Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հերթական աշխատանքային խորհրդակցությունը Գեղարքունիքի մարզպետի աշխատակազմում
16.02.2026
Փետրվարի 16-ին Գեղարքունիքի մարզպետ Կարեն Սարգսյանն անցկացրեց հերթական աշխատանքային խորհրդակցությունը՝ մարզպետի աշխատակազմի ստորաբաժանումների ղեկավարների մասնակցությամբ։
Օրակարգում ընդգրկված էին ավելի քան չորս տասնյակ հարցեր, որոնք վերաբերում էին մարզի տարբեր ոլորտներին․
Քաղաքաշինություն և ենթակառուցվածքներ
Ճանապարհաշինական նախագծերի ձեռքբերում
Հիմնանորոգման կարիք ունեցող ճանապարհների առաջնահերթություն
Մարզում միասնական երթուղային ցանցի ձևավորում
Ֆինանսներ և ծրագրեր
Սուբվենցիոն ծրագրերի ընթացք (նախորդ տարիներից 2026 թվական տեղափոխված և ընթացիկ ծրագրեր)
Ծրագրերի ժամկետների պահպանման և ֆինանսական կարգապահության հարցեր
Կրթություն և սպորտ
Հիմնանորոգված մարզադահլիճների համար անհրաժեշտ մարզագույքի ձեռքբերում
Կրթական ենթակառուցվածքների բարելավման ընթացիկ հարցեր
Առողջապահություն
Բուժհաստատությունների գործունեությանն առնչվող կազմակերպչական և ընթացիկ հարցեր
Գյուղատնտեսություն
Ոլորտային ընթացիկ ծրագրերի իրականացում
Համայնքներում առկա խնդիրների լուծման մեխանիզմներ
Տարածքային կառավարում և տեղական ինքնակառավարում
Համայնքների հետ համագործակցության ամրապնդում
Կառավարման գործընթացների արդյունավետության բարձրացում
Մարզպետ Կարեն Սարգսյանը հանձնարարեց սահմանված ժամկետներում հետևողականորեն լուծում տալ արձանագրված բոլոր հարցերին՝ սերտ համագործակցելով տեղական ինքնակառավարման մարմինների և պատասխանատու գերատեսչությունների հետ։
Խորհրդակցության ավարտին ստորաբաժանումների ղեկավարներին տրվեցին նոր հանձնարարականներ՝ աշխատանքների համակարգված կազմակերպման նպատակով։
