Գեղարքունիքի մարզպետի աշխատակազմ

Հասցե` Ք. Գավառ, Սայադյան 95

Հասցե` Ք. Ճամբարակ, Պ. Սևակի 7

Հասցե` Ք. Մարտունի, Շահումյան 2

Հասցե` Ք.Սևան, Նաիրյան 164

Հասցե` Ք. Վարդենիս, Ռոմանի 7

Հասցե` Գեղարքունիքի մարզ, քաղաք Վարդենիս Զորավար Անդրանիկի փող., 127 շենք

Հասցե` Գեղարքունիքի մարզ, ք․ Սևան, Կարմիր Բանակի փող., 68 շենք

Հասցե` ՀՀ Գեղարքունիքի մարզ, ք. Գավառ, Օգոստոսի 23-ի փողոց, շենք 106

 Ստեղծման պատմություն
Պաշտոնապես Գավառի մանկատան հիմնադրման տարեթիվը համարվում է 1936թ., սակայն ոչ պաշտոնական տվյալներով այն գործում է 1924թ.-ից: Հայրենական մեծ պատերազմի և նրան հաջորդող մի քանի տարիների ընթացքում այստեղ խնամվել է 230-300 երեխա: Հետագայում, երկրի տնտեսության վերականգնման և կենսամակարդակի բարձրացման շնորհիվ շատ երեխաներ հրաժեշտ տվեցին մանկատանը: 1936թ.-ից մինչ այժմ Գավառի մանկատանը ապրել, կրթվել և դաստիարակվել է ՀՀ գրեթե բոլոր բնակավայրերից եկած շուրջ 4000 պատանի և աղջիկ:
1993թ.-ից սկսած անհատ բարերարների և բարեգործական կազմակերպությունների զգալի ներդրումների շնորհիվ բազմաթիվ հրատապ խնդիրներ ստացան իրենց լուծումները: Գերմանական "Թյուբինգեն-Հայաստան նախաձեռնություն" միջազգային բարեգործական կազմակերպությունն առաջինն էր, որի ղեկավար Մադլեն Բայերի բարեշնորհությամբ իրականացվեցին վերանորոգման և կահավորման մեծածավալ աշխատանքներ: Խոշոր ներդրումներով հանդես են եկել նաև Ժնևի "Հայկական ֆոնդ", "Արմենիանոս" հիմնադրամները: Առանձին բարեգործական ծրագրեր են իրականացվել Հայ առաքելական եկեղեցու ԱՄՆ-ի արևելյան թեմի Տիկնանց միության "Հայաստանի երեխաների հովանավորման ծրագրի", ՀՀ Կենտրոնական բանկի, "Եվրոստան ույուտ" ՓԲԸ-ի, "Արարատ" մսամթերքի կոմբինատի, "Ամքոր" կազմակերպության, "Հայ օգնության ֆոնդի", անհատ բարերար ժնևաբնակ Իրեն Նիգոլյանի, ճարտարագետ Օլեգ Շոկարևի կողմից:
Ներկա իրավիճակ
Ներկայիս մանկատունը կառուցված է 100 անօթևան երեխայի համար: Այն ունի կահավորված ննջասենյակներ, հեռուստացույցեր, կինոսրահ, սպորտային սենյակ: Գործում են գորգագործական, փայտամշակման, ասեղնագործության, գոբելենի, համակարգչային ուսուցման խմբակներ: Մանկատանը ապրում է 3-18 տարեկան շուրջ 90 երեխա (44 տղա, 46 աղջիկ): Նրանցից 72-ը դպրոցականներ են, 16-ը` նախադպրոցականներ, 2-ը` ուսանողներ, որոնց ուսման վարձը վճարում է "Հայ օգնության ֆոնդը" և յուրաքանչյուրին ամսական տալիս է նաև 10.000 դրամ կրթաթոշակ:
2005թ. հունվարի 1-ից 7-12 տարեկան երեխաներին ամսական տրվում է 2000 դրամ, 13-18 տարեկաններին` 3000 դրամ` հոգալու համար անձնական կարիքները: ՀՀ կառավարության "Պետական աջակցություն ՀՀ խնամակալական կազմակերպությունների շրջանավարտներին" ծրագրի շրջանակներում մանկատան 67 սան ստացել է կահավորված բնակարաններ:
Խնդիրներ և ծրագրեր
Մանկատունն իր տարածքում ունի 4000քմ այգի, որը երկար ժամանակ չի վերանորոգվել: Կարևորում ենք մանկական այգու հիմնովին վերակառուցումը, որն իր մեջ կներառի խաղային հրապարակ (բասկետբոլ, վոլեյբոլ, ձեռքի գնդակ, մինի ֆուտբոլ), ճոճանակներ, բացօթյա համերգասրահ իր ջրավազանով և խաղասրահով: Կարևոր խնդիր է նաև 1988թ. ստացած ԿԱՎԶ-3270 մակնիշի անսարք վիճակում գտնվող ավտոբուսի հիմնովին վերանորոգումը, որը հնարավորություն կտա ամբողջ տարվա ընթացքում և հատկապես ամռանը կազմակերպել բազմաբնույթ միջոցառումներ և էքսկուրսիաներ: Նախնական հաշվարկներով մանկական այգու կառուցման համար կպահանջվի շուրջ 208000 դոլար, իսկ ավտոբուսի վերանորոգման համար` 4000 դոլար: