Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
«Իմունականխարգելման եվրոպական շաբաթ» միջոցառումը Գեղարքունիքի մարզում 30.04.2024
Ապրիլի վերջին շաբաթը եվրոպական ամբողջ տարածաշրջանում իրականացվել է «Իմունականխարգելման եվրոպական շաբաթ» միջոցառումը: Աշխարհի և եվրոպական տարածաշրջանի շահագրգիռ կառույցները, համախմբելով ուժերը, այս օրերին տարբեր հանդիպումների ընթացքում հատուկ ուշադրություն են դարձրել պատվաստումների կարևորությանը, վարակիչ հիվանդությունների կանխարգելման առավել արդյունավետ մեթոդներին: «Իմունականխարգելման եվրոպական շաբաթ» նախաձեռնության շրջանակներում Գեղարքունիքի մարզային ենթակայության առողջապահական հիմնարկների բուժաշխատողների կողմից իրականացվել են իմունականխարգելման, պատվաստումների միջոցով վարակիչ հիվանդությունների կանխարգելման մասին իրազեկման միջոցառումներ: Բուժաշխատողները հանդիպումներ են ունեցել իրենց սպասարկման տարածքի ուսումնական հաստատությունների աշխատակազմերի, դպրոցական և նախադպրոցական տարիքի երեխաների, նրանց ծնողների հետ։ Որոշ ուսումնական հաստատություններում կազմակերպվել են նաև քննարկվող թեմաներին բնորոշ սովորողների ձեռքի աշխատանքների ցուցադրություններ,․․․
Աշխատանքային հերթական խորհրդակցություն Գեղարքունիքի մարզպետի աշխատակազմում 29.04.2024
Ապրիլի 29-ին Գեղարքունիքի մարզպետ Կարեն Սարգսյանի գլխավորությամբ անցկացվել է աշխատանքային խորհրդակցություն մարզպետի աշխատակազմի բոլոր ստորաբաժանումների ղեկավարների և պատասխանատու աշխատակիցների մասնակցությամբ: Նախ ամփոփվել են նախորդ շաբաթվա ընթացքում տրված հանձնարարականները, ապա անդրադարձ է կատարվել առաջիկա անելիքներին: Անդրադարձ է կատարվել համայնքներում իրականացվող սուբվենցիոն ինչպես նաև այլ գերատեսչությունների կողմից իրականացվող ծրագրերի շինարարական աշխատանքների ընթացքին, դրանց որակով և սահմանված ժամկետում իրականացման հսկողությանը: Անդրադարձ է կատարվել նաև համայնքների բյուջեների սեփական եկամուտների հավաքագրմանն ու բյուջետային գործընթացների կատարմանը, Լեռնային Ղարաբաղից բռնի տեղահանված մեր հայրենակիցների սոցիալական աջակցության ծրագրերին, ինչպես նաև կրթության, առողջապահության ոլորտի անելիքներին: Խորհրդակցության ժամանակ քննարկվել են համայնքային ծրագրերի իրականացմանն առնչվող մի շարք այլ հարցեր ևս, տրվել են նոր հանձնարարականներ:
Վարչապետ Նիկոլ Փաշինյանը Քաղաքացու օրվա առիթով ՀՀ 2024 թվականի երիտասարդական մայրաքաղաք Գավառում` Լևոն Քալանթարի անվան պետական դրամատիկական թատրոնում, հանդես է եկել «Հայրենիքը պետությունն է. սիրո՞ւմ ես հայրենիքդ, ուժեղացրո՛ւ պետությունդ» խորագրով բանախոսությամբ: Միջոցառմանը մասնակցել են Գեղարքունիքի մարզի 14-35 տարեկան երիտասարդները, կրթական հաստատությունների ներկայացուցիչները։ Հանդիպման հիմնական նպատակն էր երիտասարդների գիտակցության մեջ քաղաքացիական արժեքների ամրագրումը, «անկախություն», «ինքնիշխանություն», «պետականություն» հասկացությունների արժևորումը, պետության նկատմամբ պատասխանատու և հոգատար վարքագծի ձևավորումը։ Իր խոսքում վարչապետն անդրադարձել է Քաղաքացու օրվա խորհրդին, Հայաստանի առջև ծառացած մարտահրավերներին ու խնդիրներին, դրանց լուծման ուղղությամբ ՀՀ կառավարության կողմից իրականացվող քայլերին, Հայաստան-Ադրբեջան սահմանի սահմանազատման գործընթացին և այլ թեմաների: Մասնավորապես, վարչապետը խոսելով Տավուշի մարզի հատվածում սահմանազատման գործընթացի մասին՝...
ՀՀ Քաղաքացու օրվա առթիվ Գեղարքունիքի մարզի համայնքներում կազմակերպվեցին տարաբնույթ միջոցառումներ 27.04.2024
ՀՀ Քաղաքացու օրվան նվիրված տոնական միջոցառումների շրջանակներում Գեղարքունիքի մարզի Սևանի Ս. Զաքարյանի անվան մշակույթի պալատում տեղակայված բիզնես կենտրոնում, Լճաշեն բնակավայրի մշակույթի տան դահլիճում, Մարտունի քաղաքի մշակույթի տանը, Վարդենիկ բնակավայրի վարչական շենքում, Վարդենիս քաղաքի Մհեր Մկրտչյանի անվան մշակույթի պալատում, Կարճաղբյուր բնակավայրի մշակույթի տանը, Ճամբարակ քաղաքի գեղարվեստի դպրոցում, Վահան բնակավայրի միջնակարգ դպրոցում անցկացվեցին «Հայրենիքը պետությունն է: Սիրո՞ւմ ես հայրենիքդ՝ ուժեղացրու՛ պետությունդ» խորագրով հայրենաճանաչության, երիտասարդությանը հուզող թեմաներով բանախոսությունների շարք երիտասարդների մասնակցությամբ։ Հանդիպումների ընթացքում որպես բանախոսներ, հանդես եկան պետական և համայնքային իշխանության ներկայացուցիչներ, պետականաշինության գործում ներդրում ունեցող, հասարակական ակտիվ գործունեություն ծավալող գործիչներ, կրթության, գիտության, տեխնոլոգիաների, սպորտի, մշակույթի բնագավառներում ակնհայտ հաջողություններ արձանագրած անձինք, ովքեր...
Հայտնի է ֆուտզալի Գեղարքունիքի մարզային առաջնության երրորդ մրցանակակիրը 26.04.2024
Ֆուտզալի Գեղարքունիքի մարզային առաջնության մրցանակային երրորդ տեղի համար ապրիլի 26-ին մրցեցին ՀՀ ԶՈւ բանակային երկրորդ կորպուսի եւ ՀՀ ՆԳՆ փրկարար ծառայության Գեղարքունիքի մարզային վարչության թիմերը։ Ավելի ուժեղ գտնվեցին բանակայինները, որոնք փրկարարներին հաղթեցին 6-3 հաշվով։ Մրցանակային առաջին եւ երկրորդ տեղերը հաջորդ շաբաթվա ընթացքում նախատեսված եզրափակիչ խաղում կվիճարկեն Մարտունու համայնքապետարանի եւ ՆԳՆ ոստիկանության Գեղարքունիքի մարզային վարչության թիմերը։
ՀՀ կառավարության 2024 թվականի ապրիլի 25-ի հերթական նիստում որոշում է կայացվել ՀՀ պետական բյուջեից 1 միլիարդ 512 միլիոն 076,6 հազար դրամ հատկացնել Գեղարքունիքի մարզի Գավառ – Գանձակ – Սարուխան – Գեղարքունիք բնակավայրերն իրար կապող ավտոճանապարհի 12,9 կմ հատվածի հիմնանորոգման նպատակով 2024 թվականին իրականացվող աշխատանքների համար։
