Գեղարքունիքի մարզպետի աշխատակազմ

ՀՀ կառավարության կողմից մշակված գյուղատնտեսության ոլորտի պետական օժանդակության ծրագրերի վերաբերյալ Գեղարքունիքի մարզի բնակչության շրջանում իրազեկման աշխատանքներ իրականացնելու նպատակով ՀՀ Էկոնոմիկայի նախարարի նախաձեռնությամբ և ՀՀ Գեղարքունիքի մարզպետի աջակցությամբ նախարարության և մարզպետի աշխատակազմի համապատասխան մասնագետները հանդիպումներ են ունենում Գեղարքունիքի մարզի համայնքներում։
Առաջին հանդիպումը կայացել է մարտի 11-ին՝ Վարդենիս և Մարտունի համայնքներում, որոնց մասնակցել են
համայնքապետարանների գյուղատնտեսության ոլորտի մասնագետներ, պատասխանատու աշխատակիցներ, բնակավայրերի վարչական ղեկավարներ, ֆերմերներ, գյուղացիական տնտեսությունների ներկայացուցիչներ, գյուղատնտեսության առանձին ճյուղերի զարգացմամբ հետաքրքրված անձինք։
Հանդիպումների ընթացքում Էկոնոմիկայի նախարարության և Գեղարքունիքի մարզպետի աշխատակազմի ներկայացուցիչները հանգամանալից ներկայացրել են ՀՀ կառավարության կողմից իրականացվող գյուղատնտեսության աջակցության ծրագրերի բովանդակությունը, այդ ծրագրերից օգտվելու դեպքում պետության և մասնավոր տնտեսությունների անելիքները, ներդրումների պայմանները, խոսել ծրագրերի արդյունավետության մասին և պատասխանել ներկաների կողմից բարձրացված հարցերին։
Գյուղատնտեսության ոլորտի պետական օժանդակության ծրագրի վերաբերյալ մանրամասները՝
http://gegharkunik.mtad.am/files/docs/83598.pdf