Գեղարքունիքի մարզպետի աշխատակազմ

Գեղարքունիքի մարզի Սևան համայնքի Ծովագյուղ բնակավայրում ՀՀ կառավարության կողմից 2023 թվականին իրականացվող սուբվենցիոն ծրագրերի շրջանակներում ասֆալտապատմամբ հիմնանորոգվել է 23 փողոց, փակուղի և նրբանցք։
Ծովագյուղի ներհամայնքային ճանապարհների հիմնանորոգման ծրագրի պայմանագրային արժեքը կազմում է 472 միլիոն 257 հազար 490 դրամ, որի 40 տոկոսը կամ 188 միլիոն 902 հազար 996 դրամը հատկացնում է ՀՀ կառավարությունը, իսկ 60 տոկոսը՝ կամ 283 միլիոն 355 հազար 494 դրամը՝ Սևանի համայնքապետարանը։
Շինարարական աշխատանքները մեկնարկել են 2023 թվականի հուլիսից և ավարտվել նույն տարվա դեկտեմբերին։
Ծրագրի իրականացման արդյունքում Ծովագյուղի 23 փողոցները, նրբանցքները և փակուղիներն ասֆալտապատվել են 5 կիլոմետր 876 գծամետր երկարությամբ, 30 հազար 34 քառակուսի մետր ընդհանուր մակերեսով։
Ծրագրի շահառու հանդիսացող բոլոր բնակիչներն ասֆալտապատ ու բարեկարգված ճանապարհներից օգտվում են առաջին անգամ։