Գեղարքունիքի մարզպետի աշխատակազմ

ՀՀ կառավարության 2024 թվականի փետրվարի 15-ի հերթական նիստում որոշում է կայացվել՝ Գեղարքունիքի մարզում պետական աջակցությամբ իրականացվող մի շարք ծրագրերի նախագծանախահաշվային փաստաթղթերի կազմման և շինարարական աշխատանքների իրականացման համար ՀՀ պետական բյուջեից 68 միլիոն 734,6 հազար դրամ հատկացնելու մասին։ 
160 հազար դրամ հատկացվել է Մ-10, Սևան-Մարտունի-Գետափ միջպետական նշանակության ավտոճանապարհի կմ79+060-կմ80+590 հատվածի վերակառուցման նախագծանախահաշվային փաստաթղթերի կազմման համար։
3 միլիոն 738 հազար դրամ հատկացվել է Հ-29, Սևան-Ծաղկունք–Զովաբեր հանրապետական նշանակության ավտոճանապարհի կմ 0+000-կմ 18+200 հատվածի հիմնորոգման նախագծանախահաշվային փաստաթղթերի կազմման համար (բացառությամբ կմ 11+000-կմ 12+000 հատվածի)։
392 հազար դրամ հատկացվել է Մ-10, Սևան-Մարտունի-Գետափ միջպետական նշանակության ավտոճանապարհի կմ21+500-ում գտնվող փլուզված հողային պաստառի շեպի վերականգնման նախագծանախահաշվային փաստաթղթերի կազմման համար։
15 միլիոն 829 հազար դրամ հատկացվել է Ուրցաձորից դեպի Մարտունի տանող ավտոճանապարհի կառուցման նախագծանախահաշվային փաստաթղթերի կազմման համար։
48 միլիոն 615,6 հազար դրամ հատկացվել է /Մ-4/-Սևանի թերակղզի հանրապետական նշանակության ավտոճանապարհի կմ1+400 կմ1+500 հատվածում փլուզված հողային պաստառի շեպի վերականգնման շինարարական աշխատանքների իրականացման համար։