Գեղարքունիքի մարզպետի աշխատակազմ

Այսօր Գեղարքունիքի մարզպետ Կարեն Սարգսյանի նախագահությամբ, ով նաև մարզպետի աշխատակազմի ներքին աուդիտի կոմիտեի նախագահն է, կայացավ կոմիտեի նիստ։
Նիստի ընթացքում ներկայացվել և քննարկվել են մարզային ենթակայության ութ դպրոցներում և մեկ բուժամբուլատորիայում իրականացված աուդիտորական ուսումնասիրությունների արդյունքները։
Ուսումնասիրությունների արդյունքում արձանագրված թերությունների և խախտումների վերացման նպատակով մարզպետ Սարգսյանը հանձնարարել է սահմանել հստակ ժամկետներ՝ գործընթացը պատշաճ և արդյունավետ կազմակերպելու համար։
Մարզպետը վերահաստատել է մարզպետարանի հանձնառությունը՝ խթանելու թափանցիկության, պատասխանատվության և բարձր կառավարման մշակույթի ձևավորումը։