Գեղարքունիքի մարզպետի աշխատակազմ

Հունվարի 13-ին Գեղարքունիքի մարզպետ Կարեն Սարգսյանը մարզպետի աշխատակազմի ստորաբաժանումների ղեկավարների հետ անցկացրեց 2025 թվականի առաջին աշխատանքային խորհրդակցությունը, որի ընթացքում անդրադարձ կատարվեց նախորդ տարիներից սկսված սուբվենցիոն ու այլ գերատեսչությունների կողմից իրականացվող ծրագրերի կատարման ընթացքի, ժամեկտային երաշխիքների մեջ գտնվող ծրագրերում նկատված շինարարակական թերությունների վերացման, պայմանագրով նախատեսված շինարարական ժամկետների խախտումների դեպքում օրենքով սահմանված կարգով տույժ-տուգանքների կիրառման, տեղական բյուջեների սեփական եկամուտների հավաքագրման հետ կապված հարցերին։
Խոսվեց նաև 2025 թվականին շահագործման նախապատրաստվող դպրոցների և մանկապարտեզների գույքի ձեռքբերման, պետական գրանցման և լիցենզավորման գործընթացների, հանրակրթական դպրոցների լաբորատորիաների կահավորման, էլեկտրոնային գրատախտակների և համակարգիչների ձեռքբերման ու մի շարք այլ հարցերի մասին։
Կարեն Սարգսյանը մարզպետի աշխատակազմի ստորաբաժանումների ղեկավարներին հանձնարարեց՝ հետևողական աշխատանքներ տանել բոլոր ուղղություններում՝ գույքագրելով մարզում իրականացվող ծրագրերի կատարողական արդյունքները և ոլորտային հիմնախնդիրները՝ դրանց լուծման համար ներկայացնելով համապատասխան առաջարկություններ։