Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գավառ համայնքից Հայոց բանակ ճանապարհվեց նորակոչիկների հերթական խումբը
27.06.2024
Հունիսի 27-ին ՀՀ ՊՆ Զ և ԶՀԾ Գեղարքունիքի մարզային ստորաբաժանման Գավառի բաժանմունքից Հայոց բանակ ճանապարհվեց Գավառ համայնքի նորակոչիկների առաջին խումբը։ Զորակոչի արարողությանը մասնակցեցին Գեղարքունիքի մարզպետի տեղակալ Ջանիկ Բազեյանը, ՀՀ ՊՆ Զ և ԶՀԾ Գեղարքունիքի մարզային ստորաբաժանման Գավառի բաժանմունքի պետ Վանիկ Գոզեյանը, Գավառ համայնքի ղեկավարի տեղակալ Գրիգոր Բոշյանը, Գեղարքունիքի մարզպետի աշխատակազմի, Գավառի համայնքապետարանի, ուժային կառույցների ներկայացուցիչներ, նորակոչիկների ծնողներ և հարազատներ։
Հանդիպման ընթացքում Գեղարքունիքի մարզպետի տեղակալ Ջանիկ Բազեյանն օրվա առիթով շնորհավորեց նորակոչիկներին՝ նրանց մաղթելով խաղաղ և ապահով ծառայություն, միաժամանակ շեշտելով, որ հայ զինվորի համազգեստը կրելը մեծ պատիվ ու հպարտություն է, հայրենիքի պաշտպանությունը՝ սուրբ պարտականություն։ Այնուհետ նորակոչիկները Գավառի Սուրբ Աստվածածին եկեղեցում ստացան Հայ Առաքելական եկեղեցու հոգևոր դասի օրհնությունը և ուղևորվեցին ՀՀ ՊՆ կենտրոնական հավաքակայան։
2024 թվականի ամառային զորակոչը Գեղարքունիքի մարզում կշարունակվի մինչև հուլիս ամսվա վերջ։
