Գեղարքունիքի մարզպետի աշխատակազմ

Գեղարքունիքի մարզում ավարտվել են «Դպրոցականների բասկետբոլի լիգա» մարզական խաղերի համայնքային փուլի մրցումները, որոնց հայտագրվել են 54 հանրակրթական դպրոցների 77 թիմեր։
«Դպրոցականների բասկետբոլի լիգա» մարզական խաղերն անցկացվում են 2 տարիքային խմբով, 1-ին տարիքային խմբում ընդգրկվել են 5-6-րդ, իսկ 2-րդ տարիքային խմբում՝ 7-9-րդ դասարանների աշակերտները։ Խաղի ընթացքում դաշտում միաժամանակ գտնվել են 3 տղա, 2 աղջիկ կամ 2 տղա, 3 աղջիկ։ Յուրաքանչյուր խաղին թիմի կազմում հայտագրվել են 9 աշակերտ։
Կայացած համայնքային փուլի մրցումների արդյունքում Մարտունուց, 1-ին տարիքային խմբում, մարզային փուլի մասնակցության իրավունք են ստացել Վերին Գետաշենի Հ․ 1 միջնակարգ դպրոցի թիմը, իսկ 2-րդ տարիքային խմբում՝ Մարտունու Ս. Դարբինյանի անվան Հ․ 2 հիմնական դպրոցի թիմը։
Ճամբարակից, 1-ին տարիքային խմբում, մարզային փուլի մասնակցության իրավունք է ստացել Ճամբարակի Հ․ 1 հիմնական դպրոցի թիմը, իսկ 2-րդ տարիքային խմբում՝ Վահանի միջնակարգ դպրոցի թիմը։
Սևանից, 1-ին տարիքային խմբի մարզային մրցումներում հաղթող է ճանաչվել Սևանի Մեսրոպ Մաշտոցի անվան Հ. 1 հիմնական դպրոցի թիմը, երկրորդ հորիզոնականում Սևանի Հ. 5 միջնակարգ դպրոցի թիմն է, իսկ երրորդում՝ Սևանի Վ. Կարապետյանի անվան N 3 հիմնական դպրոցի թիմը: 2-րդ տարիքային խմբի մրցումներում ուժեղագույնը ևս Սևանի Մեսրոպ Մաշտոցի անվան Հ. 1 հիմնական դպրոցի թիմն է, երկրորդ և երրորդ տեղերը համապատասխանաբար զբաղեցրել են Վարսերի Ռ. Պետրոսյանի անվան և Սևանի Հ. 5 միջնակարգ դպրոցների թիմերը:
Վարդենիսից երկու տարիքային խմբերում էլ ուժեղագույնը Վարդենիսի Էդ. Պողոսյանի անվան Հ.2 հիմնական դպրոցի թիմն է: 1-ին տարիքային խմբում երկրորդ տեղը զբաղեցրել է Ծովակի միջնակարգ դպրոցի թիմը, երրորդ հորիզոնականում Ակունքի միջնակարգ դպրոցի թիմը: 2-րդ տարիքային խմբում 2-րդ հորիզոնականում Վարդենիսի Հ. 3 հիմնական դպրոցի թիմն է, 3-րդ հորիզոնականում՝ Գեղամասարի միջնակարգ դպրոցի թիմը:
Գավառից, 1-ին տարիքային խմբում, Գավառի Պ. Ղանդիլյանի անվան Հ. 2 միջնակարգ դպրոցի թիմը գրավել է առաջին տեղը, երկրորդ տեղում է Ծովազարդի միջնակարգ, իսկ երրորդ տեղում՝ Գավառի Հ. Թումանյանի անվան Հ. 3 հիմնական դպրոցների թիմերը: 2-րդ տարիքային խմբում ուժեղագույնը Գավառի Հ. Թումանյանի անվան Հ. 3 հիմնական դպրոցի թիմն է: 2-րդ հորիզոնականում Ծովազարդի միջնակարգ դպրոցի թիմը, իսկ երրորդ հորիզոնականում՝ Գավառի Ա. Իսահակյանի անվան Հ. 4 հիմնական դպրոցի թիմը:
Մարզական խաղերի կանոնակագի համաձայն համայնքային փուլում յուրաքանչյուր տարիքային խմբում առաջին տեղեր գրաված թիմերը իրենց ուժերը կչափեն մարզային փուլի մրցումներում, որոնք տեղի կունենան մարտի 26-27-ին Գավառի Գրիշա Վահանի Ափրոյանի անվան մարզադպրոցում։
Մարզային փուլի յուրաքանչյուր տարիքային խմբում առաջին տեղ գրաված թիմը մարզը կներկայացնի մարզական խաղերի եզրափակիչ փուլում, որը կանցկացվի ապրիլի 12-18-ը Երևան քաղաքում: