Գեղարքունիքի մարզպետի աշխատակազմ

ՀՀ Էկոնոմիկայի նախարարության և ՀՀ Գեղարքունիքի մարզպետի աշխատակազմի համատեղ ուժերով իրականացվող գյուղաջակցության պետական ծրագրերի իրազեկման աշխատանքները եզրափակվեցին Ճամբարակի համայնքապետարանում կայացած հանդիպմամբ։
Էկոնոմիկայի նախարարության և Գեղարքունիքի մարզպետի աշխատակազմի գյուղատնտեսության ոլորտի մասնագետները մարտի 30-ին հանդիպում են ունեցել Ճամբարակի համայնքապետարանի գյուղատնտեսության ոլորտի մասնագետների, պատասխանատու աշխատակիցների, բնակավայրերի վարչական ղեկավարների, ֆերմերների, գյուղացիական տնտեսությունների ներկայացուցիչների, գյուղատնտեսության առանձին ճյուղերի զարգացմամբ հետաքրքրված և դրանցով զբաղվող անձանց հետ։
Գյուղոլորտի մասնագետները ներկայացրել են ՀՀ կառավարության կողմից իրականացվող գյուղատնտեսության ոլորտի աջակցության ծրագրերը, այդ թվում նաև բուսաբուծության  պետական աջակցության ծրագիրը, դրանցից օգտվելու հնարավորություններն ու եղանակները, ներդրումների պայմանները, խոսել, անասնապահության զարգացման, խելացի անասնագոմերի կառուցման, ջերմոցային տնտեսությունների հիմնման, գյուղատնտեսության ապահովագրության, մասնակիցների կողմից բարձրացված հարցերի մասին։
Գյուղատնտեսության ոլորտի պետական աջակցության 2026թ ծրագրերին ծանոթանալ՝
https://mineconomy.am/page/1338