Գեղարքունիքի մարզպետի աշխատակազմ

Սիրելի՛ շրջանավարտներ, հարգելի՛ ուսուցիչներ, ծնողներ և կրթության ոլորտի ներկայացուցիչներ,
Ջերմորեն շնորհավորում եմ ձեզ Վերջին զանգի կապակցությամբ։
Այս օրը յուրահատուկ սահմանագիծ է յուրաքանչյուր շրջանավարտի կյանքում՝ լի հուզմունքով, հիշողություններով, երազանքներով ու նոր սպասումներով։ Դպրոցական տարիներն ավարտվում են, սակայն սկսվում է առավել պատասխանատու ու կարևոր մի փուլ, որտեղ ձեր գիտելիքը, աշխատասիրությունն ու արժեհամակարգը դառնալու են ձեր գլխավոր ուղեցույցները։
Սիրելի՛ շրջանավարտներ, վստահ եմ՝ ձեզանից յուրաքանչյուրն իր ներդրումն է ունենալու մեր համայնքների, մեր պետության զարգացման ու հզորացման գործում։ Մնացե՛ք համարձակ, նպատակասլաց և երբեք չկորցնեք հավատը ձեր ուժերի նկատմամբ։
Առանձնահատուկ շնորհակալություն եմ հայտնում ուսուցիչներին՝ նվիրված աշխատանքի, համբերության և սերունդներ կրթելու պատասխանատու առաքելության համար։ Շնորհակալություն նաև ծնողներին՝ մշտական աջակցության և հոգատարության համար։
Թող այս օրը դառնա նոր հաջողությունների, մեծ ձեռքբերումների և խաղաղ ու բարեկեցիկ ապագայի սկիզբ։
Բարի երթ ձեզ, սիրելի՛ շրջանավարտներ։