Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ Քաղաքացու օրվա առթիվ Գեղարքունիքի մարզի համայնքներում կազմակերպվեցին տարաբնույթ միջոցառումներ 27.04.2024
ՀՀ Քաղաքացու օրվան նվիրված տոնական միջոցառումների շրջանակներում Գեղարքունիքի մարզի Սևանի Ս. Զաքարյանի անվան մշակույթի պալատում տեղակայված բիզնես կենտրոնում, Լճաշեն բնակավայրի մշակույթի տան դահլիճում, Մարտունի քաղաքի մշակույթի տանը, Վարդենիկ բնակավայրի վարչական շենքում, Վարդենիս քաղաքի Մհեր Մկրտչյանի անվան մշակույթի պալատում, Կարճաղբյուր բնակավայրի մշակույթի տանը, Ճամբարակ քաղաքի գեղարվեստի դպրոցում, Վահան բնակավայրի միջնակարգ դպրոցում անցկացվեցին «Հայրենիքը պետությունն է: Սիրո՞ւմ ես հայրենիքդ՝ ուժեղացրու՛ պետությունդ» խորագրով հայրենաճանաչության, երիտասարդությանը հուզող թեմաներով բանախոսությունների շարք երիտասարդների մասնակցությամբ։ Հանդիպումների ընթացքում որպես բանախոսներ, հանդես եկան պետական և համայնքային իշխանության ներկայացուցիչներ, պետականաշինության գործում ներդրում ունեցող, հասարակական ակտիվ գործունեություն ծավալող գործիչներ, կրթության, գիտության, տեխնոլոգիաների, սպորտի, մշակույթի բնագավառներում ակնհայտ հաջողություններ արձանագրած անձինք, ովքեր...
Հայտնի է ֆուտզալի Գեղարքունիքի մարզային առաջնության երրորդ մրցանակակիրը 26.04.2024
Ֆուտզալի Գեղարքունիքի մարզային առաջնության մրցանակային երրորդ տեղի համար ապրիլի 26-ին մրցեցին ՀՀ ԶՈւ բանակային երկրորդ կորպուսի եւ ՀՀ ՆԳՆ փրկարար ծառայության Գեղարքունիքի մարզային վարչության թիմերը։ Ավելի ուժեղ գտնվեցին բանակայինները, որոնք փրկարարներին հաղթեցին 6-3 հաշվով։ Մրցանակային առաջին եւ երկրորդ տեղերը հաջորդ շաբաթվա ընթացքում նախատեսված եզրափակիչ խաղում կվիճարկեն Մարտունու համայնքապետարանի եւ ՆԳՆ ոստիկանության Գեղարքունիքի մարզային վարչության թիմերը։
ՀՀ կառավարության 2024 թվականի ապրիլի 25-ի հերթական նիստում որոշում է կայացվել ՀՀ պետական բյուջեից 1 միլիարդ 512 միլիոն 076,6 հազար դրամ հատկացնել Գեղարքունիքի մարզի Գավառ – Գանձակ – Սարուխան – Գեղարքունիք բնակավայրերն իրար կապող ավտոճանապարհի 12,9 կմ հատվածի հիմնանորոգման նպատակով 2024 թվականին իրականացվող աշխատանքների համար։
Ամեն տարի ապրիլի 24-ին համայն հայությունը` հայրենիքում և սփյուռքում գլուխ է խոնարհում ցեղասպանությանը զոհ դարձած մեր միլիոնավոր նահատակների հիշատակի առջև: 1915 թվականին Օսմանյան Թուրքիայի կողմից պետականորեն իրագործված և ըստ էության քաղաքակիրթ մարդկության դեմ ուղղված այդ ոճիրը ոչ միայն ժամանակին չկանխվեց, այլև չճանաչվեց ու չդատապարտվեց` այդպիսով հիմք դառնալովհետագայում նոր ցեղասպանությունների կրկնության: Ցեղասպանության ժխտումը, փաստերը խեղաթյուրելու, իրողությունը մոռացության մատնելու և սեփական պատմության ամոթալի էջերը թաքցնելու Թուրքիայի ջանքերը ոչ միայն չեն նպաստում տարածաշրջանում կայուն խաղաղության ու բարիդրացիական հարաբերությունների հաստատմանը, այլև անպատժելիության մթնոլորտում հնարավոր են դարձնում նոր հանցագործոթյունների իրագործումն աշխարհում: Մեզ համար առավել քան ակնհայտ է, որ միայն միջազգային հանրության ջանքերը բավարար չեն կանխելու համար մի ամբողջ ազգի դեմ ուղղված ոճրագործությունը: Անհրաժեշտ է նաև համախմբել ազգի ողջ ներուժը` Հայաստանը հզորացնելու․․․
Հավերժ խոնարհում սրբադասված նահատակների հիշատակի առջև 24.04.2024
Ապրիլի 24-ին ի հիշատակ Հայոց ցեղասպանության սրբադասված նահատակների՝ Գավառի Սուրբ Աստվածածին եկեղեցում Գեղարքունիքի մարզպետ Կարեն Սարգսյանը և մարզպետի աշխատակազմի ներկայացուցիչները մասնակցեցին խնկարկման և մոմավառության արարողությանը, որը մատուցվեց ձեռամբ Գեղարքունյաց թեմի Գավառի հոգևոր հովիվ Արժանապատիվ Տ. Նշան քհն. Սարգսյանի։ Բարեխոսության կարգից հետո հոգևոր հովիվը հնչեցրեց նաև ոգեկոչման խոսքեր։ Այնուհետև արարողության մասնակիցները ծաղիկներ խոնարհեցին Հայոց ցեղասպանության նահատակների հիշատակն հավերժացնող հուշաքարի առջև։ Մեծ Եղեռնի 109–րդ տարելիցի առթիվ հարգանքի տուրք է մատուցվել Գեղարքունիքի մարզի բոլոր համայնքներում։
ՀՀ կառավարության ֆինանսավորմամբ հիմնանորոգվում է Սևանի տրանսպորտային հանգույցը 23.04.2024
ՀՀ տարածքային կառավարման և ենթակառուցվածքների նախարարության պատվիրատվությամբ 2024 թվականի մարտի 26-ից մեկնարկել են Սևանի տրանսպորտային հանգույցի հիմնանորոգման աշխատանքները։ Ծրագիրն իրականացվում է ՀՀ պետական բյուջեից հատկացված 432 միլիոն 416 հազար 88 դրամի հաշվին։ Ծրագրի շրջանակներում նախատեսվում է իրականացնել 2690 մետր երկարությամբ երթևեկելի մասի երկշերտ ասֆալտբետոնե ծածկի կառուցում, գծանշում, ճանապարհային նշաններով կահավորում, մետաղական արգելափակոցների, պլաստիկ ազդանշանային սյուների տեղադրում և տվյալ հատվածում առկա կամրջի վերին հատված հիմնանորոգում։ Ծրագրի կապալառուն՝ «Ծովագյուղի ՃՇՇ» ՍՊԸ-ն է, որի կողմից այս պահին իրականացվում է ասֆալտբետոնե ծածկի քանդման, հեռացման, հողային այլ աշխատանքներ։ Աշխատանքները նախատեսված է ավարտին հասցնել այս տարվա հուլիս ամսին։ ՀՀ տարածքային կառավարման և ենթակառուցվածքների նախարարություն / Ministry of Territorial Administration and Infrastructure of Armenia Road Department Fund/Ճանապարհային դեպարտամենտ հիմնադրամ
