Գեղարքունիքի մարզպետի աշխատակազմ

Գեղարքունիքի մարզպետ Կարեն Սարգսյանն այցելել է Երանոսի թիվ 1, 2, 3, 21, 27-րդ փողոցներ և Վարդաձորի խճուղի, որտեղ ավարտվել են ոռոգման նոր ջրատար ցանցի կառուցման աշխատանքները՝ ՀՀ կառավարության 2024թ. սուբվենցիոն ծրագրերի շրջանակներում։
 Ընդհանուր առմամբ կառուցվել է 1797 մետր երկարությամբ ներքին ցանց՝ մետաղական, երկաթբետոնե և պոլիէթիլենային խողովակներով։
 Ծրագրի ընդհանուր պայմանագրային արժեքը՝ 67 մլն 780 հազար դրամ, որից՝
 75%՝ ՀՀ կառավարության ֆինանսավորում
 25%՝ Մարտունու համայնքապետարան
 Շինարարությունը մեկնարկել է 2024թ. օգոստոսին և ավարտվել է 2025թ. հունիսին։
 Արդյունքում շուրջ 600 տնամերձ հողամաս այսօր ոռոգվում է ժամանակին և առանց ջրային կորուստների՝ ապահովելով բարձր արդյունավետություն և հողագործության զարգացում։
 Նման ծրագրերը նպաստում են գյուղատնտեսական արտադրության աճին ու համայնքների կայուն զարգացմանը։