Գեղարքունիքի մարզպետի աշխատակազմ

Գեղարքունիքի մարզի Գավառ համայնքի Նորատուս բնակավայրում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում 2023 թվականին ասֆալտապատվել է Գրիգոր Լուսավորիչ փողոցը, Պանթեոն տանող ճանապարհը, կառուցվել է մանկական խաղահրապարակ և արտաքին լուսավորության ցանց։
Նորատուսի սուբվենցիոն 4 ծրագրերի համար ներդրվել է 98 միլիոն 714 հազար 411 դրամ, որից 50 միլիոն 572 հազար 505 դրամը կազմել է պետության, 48 միլիոն 141 հազար 906 դրամը՝ Գավառի համայնքապետարանի ներդրումը։
 Նորատուսի Գրիգոր Լուսավորիչ փողոցի ասֆալտապատման ծրագրի պայմանագրային արժեքը կազմել է 44 միլիոն 817 հազար 068 դրամ, որի 50 տոկոսը հատկացրել է ՀՀ կառավարությունը, 50 տոկոսը՝ Գավառի համայնքապետարանը։
Այս ծրագրերի շինարարական աշխատանքները մեկնարկել են 2023 թվականի մայիսից և ավարտվել նույն տարվա դեկտեմբերին։
Գրիգոր Լուսավորիչ փողոցն ասֆալտապատվել է 380 գծամետր երկարությամբ և 4062 քառակուսի մետր մակերեսով։ Եվս 455,81 քառակուսի մետր մակերեսով ասֆալտապատում կատարվել է մուտքերում և ուղիներում, 251 քառակուսի մետր՝ մայթերում։ Տեղադրվել է 335 գծամետր երկարության բազալտե եզրաքարեր։
 Նորատուսի Պանթեոն տանող ճանապարհի ասֆալտապատման ծրագրի պայմանագրային արժեքը կազմել է 11 միլիոն 411 հազար 343 դրամ, որի 50 տոկոսը հատկացրել է ՀՀ կառավարությունը, 50 տոկոսը՝ Գավառի համայնքապետարանը։ Աշխատանքների արդյունքում ասֆալտապատվել է 119 գծամետր երկարությամբ, 1127 քառակուսի մետր մակերեսով հատված։ 478 գծամետր երկարությամբ տեղադրվել են բազալտե եզրաքարեր։
 Նորատուսի խաղահրապարակի կառուցման ծրագրի պայմանագրային արժեքը կազմել է 20 միլիոն 222 հազար դրամ, որի 45 տոկոսը հատկացրել է ՀՀ կառավարությունը, 55 տոկոսը՝ Գավառի համայնքապետարանը։
Շինարարական աշխատանքները մեկնարկել են 2023 թվականի ապրիլ ամսից և ավարտվել նույն տարվա նոյեմբերին։
Խաղահրապարակն ունի մանկական խաղարաններ, զրուցարան-տաղավարներ, լուսավորության ցանց, ցայտաղբյուր։
Ծրագրի շահառու են հանդիսանում Նորատուս համայնքի բոլոր երեխաները։
Նորատուսի արտաքին լուսավորության ցանցի կառուցման ծրագրի պայմանագրային արժեքը կազմել է 22 միլիոն 264 հազար դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Գավառի համայնքապետարանը։ Շինարարական աշխատանքները մեկնարկել են 2022 թվականի վերջերից և ավարտի հասցվել 2023 թվականի նոյեմբերին։
Ծրագրի իրականացման արդյունքում Նորատուսի Գրիգոր Լուսավորչի, Սևանի, Դեմիրճյան, Պարույր Սևակ, Սարալանջի և 2-րդ փողոցներում տեղադրվել է ԼԵԴ համակարգով աշխատող 132 լուսատու։
Ծրագրի շահառու են հանդիսանում Նորատուս գյուղի տնտեսությունների մեծ մասը։
Նորատուսի պատմության ընթացքում վերոնշյալ փողոցներում գիշերային լուսավորության ցանցից բնակիչներն օգտվում են առաջին անգամ։