Գեղարքունիքի մարզպետի աշխատակազմ

Նոյեմբերի 29-ին Գեղարքունիքի մարզպետ Կարեն Սարգսյանը Ճամբարակի համայնքապետարանում կատարեց քաղաքացիների ընդունելություն։
Ընդունելությանը մասնակցեցին Գեղարքունիքի մարզպետի օգնական Ջանիկ Բազեյանը, մարզպետի աշխատակազմի ստորաբաժանումների ղեկավարներ, Ճամբարակ համայնքի ղեկավարի առաջին տեղակալ Ռոբերտ Օհանյանը։
Ընդունելության ներկայացած 24 քաղաքացիներից 14-ը Գեղարքունիքի մարզպետին դիմեցին դրամական օգնության, 4-ը` աշխատանքի տեղավորման, 4-ը` բուժման, 1-ը` փլված պատշգամբի նորոգման, 1-ը` վթարային բնակարանի վերականգնման խնդրանքով։
Ֆինանսական օգնության հարցով դիմածների խնդրանքը բավարարվեց տեղում, իսկ մնացած դիմումները վերցվեցին հաշվառման, որոնց պատասխանները կտրվեն օրենքով սահմանված կարգով եւ ժամկետներում։
Աշխատանքի հարցով մարզպետին դիմածները Լեռնային Ղարաբաղից բռնի տեղահանված եւ Ճամբարակում կեցավայր ընտրած անձինք էին, ովքեր միաժամանակ մարզի ղեկավարից պարզաբանումներ ստացան իրենց հուզող այլ հարցերի շուրջ։