՝ ընթացքի մեջ են: Ճամբարակ համայնքին առաջարկվել է համայնքի բնակավայրերի ջրամատակարարման համակարգերի և կապտաժների կառուցման, քլորացման աշխատանքները ներառել համայնքի կողմից 2024 թ. -ի սուբվենցիոն ծրագրում:․․․
Ջիլ գյուղի դպրոցում անցկացվեց ուսումնավարժական պարապմունք 14.04.2023
Գեղարքունիքի մարզի Ճամբարակ համայնքի Ջիլ գյուղի միջնակարգ դպրոցում անցկացվեց ուսումնավարժական պարապմունք՝ «Տարածաշրջանին բնորոշ արտակարգ իրավիճակները, կանխարգելումը եւ քաղաքացիական պաշտպանության հիմնահարցերը» թեմայով։ Ուսումնավարժական պարապմունքը վարեց Գեղարքունիքի մարզպետի տեղակալ Ռուբիկ Նավոյանը ։ Ուսումնավարժական պարապմունքին մասնակցեցին Գեղարքունիքի մարզպետի աշխատակազմի, ՀՀ ՆԳՆ նախարարության Փրկարար ծառայության Գեղարքունիքի մարզային փրկարարական վարչության պատասխանատու աշխատակիցներ, Ջիլի միջնակարգ դպրոցի ուսուցիչներ եւ աշակերտներ ։ Ուսումնական վարժանքը բաղկացած էր երկու մասից` սեմինար պարապմունքից եւ գործնական վարժանքից ։ «Ազդարարում, տարհանում, պատսպարում եւ համայնքային խոցելիությունը քաղաքացիական պաշտպանության տեսանկյունից» թեմայով դասախոսություն կարդաց ՀՀ ՆԳ նախարարության Փրկարար ծառայության Գեղարքունիքի մարզային փրկարարական վարչության պետի տեղակալ Գարիկ Հակոբյանը։․․․
2023 թվականի ապրիլի 7-14-ն ընկած ժամանակահատվածում Գեղարքունիքի մարզում հաստատվել է կորոնավիրուսով վարակվածների 3 նոր դեպք։ Փաստացի արտահիվանդանոցային բուժում է ստանում 3 պացիենտ։ Բուժման արդյունքում գրանցվել է 644 առողջացած։ Կորոնավիրուսային հիվանդության ախտորոշման նպատակով կատարվել է 80 թեստավորում: 2022թ․ օգոստոսի 1-ից ապրիլի 14-ն ընկած ժամանակահատվածում Գեղարքունիքի մարզային ենթակայության առողջապահական հիմնարկների կողմից գրանցվել է 648 Covid-19-ի դրական դեպք (1 մահվան դեպք):
ՀՀ կառավարության կողմից 2022 թվականին Գեղարքունիքի մարզում իրականացված սուբվենցիոն ծրագրերի ամփոփում 13.04.2023
Գեղարքունիքի մարզի Մարտունի համայնքի Զոլաքար գյուղում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում կառուցվել է խմելու ջրատարի ներքին եւ գազատարի վերգետնյա ցանց։ Զոլաքարի խմելու ջրատարի ներքին ցանցի կառուցման պայմանագրային արժեքը կազմել է 119 միլիոն 760 հազար դրամ, որի 70 տոկոսը հատկացրել է ՀՀ կառավարությունը, 30 տոկոսը՝ Մարտունու համայնքապետարանը։ Ծրագրի իրականացման արդյունքում, մի քանի փողոցներում կառուցվել է խմելու ջրատարի ներքին ցանց՝ 8200 գծամետր երկարությամբ։ Ծրագիրն ավարտվել է 2022 թվականի դեկտեմբերին։ 2023 թվականի ծրագրով նախատեսված է հաշվիչների տեղադրում եւ տնային միացումներ, որից հետո մշտական խմելու ջրով կապահովվեն Զոլաքարի 270 տնտեսություններ։ Զոլաքարի գազատարի վերգետնյա ցանցի կառուցման ծրագրի պայմանագրային արժեքը...
