Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ Գեղարքունիքի մարզպետ Կարեն Սարգսյանի շնորհավորական ուղերձը` Տեղական ինքնակառավարման օրվա առթիվ
11.11.2024
Տեղական ինքնակառավարման հարգելի' ներկայացուցիչներ, մեծագույն հարգանքով շնորհավորում եմ ձեզ` մասնագիտական տոնի առթիվ։
1996 թվականի նոյեմբերի 10-ին Հայաստանի Հանրապետությունում ներդրվեց Տեղական ինքնակառավարման համակարգը, որը կարևոր դերակատարություն ունեցավ մեր պետության համակարգային զարգացման գործում։
Անցած 28 տարիների ընթացքում Տիմ ոլորտն անցել է դժվարին, սակայն արդյունավետ ճանապարհ, նախապայման ստեղծելով մեր քաղաքացիների ակտիվ մասնակցության և որոշումների կայացման հարցում։
Վերջին տարիներին Տի ոլորտում ներդրվեց նաև համայնքների խոշորացման ծրագիրը, նպաստելով համայնքային բնույթի խնդիրների միասնական լուծմանն ու ֆինանսական միջոցների արդյունավետ կառավարմանը։
Այս ամենի վկայությունն է տարբեր համայնքներում և բնակավայրերում սուբվենցիոն բազմոլորտ ծրագրերի իրականացումը, որոնք կյանքի են կոչվում պետություն - համայնք համաֆինանսավորման արդյունքում։
Տիմ համակարգի հետագա կատարելագործման, համայնքային խնդիրների կարգավորմանն ուղղված հարցերը շարունակում են մնալ ՀՀ Կառավարության ուշադրության կենտրոնում և համոզված եմ, որ այդ մարմինները կշարունակեն նույն ջանասիրությամբ առաջ շարժվել` հանուն մեր պետության հզորացման ու բարգավաճման։
Կրկին անգամ շնորհավորում եմ, մաղթում նորանոր հաջողություններ և բարեկեցիկ կյանք։
Լավագույն ցանկություններով` ՀՀ Գեղարքունիքի մարզպետ Կարեն Սարգսյան
