Գեղարքունիքի մարզպետի աշխատակազմ

ՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով և՛ միգրացիայի և քաղաքացիության ծառայության, և՛ հաշվառման-քննական բաժինների ծառայություններ։
ՆԳ նախարարի հրամանի համաձայն՝ հունվարի 15-ին ժամը 11։00-16:00, ծառայություն կմատուցվի Գեղարքունիքի մարզի Ճամբարակ համայնքում՝ համայնքապետարանի հարևանությամբ։
Շրջիկ սպասարկման շրջանակում քաղաքացիները կարող են փոխանակել անձնագիրը, ստանալ ժամանակավոր պաշտպանության վկայական, տեղեկանքներ, իսկ տեղահանված անձինք ՀՀ քաղաքացիություն ստանալու համար կարող են տեղում դիմումներ ներկայացնել։
Վարորդական իրավունքի ու սեփականության վկայականների, հաշվառման վկայագրի փոխանակման կամ կորստի դեպքում քաղաքացիները մոտենալով շրջիկ գրասենյակ` կարող են նորը ստանալ, օգտվել նաև հաշվառման-քննական բաժինների կողմից մատուցվող այլ ծառայություններից։
Հունվարի 15-ին շրջիկ սպասարկման գրասենյակը կլինի նաև Գեղարքունիքի մարզի Վարդենիս համայնքում՝ հունվարի 8-ին ընդունված դիմումների շրջանակներում փաստաթղթերը հանձնելու նպատակով։
ՀՀ ներքին գործերի նախարարություն - Ministry of Internal Affairs of Armenia