Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզում հարգանքի տուրք մատուցվեց ցեղասպանության սրբադասված նահատակների հիշատակին
24.04.2025
Այսօր՝ ապրիլի 24-ին, Հայոց ցեղասպանության զոհերի հիշատակը խնկարկելու օրը, Գեղարքունիքի մարզպետի գլխավորությամբ մարզային և համայնքային իշխանությունների, նրանց ենթակայությամբ գործող կրթամշակութային և առողջապահական հիմնարկների, Գեղարքունյաց թեմի հոգևոր դասի մասնակցությամբ Գավառ քաղաքում ծաղիկներ խոնարհվեցին սրբադասված նահատակների հիշատակը հավերժացնող հուշարձանին։ Այնուհետև ի հիշատակ Հայոց ցեղասպանության սրբադասված նահատակների՝ Գավառի Սուրբ Աստվածածին եկեղեցում մատուցվեց պատարագ և Սրբերի բարեխոսության կարգ, կատարվեց մոմավառություն:
ՀՀ Գեղարքունիքի մարզպետ Կարեն Սարգսյանի ուղերձը Հայոց ցեղասպանության զոհերի հիշատակի օրվա կապակցությամբ․
<<Սիրելի՛ հայրենակիցներ,
Այսօր, հարգանքի տուրք մատուցելով ցեղասպանության անմեղ նահատակներին, մենք գիտակցում ենք, որ պետք է շարժվենք առաջ, պետք է կարողանանք համախմբվել ազգային իղձերի ու նպատակների շուրջ, կառուցենք ուժեղ ու ժողովրդավարական պետություն, խաղաղ ու ժամանակակից երկիր, համայն հայության հզոր հայրենիք-պետություն, ուր վերադառնում են Հայոց ցեղասպանության զոհերի և հրաշքով փրկվածների սերունդները:
Դատապարտելով ցեղասպանությունը` մենք միասնականությամբ և համախմբվածությամբ պետք է սատարենք մեր պետության հզորացմանը: Հայաստանի պետականության հզորացումն է երաշխիքը ոչ միայն հետագա հնարավոր արհավիրքները կանխելու, այլև վերականգնելու պատմական արդարությունը:
Հավերժ խոնարհում Հայոց մեծ եղեռնի սրբադասված նահատակների հիշատակին և փառք հայ ժողովրդին>>:
