Գեղարքունիքի մարզպետի աշխատակազմ

Սիրելի՛ ճարտարապետներ, քաղաքաշինության ոլորտի մասնագետներ,
Շնորհավորում եմ ձեզ Ճարտարապետության համաշխարհային օրվա առթիվ։
Այս օրը կարևոր հնարավորություն է արժևորելու այն ստեղծագործական ու մասնագիտական նվիրումը, որի շնորհիվ ձևավորվում է մեր քաղաքային ու գյուղական միջավայրը՝ մեր կյանքի տարածական հենքը։
Ճարտարապետությունը ոչ միայն արվեստ է, այլև գիտություն, պատասխանատվություն ու տեսլական։ Այն կերպավորում է համայնքներ, արտահայտում է ժամանակաշրջանի արժեքներն ու արձագանքում է հասարակության կարիքներին։ Այսօրվա գլոբալ մարտահրավերների՝ կլիմայական փոփոխությունների, քաղաքաշինության խտացման և մշակութային ինքնության պահպանման պայմաններում, ճարտարապետի առաքելությունն առավել քան երբևէ կենսական նշանակություն ունի։
Հայ ճարտարապետությունն ունի դարավոր պատմություն և համաշխարհային մշակույթում իր առանձնահատուկ տեղը։ Այսօր էլ մենք ունենք բոլոր հնարավորությունները՝ այս ժառանգությունը շարունակելու ժամանակակից, պատասխանատու ու նորարար մոտեցումներով։
Ճարտարապետության համաշխարհային օրվա կապակցությամբ ցանկանում եմ նոր ստեղծագործական ոգեշնչում, մասնագիտական առաջընթաց և համարձակ գաղափարների իրագործում բոլորին, ովքեր իրենց գործունեությամբ կերպավորում են մեր ապրելու միջավայրը։
Թող ձեր նախագծած տարածքներում կերտվեն մարդկային ջերմ հարաբերություններ, մշակութային կյանք և կենսական ներդաշնակություն։