Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Թատերական երկամսյակի շրջանակներում Գեղարքունիքի մարզում բեմադրվեց 8-րդ ներկայացումը 19.04.2024
Գեղարքունիքի մարզպետ Կարեն Սարգսյանի նախաձեռնությամբ և ԿԳՄՍ նախարարության աջակցությամբ Գեղարքունիքի մարզում հայտարարաված թատերական երկամսյակի շրջանակներում Գեղարքունիքի Լևոն Քալանթարի անվան դրամատիկական թատրոնի դահլիճում հերթական՝ 8-րդ ներկայացումը բեմադրեցին Վանաձորի Հովհաննես Աբելյանի անվան պետական դրամատիկական թատրոնի դերասանները։ Նրանք հանդես եկան ճապոնացի գրող Բեցույակու Մինորուի «Խոսիր ինձ հետ» դրամայի ներկայացմամբ, ռեժիսոր՝ Ալյոնա Ջավուկցյան։ Բեմադրության հիմքում ճապոնացի հեղինակի «Հարյուր ենթավճար» ստեղծագործությունն է, որը գրվել է 2000 թվականին։ Ռեժիսորի խոսքով՝ «Խոսիր ինձ հետ» ներկայացումը միայնակ կնոջ և տղամարդու մասին է, որոնք հավաքական կերպարներ են։ «Հանդիսատեսն իրեն տեսնելու է թե՛ տղամարդու, թե՛ կնոջ մեջ։ Մեզնից յուրաքանչյուրն այս կերպարների մեջ հարազատ շունչ է զգալու։ Միայնակ մարդիկ, որոնք հայտնվել են նույն վայրում, նույն նպատակով՝ կախվելու համար: Նրանք ընթացքում սկսում են բացահայտել իրենց նախապատմությունը՝ ով ինչ խնդիրներ ունի և ինչն է իրեն հասցրել այդ կետին։․․․
2024 թվականի ապրիլի 17-18-ին Գավառի Գրիշա Վահանի Ափրոյանի անվան մարզադպրոցում տեղի ունեցան «ՀՀ Վարչապետի գավաթ» սեղանի թենիսի սիրողական մրցաշարի Գեղարքունիքի մարզային փուլի մրցումները, որին իրավունք էին ստացել մասնակցելու մրցաշարի համայնքային փուլի մրցումներում 1-ին 2-րդ և 3-րդ տեղեր գրաված դպրոցական թիմերը։ Թիմի կազմում ընդգրկված էին տվյալ դպրոցից 2 տղա և 2 աղջիկ։ Մարզային փուլի մրցումները անցկացվեցին կիսաօլիմպիական համակարգով , այսինքն թիմը երկու անընդմեջ պարտությունից հետո դուրս էր մնում հետագա պայքարից։ Մրցումները անցկացվեցին 2 տարիքային խմբերով:Առաջին տարիքային խումբում ընդգրկված էին 5-9-րդ դասարանների, իսկ երկրորդ տարիքային խումբում՝ 10-12-րդ դասարանների աշակերտները: Ապրիլի 17-ին պայքարի մեջ մտան 1-ին տարիքային խմբում ընդգրկված թիմերը։ Ծավալվեց հետաքրքիր պայքար, որի արդյունքում 1-ին տեղը գրավեց Ծափաթաղի միջնակարգ դպրոցի թիմը, 2-րդ տեղում էր Գավառի Ա. Իսահակյանի անվան N4 հիմնական դպրոցի թիմը։ 3-րդ հորիզոնականում էր Գավառի Ս. Քոչարյանցի անվան N1 հիմնական դպրոցի թիմը: ...
ՀՀ կառավարության կողմից 2023 թվականին Գեղարքունիքի մարզում իրականացված սուբվենցիոն ծրագրերի ամփոփում 19.04.2024
Գեղարքունիքի մարզի Վարդենիս համայնքի Նորակերտ բնակավայրում ՀՀ կառավարության կողմից 2023 թվականին իրականացվող սուբվենցիոն ծրագրերի շրջանակներում կառուցվել է խմելու ջրատարի արտաքին ցանց, ինչի շնորհիվ քանակապես ու որակապես բարելավվել է բնակավայրի տնտեսությունների ջրամատակարարումը։ Նորակերտի խմելու ջրատարի արտաքին ցանցի կառուցման ծրագրի պայմանագրային արժեքը կազմում է 46 միլիոն 400 հազար դրամ, որի 70 տոկոսը հատկացրել է ՀՀ կառավարությունը, 30 տոկոսը՝ Վարդենիսի համայնքապետարանը։ Ծրագրի իրականացման արդյունքում ապամոնտաժվել է խմելու հին ջրագծի արտաքին ցանցը՝ 3893 մետր ընդհանուր երկարությամբ և փոխարենը կառուցվել նոր ջրատար, պոլիէթիլենային խողովակներով։ Շինարարական աշխատանքները մեկնարկել են 2023 թվականի օգոստոսին և ավարտվել նույն տարվա հոկտեմբերին։ Այժմ Նորակերտի տնտեսությունները ստանում են որակյալ ու շուրջօրյա ջրամատակարարում։
Հուշարձանների և տեսարժան վայրերի միջազգային օրը նշանավորվեց նաև Գեղարքունիքի մարզում 18.04.2024
Ապրիլի 18-ը ՅՈՒՆԵՍԿՕ-ն հռչակել է հուշարձանների և տեսարժան վայրերի միջազգային օր։ Այդ օրը աշխարհով մեկ տարբեր միջոցառումներ են իրականացվում՝ համաշխարհային ժառագության և պարզապես հուշարձանների այցելություններ, համաժողովներ, հուշարձանների և տեսարժան վայրերի մաքրում, կլոր սեղաններ։ Նման նախաձեռնությամբ հնարավորություն է ընձեռվում մեծացնելու հասարակության տեղեկացվածությունը համաշխարհային ժառանգության բազմազանության, դրա պահպանությանն ու պաշտպանությանն ուղղված ջանքերի վերաբերյալ։ Գեղարքունիքի մարզպետի առաջարկությամբ ապրիլի 18-ին մարզի համայնքներում լայնամաշտաբ միջոցառումներ են իրականացվել հուշարձանների և տեսարժան վայրերի միջազգային օրվա շրջանակներում։ Ամենուրեք լվացվել են հուշարձաններ, մաքրվել պատմամշակութային հուշարձանների տարածքներ։ Աշխատանքներում ներգրավվել են նաև ՀՀ ՆԳՆ մարզային փրկարարական վարչության աշխատակիցներ՝ ներդնելով իրենց տեխնիկական միջոցները։․․․
Բերդկունքի ամրոցը կվերականգնվի և կվերածվի արգելոց-թանգարանի 18.04.2024
Հուշարձանների և տեսարժան վայրերի պահպանության միջազգային օրը Գեղարքունիքի մարզի Գավառ համայնքի Բերդկունք բնակավայրի տարածքում գտնվող Բերդկունք կամ Սպիտակ բերդ ամրոցի տարածքում նշանավորվել է տարածքի հնագիտական պեղումների մեկնարկով և պարգևատրման արարողությամբ։ Միջոցառումներին ներկա են եղել ՀՀ ԿԳՄՍ նախարար Ժաննա Անդրեասյանը, Հայաստանում Եվրոպական Միության պատվիրակության ղեկավար Վասիլիս Մարագոսը, Գեղարքունիքի մարզպետի տեղակալ Ջանիկ Բազեյանը, Գավառ համայնքի ղեկավարի առաջին տեղակալ Գրիգոր Դաշտոյանը, Գեղարքունիքի մարզպետի աշխատակազմի ԿՄՍ վարչության պետ Կարեն Զազյանը, ՀՀ ԿԳՄՍ նախարարության պատմության և մշակույթի հուշարձանների պահպանության վարչության պետ Հարություն Վանյանը, «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի աշխատակիցներ, հանրակրթական դպրոցների ուսուցիչներ և աշակերտներ, հնագետներ։․․․
Գեղարքունիքի մարզպետ Կարեն Սարգսյանը մշտադիտարկում անցկացրեց Գավառ համայնքի շինհրապարակներում 17.04.2024
Ապրիլի 16-ին Գեղարքունիքի մարզպետ Կարեն Սարգսյանը Գավառ համայնքի ղեկավար Գուրգեն Մարտիրոսյանի հետ մշտադիտարկում անցկացրեց Բերդկունքի նորակառույց մանկապարտեզի և Գավառ-Գեղարքունիք մարզային նշանակության ավտոճանապարհի շինհրապարակներում։ Մշտադիտարկմանը մասնակցում էին նաև Գավառ համայնքի ղեկավարի տեղակալներ, Գեղարքունիքի մարզպետի աշխատակազմի շինարարության ոլորտի պատասխանատուներ։ Մշտադիտարկման առաջին կանգառը Գավառ համայնքի Բերդկունք բնակավայրում էր, որտեղ ՀՀ կառավարության կողմից իրականացվող սուբվենցիոն ծրագրերի շրջանակներում 2023 թվականի ապրիլից մեկնարկել և ընթանում են մանկապարտեզի շենքի կառուցման աշխատանքները։ Բերդկունքի մանկապարտեզի շենքի կառուցման ծրագրի պայմանագրային արժեքը կազմում է 450 միլիոն դրամ, որի 75 տոկոսը հատկացնում է ՀՀ կառավարությունը, 25 տոկոսը՝ Գավառի համայնքապետարանը։․․․
